Matayo 12:36 - Pokomo

³⁶ Hachi nyakumwambiani, nsiku ya mwiso mudzayavya hesaḅu ya kula chuuwo kisicho maana muneneyecho.

Matayo 12:36 ပူးပေါင်းရင်းမြစ်များ

Matayo 10:15

Nami hachi nyakumwambiani, nsiku ya hukumu idzepfofika, Muungu anawafwia t̯ei zaid̯i wantu wa midzi ya Sod̯oma na Gomora, kuliko wantu wa huo huo mudzi!”

Matayo 11:22

Hachi nyakumwambiani, nsiku ya hukumu idzepfofika, Muungu kadzawafwia t̯ei zaid̯i wantu wa midzi ya Turo na Sidoni kuliko nywinywi!

Matayo 12:37

Koro hivi vyuuwo mwivyonanena yeo, ndivyo vidzevyomuhendeza muonegwe kuwa wahachi ambu vidzevyomuhendeza muhukumigwe.”

Warumi 14:12

Ndookomu kula mumodza jwehu kadzayavya hesaḅu ya mahendoye jeje mwenye usoni kwa Muungu.

Warumi 2:16

Ndookomu hivi hivi ndivyo vidzevyowahendekea hiyo hiyo nsiku ya Muungu adzeyowahukumu wanaad̯amu kwa dzambo ḍya haya mambo weyonafitsa myojoni mwao. Kuuḅana na hi Injili niyonasumwiiya, Muungu kadzawahukumu wanaad̯amu wonse kuchiiya na kwa *Kirist̯o Yesu.

Yakobo 3:6

Jwiimi najo jwaa dza moho. Judzaa kula aina ya mazuka yeyonaweza kunanga maisha ya muntu mazima! Junagiza moho maisha ya muntu, jukayananga dza kwamba jugizwa moho usiwozimika dza huḍe wa *Jehanamu.

Upfenuo wa Yohana 20:12

Kisa niona wantu wafwiyeo, wakuu kwa wachuchu, wasumama usoni ya hikiḍe kiti cha kihaju na kufungujwa vyuo. Makisa kufungujwa hichi chuo chicho na masari ya hawaḍe wadzeopata maisha ya kuunga na yuungo. Na wafu wahukumigwa kuuḅana na haya mahendo yao yorejweyo humuḍe vyuoni.