Matayo 12:25 - Pokomo

²⁵ Yesu ewa kavimanya hiviḍe wevyowakit̯ara. D̯ubva kawamba, “Uhaju uḍewonse ugawikiyeo vit̯aro vya kupfingana vivyo kwa vivyo, ntauwezi kusumama. Na mudzi ambu nyumba iḍeyonse igawikiyeyo vit̯aro vya kupfingana vivyo kwa vivyo, ntauwezi kusumama.

Matayo 12:25 ပူးပေါင်းရင်းမြစ်များ

Matayo 9:4

Yesu epfohambuya hiviḍe wevyowakit̯ara, kawauza kawamba, “Kut̯i nywinywi mwakunit̯ariani mambo mazuka dzayohayo?

Marko 2:8

Na pfapfo Yesu kahambuya haya mat̯aro yao, na kawauza kawamba, “Kut̯i nywinywi mwakut̯arani mat̯aro dza hayo?

Yohana 21:17

Makisa Yesu kamuuza Pet̯ero ḍya hahu kamwamba, “Dze Simioni mwana jwa Yohana, kunitsaka?” Pet̯ero kasikia tsungu kwa dzambo ḍya hivi vya Yesu amuuziyevyo mweedha wa hahu kwamba kamutsaka ambu hat̯a. Nae kamwamba, “Ḅwana, wewe kumanya kula kintu. Wewe mwenye kumanya ya kwamba mimi nikutsaka!” D̯ubva nae Yesu kamwamba, “Haya, zit̯ikise mbuzi zangu.

1 Wakorint̯o 2:11

Ntaku eyenaweza kumanya mat̯aro ya muntu, lamud̯a huyu muntu jeje mwenye. Na dza vivyo, Ruhu jwa Muungu ndiye amanyiye kula kintu dzuu ya Muungu.

Wagalatia 5:15

Mukikaiya kuumana na kuḅaana-ḅaana dza binensa, manyani, ambu sivyo munakwisana nywinywi na nywinywi.

Waeburania 4:13

Ntaku chichonaweza kufitsika kwa Muungu. Jeje kula kiumbe kakuchionani tswee. Na ndiye hudzeeyamuparia hayaḍe yonse huhendeyeyo maishani mwehu.

Upfenuo wa Yohana 16:19

Huḍe mudzi mukuu wa Babeli uḅaika sehemu ntahu, na hi midzi mikuu ingine ya humu lumwenguni ihoromoka mutsangani tswee. Muungu nkakuyaarerwa haya mazuka yahendejweyo ni mudzi wa Babeli. Kauhendeza ukinwe hichi chikombe che mvinyo ye ngoroye nkali.

Upfenuo wa Yohana 2:23

Wonse weokuuḅani mayongweezoye nawayaga tswee! Na matsanganiko yonse yanamanya kwamba mimi ndimi nimanyiye mojo wa kula muntu na mat̯aroye. Nami kula mumodza jwenu namuipfa kuuḅana na mahendoye.