Matayo 10:28 - Pokomo

²⁸ Namutsewashooga hawaḍe weonaweza kumuyaga mii ḅasi na hali ntawa uwezo wa kuziyaga ruhu zenu. Ela mushoogeni Muungu, koro jeje ana uwezo wa kungiza *mohoni mwii na ruhu ya muntu, na avinange-nange tswee.

Matayo 10:28 ပူးပေါင်းရင်းမြစ်များ

Matayo 10:26

Ndookomu namutseshooga, koro ngera zakudzani ambapfo kula kifinikizijwecho kidzapfenujwa wekeani, na kula kifitsijwecho kidzamanyikana.

Matayo 25:46

Ndookomu hawa wantu wazuka wadzangizwa pfantu pfa adhaḅu isiyosia. Ela wahachi wadzangizwa pfantu pfa maisha ya kuunga na yuungo.”

Matayo 5:22

Ela mimi nyakumwambiani kwamba, yuḍejwonse amurejeeye mwenziwe t̯u, nae pia ananjia hukumuni. Na yuḍejwonse amutsoleye-tsoleye mwenziwe na kumuhana muntu asiye maana, nae pia nsiku ya mwiso ka hat̯arini ya kunjia *mohoni.

Yohana 5:29

na wanafufuka. Hawaḍe wahendeyeo mema, wanafufuka na wanawa na maisha ya kuunga na yuungo. Ela hawaḍe wahendeyeo mazuka, wanafufuka na wananjia hukumuni.

Mahendo 21:13

Kenge jeje kambukuya kamba, “Maana ya kuiya na kuniyaga mojo dzevihivi ni? Sikwaa t̯ayari t̯u kufungwa-fungwa Yerusalemi ela hat̯a kufwa kwa dzambo ḍya Ḅwana Yesu.”

Waeburania 10:31

Vyaa oga muno kugwa mikononi mwa Muungu eye mojo.

Waeburania 11:35

Wake wangine wafufwiijwa wantu wao. Wangine wakuntiswa d̯ina za kafu kwa dzambo ḍya faro zao. Ela wakilia kufwa ili wapate kudzafufujwa wawe na maisha mema ḅaad̯aye, kuliko kuzikana faro zao na wayatswe huru.

Yakobo 4:12

Muungu jeje heket̯u ndiye eyenaweka Sharia na kuhukumu wantu. Na ndiye jeje t̯u eyenaweza kupfonya wantu ambu kuwananga-nanga. Ehe wewe nawe, hivi hivi u ga hat̯a umukizie hukumu mwenziwo?

1 Pet̯ero 3:14

Kenge hat̯a ikiwa kwamba mukuntiswa d̯ina kwa dzambo ḍya kuhenda mema, tsekeani muno! Namutseshooga kiḍechonse, nolawe kuhangaika myojoni mwenu.

Upfenuo wa Yohana 2:10

Mudzakuntiswa d̯ina zaid̯i na zaid̯i mahafufini. Ela namutseshooga. T̯asikiani, Shaat̯ani njwakumuyehea maḍemo ya kuhendeza wangine wenu wangizwe magerenzani. Munawa d̯inani kwa muḍa wa nsiku kumi. Nywinywi hat̯a ni kufwa fwani, ela namutseiyekeza faro yenu. Nami namumpa t̯ubvo ḍya maisha ya kuunga na yuungo.