Matayo 10:27 - Pokomo

²⁷ Haya niyonakaa na kumuyongweeza kizani, yalalabveni kweupe. Na haya niyonakaa na kumunongonea, yalalabveni wekeani tswee ili kula mumodza ayasikie.

Matayo 10:27 ပူးပေါင်းရင်းမြစ်များ

Matayo 24:17

Huyuḍe awee paani dzuu natsesuka anjie nyumbani akahwae vijavye.

Luka 12:3

Ndookomu kula muneneyecho kizani, kidzasikijwa muyangani. Na kula munongoneyecho nyumbani kuzimu kidzalalabvigwa wekeani.”

Luka 8:10

Nae kawambukuya kawamba, “Nywinywi muḍyaalijwa kuimanya hi siri ya Uhaju wa Muungu. Ela wangine wanayambijwa ḅasi kimafumbo. Ndookomu kuona wanaona, ela ntawahambuye kintu. Kusikiiya wanasikiiya, ela ntawaimuke kintu.”

Yohana 16:1

Nyakumwambiani haya haya yonse ili mutsekudzaiyekeza hi faro yenu.

Yohana 16:13

Ela huyu Ruhu jwa kuiyanga hi hachi adzepfokudza, anamuyanga kula dzambo ḍiḍyo ḍya hachi muḍimanye. Jeje nkanene yakwe mwenye, ela anamwambia hayaḍe yonse eyonasikia kuyawa kwangu. Anamwambia dzuu ya haya yadzeyohendeka.

Yohana 16:25

Haya haya mambo niyamwambia na mainganyo, ela kudzafika ngera ya kwamba sikudzanena nanywi na mainganyo kawii. Nidzanena nanywi na lugha ya kuimukika tswee dzuu ya Baba.

Yohana 16:29

Hawa wanafund̯iwe wamwamba, “Ehe, sasa kwakunenani lugha ya kuimukika, nkukwakunenani na mainganyo kawii.

Mahendo 17:17

Ndookomu kaḍaat̯iana na hawa Wayahud̯i na hawa wantu wa vyeet̯i vingine weonamuyomba Muungu, humuḍe sunagogini na wantu waḍewonse weowakyenda hapfaḍe gasani.

Mahendo 5:20

“Endani mukasumame Hekaluni, muwasumwiiye hawa wantu kula kintu dzuu ya haya maisha yenu mapfya.”

Mahendo 5:28

Kawamba, “Ntahukumuseresa kwamba mutseyongweeza kwa sari ḍya Yesu? Ela t̯ayowani haya muhendeyeyo! Ishinu muidzaza Yerusalemi nzima na mayongweezo yenu. Na mwakutsakani kuhufwariza kwamba ndiswi humuyagiyeo!”

2 Wakorint̯o 3:12

Kwa dzambo ḍya kwamba huna haya haya madzikwat̯yo, hunanena pfasipfo oga.