Marko 2:12 - Pokomo

¹² Na iyo saa, huyuḍe muntu kanuka wima, kahwaa t̯at̯aḍye kagonzowa huku wantu wonse wakiwa kumuyowani na kumaka. Na wonse wanjia kumushad̯ani Muungu wakyamba, “Ntahudzaona dzambo dza hiḍi meshi!”

Marko 2:12 ပူးပေါင်းရင်းမြစ်များ

Matayo 12:23

D̯ubva hi t̯ut̯a yonse ya wantu imaka hat̯a waḍabva kuuzana wao na wao wakyamba, “Munamba ayu muntu ayu ndiye ayu Mwana jwa D̯aud̯i ambijwee kwamba anawa ayu *Masiya?”

Matayo 15:31

Hawa wantu wamaka muno wakidzawakiona kwamba maḅuḅwi yakunenani, wahinamfiyeo wakupfonywani, vihewi wakwenendani, na ntumbu matso wakuonani! Ndookomu wamushad̯a Muungu jwa Isiraeli.

Matayo 9:33

Yesu epfoiyavya hiḍe mpepfo nzuka t̯u, huyuḍe muntu kaḍabva kunena. Wantu wamaka na waḍabva kunena wakyamba, “Hachi ntahudzaona mambo dzayahaya yahendeke pfaḍepfonse hi hii nsi ya Isiraeli!”

Matayo 9:8

Wantu wonse weokuwapfo wanjijwa ni oga na waḍabva kumushad̯a Muungu kwa kumumpa mwanaad̯amu uwezo mukuu dzohuu.

Marko 1:27

Wantu wonse wamaka muno hat̯a waḍabva kuuzana wao na wao wakyamba, “Haya haya nayo ni mambo ga? Munamba ni mayongweezo mapfya? Huyu huyu muntu ana mamulaka yeyodze, ya kwamba hat̯a akiamuru mpepfo nzuka zimuyawe muntu nazo zinamut̯ii?”

Marko 2:11

“Nuka wima, hwaa hiḍi t̯at̯aḍyo wende nyumbani.”

Luka 13:13

Kamuwekea mikono, na pfapfo huyuḍe muke kagonzoka ḍii na kaḍabva kumushad̯a Muungu.

Luka 17:15

Mumodza jwao epfodzihambuya kwamba kapfonywa, kauja kwa Yesu, huku akimushad̯a Muungu na idzwi kuu.

Luka 5:26

Wantu wonse weokuwapfo wamaka hat̯a wanjijwa ni oga. Ndookomu wamushad̯a Muungu wakyamba, “Yeo huona mambo ya mafara.”

Luka 7:16

Wantu wonse weokuwapfo wagijwa ni oga na wamushad̯a Muungu wakyamba, “Hut̯upukijwa ni *nabii mukuu kahi yehu. Muungu kadzia kuhugija swiswi, wantuwe!”

Yohana 7:31

Ela wantu wangine wenji weokuwapfo hapfaḍe wamuhikiza. Wamba, “Hat̯a ayu Masiya akidza, anaweza kuhenda mafara ya kumakisa kumuchia ayu muntu ayu?”

Yohana 9:32

Hangu lumwengu juumbwe, dzambo dza hiḍi ḍya kupfonya muntu avyaijwe ntumbu matso ntaḍidzahendeka.

Mahendo 4:21

Hi gasa iwakanya vyumuni, makisa iwayatsa wende. Ntawakuweza kuwahukumu, koro wantu wonse wewa kumushad̯ani Muungu kwa haya yahendekeeyo.