Marko 13:9 - Pokomo

⁹ Ela manyani! Koro wantu wadzamugija na kumupfiika magasani, na mudzabigwa malucha *masunagogini. Na kwa dzambo ḍyangu, mudzasit̯akigwa usoni ya mahaju na wat̯awala wangine, nanywi mudzayavya ushuhuḍa dzuu yangu kwao.

Marko 13:9 ပူးပေါင်းရင်းမြစ်များ

Matayo 5:22

Ela mimi nyakumwambiani kwamba, yuḍejwonse amurejeeye mwenziwe t̯u, nae pia ananjia hukumuni. Na yuḍejwonse amutsoleye-tsoleye mwenziwe na kumuhana muntu asiye maana, nae pia nsiku ya mwiso ka hat̯arini ya kunjia *mohoni.

Marko 13:5

D̯ubva Yesu kawamba, “Manyani muntu atsekudzamwaarya.

Marko 13:8

Nsi zidzanuka kujwana na nsi zingine, na uhaju udzajwana na uhaju ungine. Kudzawa nzaa na mihehemo ya nsi kuntu garagara. Ela haya haya yonse ni dza ḍabvu t̯u ya tsungu wa kuvyaa.

Marko 6:11

Na pfaḍepfonse musipfopfokejwa na wenye wakidziza kumusikiiya, pfanukeni hapfo pfantu na mukukunte hiḍi ḍukuu ḍya haya maguu yenu, kuwayanga kwamba wahenda matsowa.”

Luka 9:5

Na pfaḍepfonse pfa wantu wasipfomupfokea, uyaweni huo mudzi na mukukunte hiḍi ḍukuu ḍya humu maguuni mwenu kuwayanga kwamba wahenda matsowa.”

Yohana 15:20

Aviḍe nivyomwambia munavikumbuka? Niwa nimwamba, ‘Muhumwa si mukuu kumuchia huyu ḅwana jwakwe.’ Ikiwa kwamba mimi wanikuntisa d̯ina, ḅasi hat̯a nanywi wanamukuntisa d̯ina. Ela kwa kwamba wangine wao wayagija haya mayongweezo yangu, ḅasi hat̯a haya mayongweezo yenu pia, wangine wao wanayagija.

Yohana 16:2

Nywinywi mudzayavigwa masunagogini, na kudzafika ngera ya wantu kumuyaga wakit̯ara ya kwamba kwa kuhenda hivyo, wakumuhumikiani Muungu.

Mahendo 21:11

Kahudzia, kauhwaa hu mulao wa Paulo, kaudzifunga nao maguuye na mikonoye, makisa kamba, “Ruhu Mudheru kamba, ‘Mwenye hu mulao hu anafungwa dzevi ni Wayahud̯i wa Yerusalemi, makisa wanamungiza mikononi mwa wantu wa vyeet̯i vingine.’ ”

Mahendo 7:54

Hawa wazee we gasa wepfosikia hivi, wareja na wamurhighia magego na ngoro.

Mahendo 9:16

Na mimi mwenye namuyanga menji yadzeyomumala kukuntiswa d̯ina kwa dzambo ḍyangu.”

Wafilipi 1:29

Koro hi hii namfasi maalumu mupfegejweyo, ntamukuipfegwa kwa kumuhikiza Kirist̯o t̯u, ela hat̯a na kwa kukuntiswa d̯ina kwa dzambo ḍyakwe.

2 Watesalonike 1:5

Wantu wadzaona tswee kwamba, Muungu anamuhukumu kula muntu dza evyonamala. Nywinywi hi saasambi mwakufwani kuit̯isa mad̯inani kwa dzambo ḍya hu Uhaju wa Muungu. Na kwa dzambo ḍyevyohivyo, Muungu nae anamut̯ala kuwa wantu mwiwonamala kuunjia uhajuwe.

2 Yohana 1:8

D̯ubva dzit̯unzeni, ili kazi zenu muhendeyezo zitsekudzadziaria ḅasi, ela mudzemupate maipfo yenu mazima!

Upfenuo wa Yohana 1:9

Mimi ndugu yenu Yohana, nyakukuntiswani d̯ina dzanywi kwa dzambo ḍya Yesu Kirist̯o. Nyakuuyoweyani Uhaju wa Muungu na kuit̯isa mad̯inani dzanywi kwa dzambo ḍya Yesu. Mimi nisamiswa nipfiikwa kilulu cha Patimo, kwa dzambo ḍya kuyongweeza chuuwo cha Muungu na kusumwiiya wantu dzuu ya Yesu.

Upfenuo wa Yohana 2:10

Mudzakuntiswa d̯ina zaid̯i na zaid̯i mahafufini. Ela namutseshooga. T̯asikiani, Shaat̯ani njwakumuyehea maḍemo ya kuhendeza wangine wenu wangizwe magerenzani. Munawa d̯inani kwa muḍa wa nsiku kumi. Nywinywi hat̯a ni kufwa fwani, ela namutseiyekeza faro yenu. Nami namumpa t̯ubvo ḍya maisha ya kuunga na yuungo.

Upfenuo wa Yohana 2:13

Mimi nimanya kwamba huku mwikokuishini ndiko kwa Shaat̯ani mwenye ekokut̯awalani. Ela faro yenu kwangu muigija gu! Na hat̯a masiku ya Antipa shaahiḍi jwangu muhikizika, epfoyagwa humo mudzini mwenu, wiwo makao ya Shaat̯ani, nywinywi ntamukuuja na nyuma.