Marko 11:32 - Pokomo

³² Na kawii hukyamba mamulaka ya Yohana ya kut̯opya wantu yayawa kwa wanaad̯amu, vinawadze?” Wekiwashooga hawa wantu, koro wonse wewa wahikiza kwamba Yohana ni *nabii.

Marko 11:32 ပူးပေါင်းရင်းမြစ်များ

Matayo 11:9

Mwikit̯aria kwamba mwendaona muntu eyedze? Ntamwiikwenda kuona nabii? Ḅasi hachi nyakumwambiani, mwenda muona muntu eye hat̯a zaid̯i ya nabii!

Matayo 14:5

Nae Herod̯e ekitsaka kumuyaga Yohana, ela ekishooga kwamba kundejumuka fuḍyo, koro wantu wonse wehikiza kwamba Yohana ni *nabii.

Matayo 21:46

Ndookomu wekitsaka kumugija, ela wekiishooga hi t̯ut̯a ya wantu, koro wantu wonse wehikiza kwamba Yesu ni nabii.

Marko 11:31

Hawaḍe wantu waḍabva kuḍaat̯iana wao na wao wakyamba, “Haya hwambedze? Hukyamba mamulaka ya Yohana ya kut̯opya wantu yayawa kwa Muungu, anahwamba, ‘Mani d̯ubva kut̯i ntamukumuhikiza?’

Marko 11:33

Ndookomu mwiso wamwambukuya Yesu wamwamba, “Ntahudzi!” Nae kawamba, “Wala nami simwambiye kwamba, haya haya mambo nyakuyahendani na mamulaka ya ga!”

Marko 12:12

Hawa wakuu wa Kiyahud̯i waimuka kwamba Yesu ekiwanena wao. Nao wekitsaka kumugija, ela wekiishooga hi t̯ut̯a ya wantu. Ndookomu wamuyatsa wenda makwao.

Marko 6:20

Herod̯e ekimushooga Yohana koro ewa kamanya kwamba ni muntu muhachi na mugulufu, ndookomu ekimuchinga. Herod̯e ekitsaka muno kumupfindiiya Yohana, ela kula akimusikiiya mojowe unamutsowa raha.

Luka 20:19

Hawa waalimu wa Sharia na wakohani wakuu waimuka kwamba Yesu ekiwanena wao. Ndookomu wekitsaka kumugija pfapfaḍe, ela ntawakuweza koro wekiwashooga hawa wantu.

Luka 22:2

Wakohani wakuu na waalimu wa *Sharia walacha njia ya kumuyaga Yesu na siri, koro wekiwashooga hawa wantu.

Yohana 10:41

Na wantu wenji wamwendea na waḍabva kunena wao na wao wakyamba, “Gula Yohana nkakuhenda mafara ya kumakisa yaḍeyonse, ela kula aneneyecho dzuu ya huyu muntu huyu kiiwa ncha ḍugha.”

Mahendo 5:26

D̯ubva huyu mukuu jwa wamia wa Hekalu na wantuwe wenda wawahwaa hawa ntumi. Ela ntawakuwahwaa na nguvu koro wekiwashooga hawa wantu watsewabiga na mawe.