Mahendo 9:38 - Pokomo

³⁸ Mudzi wa Yopa ntawiiwa kuye na Lida. D̯ubva hawa wanafund̯i weokuwa Yopa wepfosikia kwamba Pet̯ero ka Lida, wamupfiikia ḍaamisa na wantu wawii wamwamba, “Rebva udze huku.”

Mahendo 9:38 ပူးပေါင်းရင်းမြစ်များ

Mahendo 10:5

D̯ubva huma wantu Yopa, wende wakamuhane muntu mumodza eyenahanwa Simioni Pet̯ero.

Mahendo 10:8

Kawambia haya yonse yahendekeeyo, makisa kawahuma Yopa.

Mahendo 11:13

Nae kahusumwiiya namuna aoneyevyo malaika akisumama nyumbani mwakwe na akimwamba, ‘Huma muntu Yopa, ende akamuhane muntu eyenahanwa Simioni Pet̯ero.

Mahendo 11:26

Epfomuona, kenda nae Antiokia. Nao wowii wakaa na hiḍiḍe tsanganiko kwa mwaka muzima. Na wayongweeza kit̯aro kikuu cha wantu. Hukuḍe Antiokia ndiko kwa d̯ura kwa hawa wamuhikiziyeo Yesu wahanijweko Wakirist̯o.

Mahendo 11:5

“Nsiku modza niwa kuyombani mudzini Yopa, nipfoona nzozi. Niona kintu dza nguo nkuu igijijweyo na mitse mine, ikiwa kususwani kuyawa mbinguni, hat̯a idza hafufi nami.

Mahendo 9:19

Epfoḍya chakuḍya, nguvu zimuujia. Sauli kakaa kwa nsiku kachuchu na hawa wanafund̯i hukuḍe Damasiko.

Mahendo 9:32

Iwa kwamba Pet̯ero epfoakichia huku na huku, ngera modza kenda hat̯a kwa wantu wa Muungu weowakikaa mudzi wa Lida.

Mahendo 9:36

Hukuḍe Yopa kwiwa na mwanafund̯i muke ahanijwe Tabita (Sariḍye kwa Kiyunani ndiye Dokasi, maanaye ni nkuyungu). Huyu muke meshi ekihenda mema na kuwagija masikini.

Mahendo 9:42

Haya maagu ya hiḍi dzambo yad̯achaa mudzi muzima wa Yopa, na wantu wenji wamuhikiza Ḅwana.

Mahendo 9:43

Pet̯ero kakaa nsiku nyinji Yopa na muelekanya nchingo ahanijwee Simioni.