Mahendo 9:31 - Pokomo

³¹ D̯ubva tsanganiko ḍiwa na ngera ya naghea Yud̯aya, Galilaya na Samaria yonse. Chima cha tsanganiko ḍimuhiliyevyo Ḅwana, ndiyo mala ḍikwiiyevyo na kwongezeka kwa kungizwa mojo ni Ruhu Mudheru.

Mahendo 9:31 ပူးပေါင်းရင်းမြစ်များ

Mahendo 12:24

Ela chuuwo cha Muungu kigija kud̯achaa na tsanganiko ḍikuya.

Mahendo 16:5

Ndookomu haya matsanganiko yangizwa nguvu faroni, na yagija kukuya kula nsiku.

Mahendo 2:47

Wekikaa na kumushad̯a Muungu, na weetsakwa ni wantu wonse. Ḅwana kagija kuchongeza hichi kit̯aro cha hawa wahikiza nsiku kwa nsiku, koro kula nsiku kwiwa wantu wangine weowakimuhikiza Ḅwana.

Mahendo 20:32

Paulo kagija kunena kamba, “D̯ubva nyakumuyatsani na Muungu na Maagu ya t̯eiye. Anaweza kumumbaka na kumumpa mvonize ezonawekea wantuwe wonse.

Mahendo 5:11

Tsanganiko ḍyonse pfamodza na wantu wonse wasikiiyeo haya mambo wanjijwa ni oga mukuu.

Mahendo 6:7

Ndookomu chuuwo cha Muungu kigija kud̯achaa kula pfantu. Chima cha wahikiza huko Yerusalemi chongezeka muno, na wakohani wenji wayahikiza haya *Maagu Mema.

Mahendo 8:1

Ae Sauli katsakizwa ni hiḍi hendo ḍya kumuyaga Sit̯efano. Wantu weonamuhila Muungu, wenda wamuzika Sit̯efano, na wamwiiya muno. Iyo nsiku, tsanganiko ḍya Yerusalemi, ḍiḍabva kukuntiswa d̯ina nkuu. Sauli kagija kuḍema kuḍinanga hiḍi tsanganiko. Kenda nyumba kwa nyumba, akiwaḅaa mafururyo na kuwayavya nze hawa wahikiza, hangu wake hat̯a wayume na kuwangiza gerenzani. Hawa wahikiziyeo wonse wat̯amisaa ḍanda zonse za Yud̯aya na Samaria, lamud̯a hawa *ntumi.

Warumi 14:17

Koro Uhaju wa Muungu ntau cha kwamba hwakuḍyani vyakuḍya gani ambu hwakunwani kintu ga. Cha maana ni kwamba hunamala kuwa wahachi na kukaiyana na naghea na tsekea. Haya haya ni mambo hwiyonayapfegwa ni Ruhu Mudheru.

Warumi 14:19

Ndookomu meshi nahuḍemeni kula hwivyonaweza ili huhende hayaḍe mambo yeyonayeha naghea na yeyonahuwezesa kumbakana swiswi na swiswi.

Warumi 15:13

D̯ubva Muungu eyenamumpa madzikwat̯yo, namudzaze tsekea na kumumpa naghea muno huku mukigija kumuserefat̯a jeje. Na kwehii njia munagija kuwa na madzikwat̯yo makuu kwa nguvu za huyu Ruhu Mudheru huku mukiindiya kut̯imizwa kwa hizi ahad̯i za Muungu.

Warumi 5:5

Na haya haya madzikwat̯yo hwiyonayo ntayanahungiza yutswani, koro Muungu kahuyanga matsakoye makuu kuchiiya na kwa Ruhu Mudheru jwakwe. Muungu kamuhukakanyia huyu huyu Ruhu myojoni mwehu dza t̯ola yakwe ahupfiyeyo.

1 Wakorint̯o 14:12

Nimanya ya kwamba muna hamu ya kuwa na haya mat̯ola ya huyu Ruhu. D̯ubva haswa, jwaniani kupata hayaḍe mat̯ola yeyonaḍimbaka hiḍi tsanganiko.

1 Wakorint̯o 14:26

Wandugu zangu, mani d̯ubva nichokunenani ni kintu ga? Ni kwamba, mwipfonatsanganika kwa mayombo, muntu anaweza kuwa na wiya, yungine anaweza kuwa na yongweezo, na yungine anaweza kuwa na hayaḍe ayangijweyo ni Muungu. Muntu yungine anaweza kunena na lugha ngeni, na yungine aweze kuimusya wantu maana ya haya yeyokunenwani na lugha ngeni. Haya haya yonse nayahendeke kwa dzambo ḍya kuḍimbaka hiḍi tsanganiko.

2 Wakorint̯o 10:8

Ḅwana kahupfa mamulaka dzuu yenu; si mamulaka ya kumutsaratsara, ela ni mamulaka ya kumumbaka nywinywi. Na hat̯a ingawa nimadziona kuchia chima dzuu ya haya mamulaka hwiyonayo, si yutswa na muntu.

2 Wakorint̯o 12:19

Waḅamu zangu watsakwa, namutset̯ara kwamba hangu iiḍe hwakuḍemani kudzihehea usoni yenu hat̯a! Muungu ndiye shaahiḍi, kwamba, hwakunenani hi ya hachi dza wantu wamuhikiziyeo Kirist̯o. Yonse hwiyokuhendani, hwakuyahendani kwa dzambo ḍya kumumbaka nywinywi.

2 Wakorint̯o 13:10

Nyakumworeani hi hii ḅaruwa ninkiwa kuye nanywi, ili kwamba chima changu cha kudza, kunawa ntaku haḍya kwangu kuwa mukali kwenu. Koro haya mamulaka ya Ḅwana animpiyeyo, natsaka kuyatumia kumumbaka nywinywi, si kumuvara-vara.

2 Wakorint̯o 7:1

Watsakwa, hizi hizi ahad̯i Muungu kazihuwekea swiswi. D̯ubva nahudzidherese kwa kuyatsa kula kintu chichonaihendeza mii yehu na ruhu zehu kutsaawa nd̯eru. Nahuishi maisha ya udheru muhupfu kwa dzambo ḍya kushooga kumutsowea Muungu.

Waefeso 4:12

Kazi yao ni kuwaelekanya wantu wa Muungu kumuhumikia Muungu ili hu mwii wa Kirist̯o, yani hiḍi tsanganiko, ḍipate kumbakika.

Waefeso 4:16

Wonse wamuhikiziyeo kawaunganya pfamodza dza hiviḍe vya mwii wa muntu wivyonagijaniswa ni haya makano ya mwii. Na kula kiiriiri kikihenda kaziye dza chivyonamala, mwii wonse unambakika na matsako na unawa na nguvu.

Waefeso 4:29

Namutseewa wantu wa vyuuwo vizuka vizuka. Ishinu mwipfonat̯amuka kunena, nenani vyuuwo vya kuwambaka hawaḍe weonamusikiiya ili vipate kuwafaiḍi.

Waefeso 5:21

Kula mumodza namut̯ii mwenziwe kwa dzambo ḍya kumuhila Kirist̯o.

Wafilipi 2:1

D̯ubva ikiwa kwamba kumuhikiza kwenu *Kirist̯o kunakaa na kumungiza mojo, na tsakoḍye ḍinamuingamaza, na ikiwa kwamba munakaa na kuwa na haria na huyu Ruhu Mudheru, na munatsakana na kufwiyana t̯ei nywinywi na nywinywi,

Wakolosai 1:10

Ndookomu nanywi munaishi dza hiviḍe vya wantu wa Ḅwana wevyonamala kuishi, na munamutsakiza jeje kwa kula njia. Munagija kuhenda kula aina ya hendo dzema, na munagija kumumanya jeje zaid̯i na zaid̯i.

1 Watesalonike 5:11

D̯ubva, ngizanani mojo na kumbakana na hivi hivi vyuuwo dza mwivyokuhendani.

1 Timoteo 1:4

Wambe watsekaiya ngano za nsuwe na milongo miyeya miyeya ya masari ya wabibi zao. Haya yanayeha yuḍaat̯o jusijo maana. Ntaiwapfe wantu kuimuka mupango wa Muungu, wiwonaimukika kwa njia ya faro.

Waeburania 4:9

Ndookomu nsiku ya wantu wa Muungu ya kunjia kuntu kwa kuyavya hara, amaale ipfo.

Yud̯a 1:20

Ela nywinywi waḅamu zangu, ni had̯i mugije kuyambaka maisha yenu dzuu ya hu musinji we faro yenu iyawiyeyo kwa Muungu, na mugije kuyomba kuuḅana na hiviḍe vya Ruhu Mudheru evyonamuyongowa.