Mahendo 7:38 - Pokomo

³⁸ Musa ndiye eyekuwa pfamodza na wantu wa Isiraeli, wepfot̯ut̯aa pfamodza hukuḍe yuwandani. Ewapfo hukuḍe pfamodza na wabibi zehu na pfamodza na huyuḍe malaika aneneye nae murima wa Sinai. Ndiye apfegejwe vyuuwo vya Muungu vya mojo, ahuyeheye.

Mahendo 7:38 ပူးပေါင်းရင်းမြစ်များ

Yohana 1:17

Muungu kaiyavya hi *Sharia kuchiiya na kwa Musa, ela matsakoye na kula kintu dzuuye kachiyanga kuchiiya na kwa Yesu *Kirist̯o.

Yohana 6:63

Eyenapfa wantu maisha ni huyu Ruhu jwa Muungu. Mwanaad̯amu nka echonacho. Na hivi vyuuwo nineneyevyo mvya huyu Ruhu na vinawapfa wantu maisha.

Mahendo 7:30

Musa epfoishi hukuḍe kwa myaka miyongo mine, kat̯upukijwa ni malaika. Huyu malaika kamut̯upukia kitsoryani chichochikiguuka maḅiliḅili hukuḍe yuwandani, hafufi na Murima wa Sinai.

Mahendo 7:35

Sit̯efano kongeza kunena amaale kamba, “Huyu Musa, ni yuyuḍe jwa wantu wa Isiraeli wadziziyee, wepfokwamba, ‘Ni ga akuwekeye mukuu na t̯oibi jwehu?’ Huyu ndiye jwa Muungu ahumie dza mukuu na mupfonya, kwa ugijo wa huyuḍe malaika amut̯upukiiye humuḍe mwa hiki kitsorya chichochikipfya.

Mahendo 7:53

Ndinywi mupfegejweo *Sharia ya Muungu, muiyeheejweyo ni malaika, ela ntamukuigija!”

Warumi 3:2

Kuwa Muyahud̯i kuna maana kwa kula njia. Cha d̯ura ni kwamba Wayahud̯i ndiwo wantu wa Muungu awakaḅidhiyeo haya maaguye.

Warumi 9:4

Wao ni Waisiraeli, na ni wantu watsanijweo kuwa wana wa Muungu. Muungu kawayanga namuna aivyo na kahenda maḍamano nao na pia kawapfa hi *Sharia yakwe. Wao wanamuyomba jeje Muungu jwa hachi na ndiwo wapfokeeyeo hizi ahad̯i za Muungu.

Wagalatia 3:19

Mani d̯ubva ai Sharia iwekejwa? Hi Sharia iwekwa kwa dzambo ḍya nabvise za wantu wezowakihenda. Iwekwa ikae hat̯a ngera ya kit̯ukut̯uku cha Iburahimu, kiwekeejwecho hi ahad̯i ni Muungu kidzepfokikidza. Muungu kaiweka hi Sharia kuchiiya na kwa malaika, waipfiyeyo wantu kuchiiya na kwa muntu jwa kahi.

Waeburania 2:2

Hi *Sharia ipfegejweyo wabibi zehu kuchiiya na kwa malaika iyanga kwamba iwa na nguvu, koro kula aivunziye na asiyeit̯ii, kaadhiḅigwa dza ivyomumala.

Waeburania 4:12

Chuuwo cha Muungu chaa mojo, kisa kina nguvu nyinji. Kina makai hat̯a kuchia kisu chicho na makai kuwii. Kinahuna-huna kikanjia hat̯a kwiko mojo na ruhu na kwiko mifufa na mbuju. Na kinayanga wema ambu uzuka wa mat̯aro na t̯amaa za mwanaad̯amu.

Waeburania 5:12

Ni mala ya kwamba hi hii saasambi muwe mwisakuwa wantu wa kuyongweeza na wangine. Anywi sivyo, amaale had̯i muwe na muntu jwa kumuyongweeza yayaḍe mayongweezo ya kuḍabva kudziyongweeza chuuwo cha Muungu. Amaale mukaiya kunwa maziwa dza wana ḅad̯ala ya kuḍya chakuḍya chumu.

1 Pet̯ero 4:11

Muntu akiwa na t̯ola ya kunena vyuuwo vya Muungu, ni had̯i akivinena dza vyuuwo viyawiyevyo kwa Muungu. Muntu akiwa na t̯ola ya uhumisi, ni had̯i ahumike na hizi nguvu apfegejwezo ni Muungu. Na kwa hayo yonse, Muungu mwenye nguvu na uwezo, apate kushad̯wa kuchiiya na kwa Yesu Kirist̯o hat̯a pfasipfosia. Amina.