Mahendo 4:17 - Pokomo

¹⁷ Kenge nahuwakanye watseenena kawii meshi na yuḍejwonse, kwa sari ḍya Yesu. Na kwehii njia hunaḍid̯angara hiḍi dzambo ḍitsed̯achaa zaid̯i wantuni.”

Mahendo 4:17 ပူးပေါင်းရင်းမြစ်များ

Matayo 27:64

Ndookomu hudzia kukuyomba uyavye amuri kwamba hi mbeeraye yamijwe mumpaka nsiku ya hahu. Hunatsaka yamijwe ili hawa wanafund̯iwe watsekwendaukwiwa hu mwiiwe, makisa waḍabve kunena kwamba kafufuka kuyawa kwa wafu. Koro dzambo dzaḍyo ḍikihendeka, hi nsuwe idzeyod̯achaa inawa nzuka kuchia hiḍe ya d̯ura!”

Matayo 9:30

Nao pfapfo waḍabva kuona! Makisa Yesu kawaseresa vyumuni kawamba, “Manyani mutsevimwambia muntu yuḍejwonse!”

Yohana 15:21

Haya haya yonse, wanayamuhendea kwa kwamba mu wantu wangu. Na wanayamuhendea kwa kwamba ntawamudzi huyu anihumiye.

Mahendo 4:21

Hi gasa iwakanya vyumuni, makisa iwayatsa wende. Ntawakuweza kuwahukumu, koro wantu wonse wewa kumushad̯ani Muungu kwa haya yahendekeeyo.

Mahendo 5:24

Huyu mukuu jwa wamia wa *Hekalu na hawa wakohani wakuu wepfosikia hivi, waḍabva kumamat̯a haya yawahendekeeyo hawa ntumi.

Mahendo 5:28

Kawamba, “Ntahukumuseresa kwamba mutseyongweeza kwa sari ḍya Yesu? Ela t̯ayowani haya muhendeyeyo! Ishinu muidzaza Yerusalemi nzima na mayongweezo yenu. Na mwakutsakani kuhufwariza kwamba ndiswi humuyagiyeo!”

Waefeso 6:9

Dza vivyo, nywinywi mwiwo na wahumwa wahwaeni wahumwa wenu na njia nyema. Namutsewakakat̯ia kwamba munawakuntisa d̯ina. Ni mukumbuke kwamba nywinywi nao Ḅwana jwenu ni mumodza, nae ni huyuḍe eye mbinguni. Jeje wantu wonse anawahwaa vimodza.

1 Watesalonike 1:8

Koro hichi chuuwo musumwiiyecho dzuu ya Ḅwana, kihandaiya Makedonia nzima pfamodza na Akaya. Na si hivyo t̯u, ela hat̯a haya maagu dzuu ya namuna mumuserefat̯iyevyo Muungu yahandaiya kula pfantu. Ndookomu ntaku haḍya iḍeyonse kwehu kunena dzuu yenu amaale.

1 Pet̯ero 2:23

Epfotsolwa, nkakwambukuya na kitsolo; na epfokuntiswa d̯ina nkakuwakakat̯ia wantu mazuka, ela kadzimukwat̯ya Muungu t̯u, eyenahukumu na hachi.