Mahendo 27:29 - Pokomo

²⁹ Wekishooga ya kwamba hichi chombo kitsekwenda chikagonge myamba, ndookomu wasusya nanga nee na huku nsezi na wekiyomba ya kwamba nsi iche haraka.

Mahendo 27:29 ပူးပေါင်းရင်းမြစ်များ

Mahendo 27:17

Hawa wantu wepfokinuha hichi kingalawa wakikingiza humu chomboni, wakifunga hichi chombo gu na miriji. Wekishooga ya kwamba hichi chombo chinaweza kupfaa watsani geri ya ḅahari ya Libiya kivunzike-vunzike. D̯ubva wasusya hiḍi hanga na wachiyatsa hichi chombo chende loola.

Mahendo 27:26

Ela hichi chombo kijwakupfaa watsani mwa kilulu kisiku.”

Mahendo 27:28

D̯ubva wasusya muriji humu madzini ufungijweo gaga na waona ya kwamba haya madzi yenda nsii mpima miyongo miwii. Nyumae wepfopima kawii waona haya madzi yendansi mpima kumi na nsano.

Mahendo 27:30

Hawa maḅaharia wekitsaka kud̯arama na humu chomboni, d̯ubva waḍabva kukisusya madzini hiki kingalawa na wakidzihendeza dza kwamba wakwendani wakagise nanga na hukuḍe usoni ya hichi chombo.

Waeburania 6:19

Haya haya madzikwat̯yo ni dza nanga nziho ya kuikumiiza hi myojo yehu. Haya madzikwat̯yo yehu, yaa kwa huyuḍe achiiye na humu mwa huju yukangadzi jwa hi *Hekalu ya mbinguni, akinjia hapfaḍe pfantu pfadheru pfa mwiso pfe Hekalu.