Mahendo 25:11 - Pokomo

¹¹ Na ikiwa kwamba nivunza hi Sharia na nihenda dzambo ḍya kunimala kuhukumigwa kufwa, sikwakuyombani niyatsijwe. Kenge ikiwa kwamba haya masit̯aki ya hawa Wayahud̯i nza nsuwe ntaku muntu eye na hachi ya kuningiza mikononi mwao. Natsaka hi d̯ubi ipfiikwe kwa Kaisari.”

Mahendo 25:11 ပူးပေါင်းရင်းမြစ်များ

Mahendo 16:37

Kenge Paulo kawambukuya hawa asikari kawamba, “Swiswi ntahwiiwa na tsowa ḍiḍeḍyonse, ela hubigwa nyambahi kacha ya wantu, naswi hu wanansi wa Kirumi. Makisa hungizwa gerenzani. Ne saasambi wakutsakani kuhugonzoza na mfitso. Ntaviwe! Ni had̯i hawa wakuu wadze wahufunguye wao wenye.”

Mahendo 18:14

Paulo epfotsaka kuḅaa kanwa, Galio kawamba hawa Wayahud̯i, “T̯ambere hiḍi ḍindeewa tsowa zuka ambu hendo ḍya uyaji, indeewa hachi kwangu kumusikiiya.

Mahendo 22:25

Kenge wepfomufunga-funga ili abigwe, Paulo kamuuza huyu mukuu eyekuwapfo hapfaḍe kamwamba, “E sharia inamuruhusu kumubiga na lucha mwanansi jwa Kirumi asiyedzapatikana na tsowa ḍiḍeḍyonse?”

Mahendo 25:10

Paulo kamwambukuya kamwamba, “Hapfa nya d̯ubini gasani kwa Kaisari, na ndipfo nipfonamala kuhukumigwa. Wewe mwenye kumanya urembo, kwamba mimi sikuwatsowea hawa Wayahud̯i na kiḍechonse.

Mahendo 25:12

D̯ubva Festo kaumana masikio na hawa washauri wakwe, makisa kamwambukuya Paulo kamwamba, “Kwa dzambo ḍya kwamba kuyomba hi d̯ubiyo ipfiikwe kwa Kaisari, d̯ubva unakwenda kwa Kaisari.”

Mahendo 25:21

Ela Paulo kayomba ya kwamba amijwe na hi d̯ubiye inenegwe ni Kaisari. Ndookomu niamuru kwamba amijwe hat̯a nidzepfoweza kumupfiika kwa Kaisari.”

Mahendo 25:25

Kenge sikuona tsowa ḍiḍeḍyonse ahendeyeḍyo, ḍimumaliyeḍyo kuhukumigwa kufwa. Na kwa kwamba jeje mwenye kayomba ya kwamba hi d̯ubiye yende ikanenwe ni Kaisari, nihuna kumupfiika kwa Kaisari.

Mahendo 26:32

Na Agiripa kamwamba Festo, “T̯ambere huyu muntu nkakuyomba hi d̯ubiye ikanenwe ni *Kaisari, andeewa jwa kufungujwa na gerenzani.”

Mahendo 28:19

Kenge wantu wangu wadziza niyatswe huru. Nami vinihendeza niyombe kwamba hi d̯ubi yangu ikanenegwe ni *Kaisari, hat̯a nipfokuwa si kintu cha kuwaḍia nacho wantu wangu.

1 Watesalonike 2:15

Wao Wayahud̯i, ndiwo wamuyagiyeo Ḅwana jwehu Yesu na manabii wangine wa Muungu. Na ndiwo wao wahukuntisiyeo d̯ina na kuhud̯aramisa kula hwendeyepfo. Hivi ntavikwakumutsakizani Muungu. Wao, kula muntu wanamupfinga