Mahendo 20:29 - Pokomo

²⁹ Nimanya ya kwamba nikimagonzowa, kudzanjia wantu weo dza mahiyeye makali kahi yenu. Nao ntawakwakudzaweza kuḍisaza hiḍi tsanganiko.

Mahendo 20:29 ပူးပေါင်းရင်းမြစ်များ

Matayo 10:16

Yesu kagija kunena na wanafund̯iwe kawamba, “T̯asikiani, nyakumuhumani mwende dza mbuzi za hako kahi ya mahiyeye. D̯ubva wani makaro muno dza nyoka, ela pia ni muwe wampowe dza ndiwa.

Matayo 7:15

Yesu kagija kuyongweeza kamba, “Dzit̯unzeni na manabii wa nsuwe weonadzihendeza wantu wampowe, na hali katsi ni wazuka dza mahiyeye.

Luka 10:3

T̯asikiani, nyakumuhumani mwende dza wanambuzi kahi ya mahiyeye.

Luka 12:32

Nywinywi kit̯aro changu kiḍoḍo, namutseshooga, koro ni tsekea ya Baba jwenu kumumpa nywinywi uhajuwe.

Yohana 10:12

Ela muntu and̯ikijwe kazi ḅasi, nkawe dza hivyo. Koro kwa kwamba siye mwenye hizi mbuzi, akiona mahiyeye yakuzidziani, anaziyatsa, anaukuya na maguu. Ndookomu haya mahiyeye yanazitsumpia hizi mbuzi, nazo zinad̯achaa ḅasi.

Yohana 21:15

Wepfofunguya kanwa wakisa, Yesu kamuuza Simioni Pet̯ero kamwamba, “Dze Simioni mwana jwa Yohana, kunitsaka kuwachia awaa?” Pet̯ero kamwambukuya kamwamba, “Ḅwana, wewe mwenye kumanya ya kwamba mimi nikutsaka!” Nae Yesu kamwamba, “Haya, zit̯ikise hizi mbuzi zangu.”

Mahendo 20:28

Dzit̯unzeni wenye na kuwat̯unza wahikiza wonse wayatsijweo mikononi mwenu ni Ruhu Mudheru. Wani wat̯ikisa wa tsanganiko ḍya Muungu, aḍidzigwiiyeḍyo kwa mwazi wa Mwanawe.

1 Pet̯ero 5:2

Wani wat̯ikisa wa hu mwona wa Muungu auyatsiyeo mikononi mwenu. Namutseut̯ikisa dza kwamba mwakusharut̯iswani, ela ut̯ikiseni na hiari yenu, dza vya Muungu evyonatsaka. Hi kazi yenu namutseihenda kwa dzambo ḍya kupata fwedha, ela ihendeni na mojo kindindi wa kutsaka kuhumika.

2 Pet̯ero 2:1

Dza kwivyokuwa na manabii ya nsuwe kahi ya wantu wa Muungu ngera zichiiyezo, ndivyo kudzevyot̯upuka waalimu wa nsuwe kahi yenu. Wadzadzinyeeza na mayongweezo ya nsuwe ya kumwaarya. Na wadzamukana huyu Ḅwana awapfonyeye nabviseni mwao. Ndookomu Muungu nkat̯owainda, kadzawahukumu vyumuni.

Yud̯a 1:18

Wamwamba, “Ngera za mwiso kudzawa na wantu weo na baladha weonat̯awaligwa ni t̯amaa zao nzuka nzuka pfasipfo hat̯a kumushooga Muungu.”