Mahendo 19:17 - Pokomo

¹⁷ Haya yahendekeeyo yad̯achaa Efeso nzima, hangu kwa Wayahud̯i hat̯a kwa Wayunani. Wonse wanjijwa ni oga, na waḍishad̯a muno sari ḍya Ḅwana Yesu.

Mahendo 19:17 ပူးပေါင်းရင်းမြစ်များ

Luka 1:65

Wantu weoishi hafufi wonse washooga. Na maagu ya mambo haya yahendekeeyo yad̯achaa midzi iyo mirimani mwa Yud̯aya yonse.

Luka 7:16

Wantu wonse weokuwapfo wagijwa ni oga na wamushad̯a Muungu wakyamba, “Hut̯upukijwa ni *nabii mukuu kahi yehu. Muungu kadzia kuhugija swiswi, wantuwe!”

Mahendo 13:12

Huyu mukuu jwa hichiḍe kilulu epfoona haya yahendekeeyo kahikiza, koro ewa kamakiswa muno ni haya mayongweezo dzuu ya Ḅwana.

Mahendo 18:19

Wepfokwojeka Efeso, Paulo kamuyatsa Pirisila na Akwila. Kenda kanjia sunagogini na kaḍabva kunena na hawa Wayahud̯i.

Mahendo 18:21

Ishinu akwakunukani kawamba, “Muungu akitsaka, namuujia kawii.” Makisa kanjia chomboni kanuka Efeso.

Mahendo 19:1

Apolo epfokuwa Korint̯o, Paulo ekichia na ḍyimbo ḍya Asia. Kenda na gubani hat̯a kafika Efeso. Hukuḍe kenda kakumpwiiya wahikiza,

Mahendo 19:16

Makisa huyu muntu eyekuwa na mpepfo nzuka kawatsumpia na kajwana nao hat̯a kawashinda nguvu. Kawamad̯aisa na kuzihararuya-hararuya nguo zao, nao wad̯arama vivi tswee waiyawa hi nyumbaye.

Mahendo 19:18

Wenji wa hawa wahikiza wadza wagwa matsowa wekeani tswee kwa dzambo ḍya haya mazuka wahendeyeyo.

Mahendo 2:43

Hawa ntumi wahenda mambo ya kumakisa na vihambwiizo vinji, hat̯a kula muntu kanjijwa ni oga.

Mahendo 5:11

Tsanganiko ḍyonse pfamodza na wantu wonse wasikiiyeo haya mambo wanjijwa ni oga mukuu.

Mahendo 5:13

Ntaku yuḍejwonse asikwaa muhikiza, eyeweza kugijana nao. Hat̯a vivyo, wantu wangine wasiokuwa wahikiza wekiwahila muno.

Mahendo 5:5

Anania epfosikia haya t̯u, kagwa kafwa. Makisa kudza worani waulinga-linga hu mwiiwe, wanuka nao wenda wauzika. Wantu wonse wasikiiyeo hiḍi dzambo wanjijwa ni oga muno.

Wafilipi 1:20

Hamu yangu nkuu na madzikwat̯yo yangu ni kwamba nitsehenda kiḍechonse cha kunigiza yutswa. Ela meshi natsaka kumuhumikia Kirist̯o pfasipfo oga uḍewonse dza nivyonikihenda iiḍe. Na natsaka kwamba nikikaa mojo ambu nikifwa, mimi nimukuzye Kirist̯o na haya mahendo yangu.

2 Watesalonike 1:12

Hunamuyombea ili kwamba, muḍihendeze sari ḍya Ḅwana jwehu Yesu ḍishad̯we na kukuzwa, nanywi pia mupate kushad̯wa kwa dzamboḍye. Na haya yonse yanawezekana kwa t̯ei ya Muungu na Ḅwana jwehu Yesu Kirist̯o.

2 Watesalonike 3:1

Wandugu zangu, zaid̯i ya yonse, hwakumuyombani mugije kuhuyombea, ili hichi chuuwo cha Ḅwana kipate kud̯achaa haraka. Gijani kuhuyombea ili hawaḍe hudzeowasumwiiya wakihikize hichi chuuwo dza hivi vyenu mukihikiziyevyo.