Mahendo 18:4 - Pokomo

⁴ Kula *Sabato kaḍaat̯iana na hawa wantu humuḍe *sunagogini, akiḍema kuwahendeza hangu Wayahud̯i hat̯a Wayunani waserefat̯e hivi evyoakinena.

Mahendo 18:4 ပူးပေါင်းရင်းမြစ်များ

Luka 16:31

Kenge Iburahimu kamwamba, ‘Wakitsahikiza vyuuwo vya Musa na manabii wangine, ntawawezi kupfyehuza mama hat̯a ikiwa kwamba kufufuka muntu kuyawa kwa wafu.’ ”

Luka 4:16

Makisa Yesu kenda Nazareti, mudzi ayeejweo. Nsiku ya *Sabato kanjia *sunagogini dza abarat̯iyevyo. Epfokuwa humuḍe kuzimu, kasumama asome haya matsoro madheru.

Yohana 7:35

D̯ubva hawa wakuu wa Kiyahud̯i kudzasikia hivi, waḍabva kuuzana wakyamba, “Munamba huyu huyu muntu anatsaka kwenda ku hat̯a ambe hunamulacha ela ntahumuone? Munamba anatsaka kwenda kwa awa wantu wehu wat̯amisaiyeo nsi zingine ende akayongweeze wantu wa vyeet̯i vingine?

Mahendo 13:14

Ae Baranaba na Paulo wanuka na Paga na wenda mudzi wa Antiokia wiwo Pisidia. Nsiku ya *Sabato, wenda wanjia *sunagogini wakaa chihako.

Mahendo 14:1

Paulo na Baranaba wepfokwenda Ikonio, wahenda dza viviḍe wahendeyevyo Antiokia. Wenda wanjia *sunagogini mwa Wayahud̯i. Wasumwiiya urembo, hat̯a kit̯aro chikuu cha Wayahud̯i na wantu wa vyeet̯i vingine nao wahikiza.

Mahendo 17:11

Hawa Wayahud̯i wa Beroya wewa t̯ayari kuwasikiiya kuliko hawa wantu wa Tesalonike. Wakisikiiya hichi chuuwo na hamu nyinji, na kula nsiku wekiyayowa haya matsoro waone ya kwamba haya ya Paulo eyoakiwambia nza hachi ambu hat̯a.

Mahendo 17:17

Ndookomu kaḍaat̯iana na hawa Wayahud̯i na hawa wantu wa vyeet̯i vingine weonamuyomba Muungu, humuḍe sunagogini na wantu waḍewonse weowakyenda hapfaḍe gasani.

Mahendo 18:13

Wamwamba Galio, “Huyu muntu kakuḍemani kuwahendeza hawa wantu wamuyombe Muungu na njia isiyonjiiyana na hi *Sharia yehu!”

Mahendo 18:19

Wepfokwojeka Efeso, Paulo kamuyatsa Pirisila na Akwila. Kenda kanjia sunagogini na kaḍabva kunena na hawa Wayahud̯i.

Mahendo 19:26

Nanywi wenye mwakudzioneyani na kusikia haya ya Paulo eyokuhendani. Anakwamba hi miungu iyonaumbwa ni wantu si miungu meshi. Na wantu wenji wesakuhikiza ya kwamba haya eyokunenani ni ḍugha. Paulo nkakuhenda hivi hapfa Efeso t̯u, ela hat̯a na hafufi ḍyimbo zima ḍya Asia.

Mahendo 19:8

Kwa muḍa wa myezi mihahu, Paulo ekyenda *sunagogini na kunena na hawa wantu pfasipfo oga. Kaḍaat̯iana nao na kuḍema kuwahenda waserefat̯e kwamba haya eyoakinena dzuu ya Uhaju wa Muungu nza ḍugha.

Mahendo 26:28

Agiripa kamwambukuya Paulo kamwamba, “Kwakut̯arani ya kwamba unaweza kunihendeza Mukirist̯o kwa hichi hichi kit̯emo kifufi?”

Mahendo 28:23

D̯ubva wahuniyana nsiku ya kut̯ongana na Paulo, na hiyo hiyo nsiku kwenda wantu wenji hapfa pfa Paulo epfoakikaa. Hangu magura hat̯a mioro kanena nao na kuwaimusya dzuu ya Uhaju wa Muungu. Kaḍema kuwahendeza wahikize maagu dzuu ya Yesu akitumia *Sharia ya Musa na matsoro ya manabii, kuyanga ya kwamba haya eyokunenani nza hachi.

Mahendo 9:20

Nkakukawa, kaḍabva kusumwiiya masunagogini akyamba, “Yesu ni Mwana jwa Muungu.”

2 Wakorint̯o 5:11

Kwa dzambo ḍya kwamba swiswi humanya urembo muno maana ya kumuhila Ḅwana, hunaḍema kuwasosobva na wantu wangine waikuḅali hi hachi. Muungu kamanya niivyo, nanywi nat̯ara munimanya urembo muno.