Mahendo 14:27 - Pokomo

²⁷ Wepfofika Antiokia, waḍit̯ut̯aisa tsanganiko ḍyonse pfamodza, na wawasumwiiya hawa wantu hayaḍe yonse ya Muungu ahendeyeyo pfamodza nao, na namuna awapfiyevyo namfasi wantu wa vyeet̯i vingine kuwa wahikiza.

Mahendo 14:27 ပူးပေါင်းရင်းမြစ်များ

Yohana 9:10

Nao wamuuza wamwamba, “Wewe kuḍabva kuonadze nawe wiwa u ntumbu matso?”

Mahendo 11:18

Wepfosikia hivi, wayatsa hizi alano zao na wamushad̯a Muungu wakyamba, “D̯ubva Muungu kawapfa kupfyehuza mama hat̯a na wantu wa vyeet̯i vingine wapate kukaa mojo!”

Mahendo 15:12

Kit̯aro chonse kiḍunda mya. Wamupfindiiya Baranaba na Paulo wakwakusumwiiyani hivi vihambwiizo na mafara makuu ya Muungu awapfiyeyo kuhenda kahi ya hawa wantu wa vyeet̯i.

Warumi 15:18

Nami siwezi kunena kintu kingine kiḍechonse, lamud̯a hivi vya Kirist̯o ahendeevyo kwa wantu wa vyeet̯i vingine kuchiiya na kwangu. Kwa maagu niwasumwiiyeyo na hiviḍe nihendeyevyo kahi yao, Kirist̯o kaniwezesa niwahendeze hawa wantu wa vyeet̯i vingine wamut̯ii Muungu.

1 Wakorint̯o 11:18

Cha d̯ura nisikia kwamba, mwipfonakudziana pfamodza dza tsanganiko, munakaa mukigawikana vit̯aro vit̯aro. Nami nina hakika kwamba haya yangine nisikiiyeyo nza ḍugha.

1 Wakorint̯o 14:23

Ikiwa kwamba tsanganiko zima ḍipfonakudziana pfamodza, kula muntu anaḍabva kunena na lugha ngeni, na wantu wa kawaiḍa ambu wasiodzahikiza wakidza, ntawanakwamba nyonse muna mat̯are?

1 Wakorint̯o 15:10

Ela kwa dzambo ḍya t̯ei ya Muungu anifwiiyeyo, nigala hivi niivyo, na hizi mvonize animpiyezo ntazikwenda ḅasi. Koro nihenda kazi na hiḍu kuchia hawa ntumi wangine wonse. Ela haswa haswa simi niihendeye, ni haya mat̯ola ya Muungu animpiyeyo kuihendea hi kazi.

1 Wakorint̯o 16:9

Hapfa nina namfasi nyema muno ya kuhenda kazi ya maana, hat̯a ingawa wapinzani wangu nao ni wenji.

2 Wakorint̯o 2:12

Nipfokwenda Tiroa kusumwiiya *Maagu Mema dzuu ya Kirist̯o, Ḅwana kanifungwiiya njia ya kuhenda kazi hukuhukuḍe.

Wakolosai 4:3

Ikaani mukihuyombeya naswi, ili Muungu apate kuhufungwiiya njia ya kuisumwiiya wantu hi ngadzi dzuu ya *Kirist̯o. Koro mimi nya gerenzani kwa dzambo ḍya kusumwiiya haya haya maagu dzuu ya Kirist̯o.