Mahendo 14:26 - Pokomo

²⁶ Wepfonuka na hapfo wanjia chomboni wauja hat̯a Antiokia ya ḍyimbo ḍya Siria, hapfa wepfowekwa mikononi mwa Muungu ni tsanganiko, kwa dzambo ḍya hi kazi wesiyeo kuihenda.

Mahendo 14:26 ပူးပေါင်းရင်းမြစ်များ

Mahendo 11:19

Hawa wahikiza wat̯amisaa kwa dzambo ḍya d̯ina wakuntiyezo ngera ya Sit̯efano epfoyagwa. Wangine wao wenda hat̯a Foinike, kilulu cha Kupuro na Antiokia, wakisumwiiya haya maagu kwa Wayahud̯i t̯u.

Mahendo 11:20

Ela wangine wa hawa wahikiza, wayawiyeo Kupuro na Ukirene, wenda Antiokia na wawasumwiiya na hawa wantu wa vyeet̯i vingine dzuu ya Ḅwana Yesu.

Mahendo 11:23

Epfokwenda akiona hiviḍe vya Muungu awahendeeyevyo mema hawa wantu, katsekea na kawafunda wonse wagije kumuserefat̯a Ḅwana na mojo mumodza.

Mahendo 11:26

Epfomuona, kenda nae Antiokia. Nao wowii wakaa na hiḍiḍe tsanganiko kwa mwaka muzima. Na wayongweeza kit̯aro kikuu cha wantu. Hukuḍe Antiokia ndiko kwa d̯ura kwa hawa wamuhikiziyeo Yesu wahanijweko Wakirist̯o.

Mahendo 11:27

Hiziḍe ngera manabii wangine wanuka na Yerusalemi wenda Antiokia.

Mahendo 14:19

Makisa kudza Wayahud̯i wangine kuyawa Antiokia ya ḍyimbo ḍya Pisidia na wangine kuyawa Ikonio. Wawahendeza hawa wantu wawapfyehukie hawa ntumi wowii. D̯ubva wamubiga Paulo na mawe na wamukururya wamuyavya nze ya hu mudzi, wakit̯ara kwamba ewa kamaafwa.

Mahendo 14:21

Paulo na Baranaba wasumwiiya haya Maagu Mema hukuḍe Dabe, na wantu wenji wahikiza. Wauja Lusitira, makisa wenda Ikonio na Antiokia ya ḍyimbo ḍya Pisidia.

Mahendo 14:23

Kula tsanganiko waḍitsania wazee wa tsanganiko. Na kwa mayombo na kufunga, wawaweka mikononi mwa Ḅwana wamuhikiziyee.

Mahendo 15:22

D̯ubva, hawa ntumi na wazee, pfamodza na tsanganiko ḍyonse, wahuna kutsana wantu kahi yao wa kuwahuma Antiokia pfamodza na Paulo na Baranaba. Ndookomu wamutsana Sila na Yud̯a ahanijwe Barisaba. Hawa wantu wowii wewa wayongozi kahi ya hawa wandugu.

Mahendo 15:30

Hawa wantu woone wahumijweo wagonzozwa na Yerusalemi wenda Antiokia, wendeepfowakikit̯ut̯aisa hichi kit̯aro chonse cha wahikiza, wakiwapfa hi ḅaruwa.

Mahendo 15:40

Nae Paulo kamutsana Sila. Na wakimayombejwa t̯ei ya Ḅwana ni hawa wandugu, wagonzowa.

Mahendo 20:32

Paulo kagija kunena kamba, “D̯ubva nyakumuyatsani na Muungu na Maagu ya t̯eiye. Anaweza kumumbaka na kumumpa mvonize ezonawekea wantuwe wonse.

Warumi 15:19

Na kwa dzambo ḍya vihambwiizo na mafara ya kumakisa nihendeyeyo kahi yao, na kwa nguvu za huyu Ruhu jwa Muungu, wao wayahikiza haya Maagu Mema ya Kirist̯o. Ndookomu kwehii namuna nyenda pfantu kwa pfantu nikisumwiiya haya Maagu Mema dzuu ya Kirist̯o, hangu Yerusalemi hat̯a ḍyimbo ḍya Iluriko.

2 Wakorint̯o 1:12

Hwichonadziona nacho na hwicho na uhakika nacho ni kwamba, maisha yehu humu lumwenguni na uhusiano wehu nanywi, wiwa mbwa kuhikizika na wa kwambiana dza vya Muungu evyonatsaka. Hivi hivi huvihenda kwa nguvu za matsako ya Muungu, na wala si kwa mvidhyo ya kibenaad̯amu.

Wagalatia 2:11

Buwa modza Pet̯ero epfokuwa Antiokia, niona kwamba nkekihenda mambo ya sawa, ndookomu nami nimubusa kacha ya wantu.

Wakolosai 1:25

Muungu kanitsana niwe muhumisi jwa hiḍi tsanganikoḍye. Jeje kanimpa kazi ya kumusumwiiya nywinywi wantu wa vyeet̯i, kula kintu dzuu ya hichi chuuwo chakwe.

Wakolosai 1:28

Ndookomu kula hukisumwiiya, hunawasumwiiya wantu dzuu ya Kirist̯o. Hunawabusa na kuwayongweeza na mvidhyo yonse ya Muungu ahupfiyeyo, ili saa wadzeyokwenda usoni kwa Muungu wawe kwamba faro yao kwa Kirist̯o ingora.

Wakolosai 4:17

Mwambeni Arikipo ahakikishe kwamba kaihenda kaisa hi kazi ya Ḅwana amumpiyeyo.

2 Timoteo 4:2

Sumwiiya hichi chuuwo. Wewe gija kukisumwiiya ngera zonse, uwe wakatiwe ambu utseewa wakatiwe. Kisumwiiye kuwafunda wantu, kuwabusa na kuwangiza mojo, na wayongweeze na umpowe.