Mahendo 13:15 - Pokomo

¹⁵ Hawa wakuu wa hiḍi sunagogi wepfokwisa kusoma chuoni mwa *Sharia za Musa na matsoro ya manabii, wawahumia muntu Paulo na Baranaba wawamba, “Wandugu, hunatsaka munene na hawa wantu ikiwa kwamba muna vyuuwo vya kuwafunda.”

Mahendo 13:15 ပူးပေါင်းရင်းမြစ်များ

Marko 5:22

Na hapfo kudza mukuu mumodza jwa *sunagogi eyeakihanwa Yairo. Epfomuona Yesu kamugwiya maguuni.

Luka 16:16

Yesu kongeza kunena kamba, “Zisidzafika ngera za Yohana Mut̯opya, *Sharia ya Musa na matsoro ya manabii ndiyo yeyoyakisumwiijwa. Na hangu hizihiziḍe ngera haya *Maagu Mema ya Uhaju wa Muungu yakusumwiijwani, na wantu wenji na wenji wakungizani hiḍu kunjia Uhajuni.

Mahendo 1:16

Kamba, “Wandugu zangu, haya yorejweyo kuzimuni mwa haya matsoro madheru yewa ni had̯i yat̯imiye. Ruhu Mudheru kamuhendeza D̯aud̯i kunena dzuu ya Yud̯a. Kayavya unabii wa haya ya Yud̯a andeyohenda, huyu ayongoweyee wantu wadzeowakimugija Yesu.

Mahendo 13:27

Hawa wantu wa Yerusalemi na wakuu wao ntawakumanya ya kwamba Yesu ndiye huyu Mupfonya. Nolawe ntawakuimuka hivi vyuuwo vya hawa manabii vivyonasomwa kula nsiku ya Sabato. Ela wavihendeza hivi vyuuwo vya hawa manabii vit̯imiya wepfomuhukumu.

Mahendo 15:21

Koro Sharia ya Musa iḍabva kusomwa masunagogini hangu kae kula *Sabato, na hivi aneneyevyo vinakaa vikisumwiijwa kula mudzi.”

Mahendo 15:7

Ḅaad̯a ya yuḍaat̯o yuyeya, Pet̯ero kasumama kamba, “Ndugu zangu, mumanya ya kwamba Muungu kanitsana kae kuyawa kahi yenu niwasumwiiye hawa wantu wa vyeet̯i vingine haya *Maagu Mema wapate kuyasikia na kuyahikiza.

Mahendo 18:17

Wonse wamugija Sositene, mukuu mupfya jwa sunagogi na wamubiga pfapfaḍe pfantu pfa hukumu. Naloo ntavikumumud̯a Galio hat̯a kachuchu.

Mahendo 18:8

Huyu mukuu jwa sunagogi ahanijwe Kirisipo na nyumbaye yonse wamuhikiza Ḅwana. Na wantu wangine wenji wa Korint̯o wakisikia hichi chuuwo, wahikiza na wat̯opyegwa.

Mahendo 2:29

Ndugu zangu, ni had̯i ninene wekeani tswee, dzuu ya bibi jwehu D̯aud̯i. Kafwa na kazikwa, na mbeeraye ya hapfa pfehu hat̯a yeo.

Mahendo 2:37

Hawa wantu wepfosikia hivi, wanjijwa ni muhangaiko mukuu wa myojo. Ndookomu wamuuza Pet̯ero na hawa ntumi wangine, wawamba, “Ndugu zehu, huhendedze?”

Mahendo 2:4

Wonse wadzajwa ni Ruhu Mudheru na waḍabva kunena na lugha garagara, dza vya Ruhu awapfiyevyo kunena.

Mahendo 20:2

Kachia na hiziḍe ḍanda akyenda na kuwangiza mojo muno hawa wantu. Makisa kenda hat̯a Uyunani,

Mahendo 22:1

Kamba, “Wandugu na wababa zangu, nipfindiiyani nikwakudziheheani usoni yenu!”

Mahendo 4:36

Kwiwa na Mulawi jwa kuyawa Kupuro eyeakihanwa Yusufu. Hawa ntumi wekimuhana Baranaba. (Maana ya Baranaba ni muntu eyenangiza mojo.)

Mahendo 7:2

Sit̯efano kambukuya kamwamba, “Wababa zangu na wandugu zangu, nipfindiiyani! Huyu Muungu mwenye nguvu kamut̯upukia bibi jwehu Iburahimu epfokuwa Mesopotamia, asidzakwenda kuishini Harani.

Warumi 12:8

Eye na t̯ola ya kuwangiza mojo wangine, nakae na kuwangiza mojo. Eye na t̯ola ya kuwagijiija wangine weonawa na t̯uri, nakae na kuwagijiija na mojo mumodza. Eye na t̯ola ya uyongozi, nayongoze na hiḍu. Apfegejwe mojo wa kuwafwiya t̯ei wangine weo mad̯inani nawafwiye t̯ei akiwa na tsekea yonse.

1 Wakorint̯o 14:3

Ela muntu eyenasumwiiya Maagu ya kuyawa kwa Muungu, ananena na wantu vyuuwo vya kuwambaka, vyuuwo vya kuwangiza mojo na vyuuwo vya kuwaingamaza.

2 Wakorint̯o 3:14

Akili zao zifinikizika. Na mumpaka yeo akili zao zifinikizwa na jujuḍe yuhadzi wakwakusomejwani vyuo vya ḍamano ḍya kae. Huju yuhadzi junavuka t̯u hapfaḍe pfa muntu epfonamuhikiza Kirist̯o.

1 Watesalonike 2:3

Swiswi kusumwiiya kwehu ntahukumusumwiiya mambo ya nsuwe, wala ntahwiiwa na nia nzuka ambu hutsake kukulakula muntu.

Waeburania 13:22

D̯ubva wandugu zangu, nyakumuyombani mutsetsoka kusikiiya hivi vyuuwo vya kungiza mojo nivyokumwambiani. Koro hi hii ḅaruwa nimworeeyo si ndeya ya kwambadze.