Mahendo 11:24 - Pokomo

²⁴ Baranaba ewa muntu mwema, adzaiye faro na Ruhu Mudheru. D̯ubva wantu wenji wamuhikiza Ḅwana.

Mahendo 11:24 ပူးပေါင်းရင်းမြစ်များ

Matayo 12:35

Muntu mwema ananena mambo mema yeyonayawana na ntaa ya wema wa mojowe. Na muntu muzuka ananena mambo mazuka yeyonayawana na ntaa ya uzuka wa mojowe.

Matayo 19:17

Yesu kamwambukuya kamwamba, “Kut̯i kwakuniuzani dzuu ya dzambo dzema ḍya kuhenda? Muungu jeje heket̯u ndiye mwema. Ela ukitsaka kuwa na maisha ya kuunga na yuungo, ni had̯i uziuḅe hizi amuri.”

Luka 23:50

Makisa kudza muntu mumodza eyeakihanwa Yusufu jwa kuyawa mudzi wa Wayahud̯i wa Arimataya. Ewa muzee jwa gasa ya Kiyahud̯i. Na ewa muntu mwema na muhachi.

Yohana 7:12

Kujumuka manongono kahi ya hawa wantu. Wangine wekyamba Yesu ni muntu mwema na wangine wekyamba Yesu kakwaaryani wantu.

Mahendo 11:21

Ḅwana ewa nao, na kit̯aro chikuu cha wantu wahikiza na wamuperukia Ḅwana Yesu.

Mahendo 2:4

Wonse wadzajwa ni Ruhu Mudheru na waḍabva kunena na lugha garagara, dza vya Ruhu awapfiyevyo kunena.

Mahendo 2:47

Wekikaa na kumushad̯a Muungu, na weetsakwa ni wantu wonse. Ḅwana kagija kuchongeza hichi kit̯aro cha hawa wahikiza nsiku kwa nsiku, koro kula nsiku kwiwa wantu wangine weowakimuhikiza Ḅwana.

Mahendo 24:16

Ndookomu nahenda kula nichonaweza kut̯wa, ili niweze kuwa na mojo mwema usoni kwa Muungu na kwa wantu.”

Mahendo 5:14

Wake na wayume zaid̯i wamuhikiza Ḅwana, na hichi kit̯aro cha wahikiza chikuya.

Mahendo 6:3

D̯ubva wandugu zehu, tsanani wantu wafungahe weonahikizika kahi yenu, wadzazijweo Ruhu Mudheru na karo. Naswi hunawapfa hi hii kazi.

Mahendo 6:5

Kit̯aro chonse cha wahikiza kitsakizwa ni hiḍi t̯aro. Ndookomu wamutsana Sit̯efano, muntu eyekuwa na faro nkuu na adzaiye Ruhu Mudheru. Wamutsana na Filipo, Porokoro, Nikanora, Timona, Paramena na Nikolao jwa kuyawa Antiokia eyenjia ḍini ya Kiyahud̯i.

Mahendo 6:8

Sit̯efano, muntu eyekuwa na winji wa t̯ei ya Muungu na adzaiye nguvu, kahenda mafara makuu ya kumakisa na vihambwiizo kahi ya hawa wantu.

Mahendo 9:31

D̯ubva tsanganiko ḍiwa na ngera ya naghea Yud̯aya, Galilaya na Samaria yonse. Chima cha tsanganiko ḍimuhiliyevyo Ḅwana, ndiyo mala ḍikwiiyevyo na kwongezeka kwa kungizwa mojo ni Ruhu Mudheru.

Warumi 15:15

Ela hat̯a vivyo, saḅaḅu nimworeyeo wazi wazi tswee ni kwamba ninkitsaka kungizia mukazo dzuu ya mambo fulani fulani niyokutsakani kumukumbusya. Koro Muungu kanifwiya t̯ei,

Warumi 5:7

Si rahisi kuona muntu adzibigie koḅela kuyagwa kwa dzambo ḍya muntu muhachi yuḍejwonse. Pfangine muntu anaweza kudzit̯olea kuyagwa kwa dzambo ḍya muntu mwema.