Mahendo 10:34 - Pokomo

³⁴ Pet̯ero kaḅaa kanwa kamba, “Sasa nihambuya kwamba ni ḍugha kwamba Muungu anawahwaa wantu wonse kuwa ḍa.

Mahendo 10:34 ပူးပေါင်းရင်းမြစ်များ

Matayo 22:16

Ndookomu wahuna kuwahuma hawa wanafund̯i wao wangine pfamodza na wantu wangine weonamuunga mukono *Herod̯e, wakamuuze Yesu swali. D̯ubva wenda wamuuza wamwamba, “Mwaalimu, swiswi hukumanya ya kwamba wewe u muntu muhikizika na unayongweeza hi hachi ya hichi Chuuwo cha Muungu. Na pia humanya ya kwamba wewe nkumud̯we ni hiviḍe vya wantu wevyonanena dzuu ya haya mayongweezoyo, na wala nkumud̯we ni muntu kwamba ana cheo ga.

Matayo 5:2

nae kaḍabva kuwayongweeza kawamba,

Luka 20:21

D̯ubva hawaḍe wahumijweo wenda wamwamba Yesu, “Mwaalimu, humanya ya kwamba haya wiyonanena na kuyongweeza nza hachi. Humanya kwamba wewe nkumud̯we ni cheo cha muntu, ela unakaa na kuyongweeza hi ya hachi dzuu ya miro ya Muungu.

Mahendo 10:33

Nami nikuhumia muntu mweedha mumodza. Nawe kuhenda urembo kudza. D̯ubva Muungu anaswi hwonse hapfa. Hwakuindani kupfindiiya kiḍechonse cha Ḅwana akupfiyecho uhwambiye.”

Mahendo 15:9

Nkakuyanga ugaragara kahi yehu Wayahud̯i na wantu wa vyeet̯i vingine. Kaidheresa myojo yao kwa dzambo wahikiza.

Mahendo 8:35

D̯ubva Filipo epfoḅaa kanwa kunena, kaḍabva na chichiḍe kiḍinku cha matsoro na kamusumwiiya Maagu Mema dzuu ya Yesu.

Warumi 2:11

Koro Muungu nka upend̯eleo kwa yuḍejwonse.

Warumi 3:29

Ambu munat̯ara kwamba Muungu ni Muungu jwa Wayahud̯i ḅasi? Dzaambia siye Muungu jwa wantu wa vyeet̯i vingine pia? Ndivyo, Muungu ni Muungu jwa wantu wa vyeet̯i vingine pia.

Wagalatia 2:6

Hat̯a hawaḍe weokaa dza wayongozi wamanyikaniyeo, wewa ntawa kintu zaid̯i cha kwongeza kwa haya mayongweezo yangu. Na, kwamba hawaḍe wayongozi ni wantu wamanyikaniyeo ambu hat̯a ntavikwakunimud̯ani, koro Muungu nkapime muntu na hiviḍe evyonaonekana nanze.

Waefeso 6:9

Dza vivyo, nywinywi mwiwo na wahumwa wahwaeni wahumwa wenu na njia nyema. Namutsewakakat̯ia kwamba munawakuntisa d̯ina. Ni mukumbuke kwamba nywinywi nao Ḅwana jwenu ni mumodza, nae ni huyuḍe eye mbinguni. Jeje wantu wonse anawahwaa vimodza.

Wakolosai 3:11

Haya haya maisha mapfya ntaya cha kwamba muntu ni Muyahud̯i ambu hat̯a, ambu muntu kahinywa ambu hat̯a. Ntaya cha kwamba muntu kasoma ambu hat̯a. Ntaya cha kwamba anahwajwa dza baud̯a ambu hat̯a, na wala ntaya cha kwamba muntu ni muhumwa ambu hat̯a. Cha mud̯a ni kwamba Kirist̯o ka dzuu ya wonse, na anaishi kuzimuni mwa wantu wonse wamuhikiziyeo.

Wakolosai 3:25

Ela kula muntu eyenahenda mazuka, Muungu anamuhukumu kwa haya mazukaye ahendeyeyo. Koro Muungu nkahukumu wantu na upend̯eleo.

Yakobo 2:1

Wandugu zangu, nywinywi dza wantu mumuhikiziyeo Ḅwana jwehu Yesu *Kirist̯o, mwenye marembo yonse, namutseewa wantu wa upend̯eleo.

Yakobo 2:4

Mukihenda hivyo hivyo ntamukwakuyangani uḅaguzi hat̯a? Mwakuwahwaani wantu wangine kuwa ḅora zaid̯i kuchia wangine kwa njia nzuka.

Yakobo 2:9

Ela ikiwa kwamba munakaa na kuyanga wantu upend̯eleo, ḅasi mwakuhendani nabvise na vyaa wazi kwamba muna tsowa ḍya kuvunza amuri za Muungu.

1 Pet̯ero 1:17

Muungu anahukumu kula muntu kuuḅana na mahendoye pfasipfo kumuhendea kind̯eḍi. D̯ubva ikiwa kwamba Muungu munakaa na kumuhana Baba, ḅasi ni had̯i hapfa lumwenguni mwipfokukaani dza wageni, muishi kwa kumuhila.