Luka 9:28 - Pokomo

²⁸ Zipfochia chima cha nsiku nane ḅaad̯a ya kusumwiiya hivi, Yesu kamuhwaa Pet̯ero, Yohana na Yakobo, kapfaa nao murimani dzuu akayombe.

Luka 9:28 ပူးပေါင်းရင်းမြစ်များ

Matayo 14:23

Akisa kuḍamana nao, kapfaa murimani dzuu jeje heket̯u akayombe. Hat̯a kiza kipfonjia, Yesu amaale ewa ndiye jeje heket̯u hukuḍe murimani.

Matayo 5:1

Yesu epfoona hivi vit̯aro vya wantu wenji na wenji vyakumuuḅani wapate kumusikiiya, kapfaa murimani dzuu na kakaa chihako. D̯ubva epfokaa, hawa wanafund̯iwe wamwendea,

Marko 1:35

Chamukoche magura yusiku, Yesu kayamuka kenda pfantu chit̯u kendakanjia kuyombani.

Marko 6:46

Akisa kuḍamana nao, kapfaa murimani akayombe.

Luka 3:21

Wantu wonse wepfokwisa kut̯opyegwa, Yesu nae kadza kat̯opyegwa. Makisa epfoakiyomba hizi mbingu zipfenuka,

Luka 5:16

Ela Yesu ekidzikunta kut̯wa kuntu chit̯u, na kuyomba.

Luka 6:12

Nsiku modza Yesu kenda murimani dzuu akayombe. Kamira hapfaḍe siku zima akimuyomba Muungu.

Luka 8:51

Wepfofika nyumbani kwa Yairo, Yesu kaamuru kwamba kutsenjia yuḍejwonse humu nyumbani, lamud̯a Pet̯ero, Yohana na Yakobo pfamodza na babajwe huyuḍe mwanamuke na mamajwe.

Luka 9:18

Nsiku modza Yesu ewa pfantu chit̯u jeje na wanafund̯iwe. Yesu kayomba jeje heket̯u makisa kawauza hawa wanafund̯iwe kawamba, “Wantu wanakaa na kwamba mimi ni ga?”

Yohana 6:3

Ndookomu Yesu na wanafund̯iwe wapfaa karimani dzuu wenda wakaa chihako.

2 Wakorint̯o 13:1

Hu ni mweedha wangu wa hahu niokudzani kwenu. Masit̯aki yaḍeyonse ni had̯i yawe na mashaahiḍi wawii ambu wahahu, dza vya matsoro yaneneyevyo.

Waeburania 5:7

Yesu epfokuwa humu lumwenguni ekimuyomba Muungu na mojo. Ekiyomba na saut̯i nkuu na kuiya kwa huyu mwenye uwezo wa kumupfonya kuyawana na kufwa. Na kwa dzambo ḍya serefanoye na mojowe wa kut̯ii eokuwa nao kwa Muungu, Muungu kamusikia.

2 Pet̯ero 1:16

Hwipfomwambia dzuu ya uwezo wa Ḅwana jwehu Yesu Kirist̯o na kudza kwakwe yupfii, ntahukumwambia mambo ya kamba na ambigwa hat̯a. Huyaona maremboye na matso yehu swiswi wenye.