Luka 10:7 - Pokomo

⁷ Nyumba iḍeyonse mudzeyosukia, ikaani mumo. Ḍyani na kunwa kiḍechonse mudzechopfegwa. Koro nywinywi mu wahenda kazi wangu, na kula muhenda kazi anamala t̯ubvoḍye. Namutsekwenda na kusama-sama madzumba.

Luka 10:7 ပူးပေါင်းရင်းမြစ်များ

Marko 6:10

Kawamba, “Nyumba iḍeyonse mudzeyobigwa kariḅu, ikaani humo humo mumpaka mudzepfonuka huo huo mudzi.

Luka 10:6

Na hapfo kukiwa muntu jwa naghea, naghea yenu naimuhafiye jeje. Ela akitsawapfo, naghea yenu idzamuujia nywinywi.

Luka 9:4

Mudzepfokaraḅishwa, ikaani nyumba modza mumpaka mudzepfonuka humo mudzini.

Mahendo 16:15

Jeje na wantu wa nyumbaye wat̯opyegwa. Makisa kahuhana nyumbani kwakwe, kahwamba, “Ikiwa kwamba muona ya kwamba nimuhikiza Ḅwana hachi, nzoni mukae nyumbani mwangu.” Na kanjia kuhusosobvani hwende kwakwe, hat̯a mwiso hwenda.

Mahendo 16:34

Makisa kamuhwaa Paulo na Sila kenda nao nyumbani kwakwe na kawapfa chakuḍya waḍye. Jeje na nyumbaye wanjijwa ni tsekea kwa dzambo ḍya kwamba sasa ewa kamuhikiza Muungu.

Mahendo 16:40

Paulo na Sila wayawa nomu gerenzani na wenda nyumbani mwa Lidia. Wenda wat̯ongana na hawa wandugu hapfaḍe, wawambia vyuuwo vya kuwangiza mojo, makisa wagonzowa.

Wagalatia 6:6

Hawaḍe weokuyongweezwani chuuwo cha Muungu, ni kuwageya wayongweeza wao hayaḍe mambo mema yao yonse weyonayo.

1 Timoteo 5:13

Na kawii wanadziyongweeza kudzikaiya ḅasi na kutsumpa-tsumpa huku na huku, wakinjia na kuyawa madzumba ya wantu. Na si hivyo t̯u, ela wanadziyongweeza na kuwa wantu wa nyano na vitsampizi, wakinjiiya mambo yasiyowamala.

2 Timoteo 2:6

Dza vivyo, muntu jabva jwa kuima ndiye eyenamala kupata haya mavuno ya d̯ura.