Filemoni 1:23 - Pokomo

²³ Huyu mwenzangu Epafuro hufungijwee pfamodza gerenzani kwa dzambo ḍya kumuhumikia Yesu Kirist̯o, kakukedhya nto.

Filemoni 1:23 ပူးပေါင်းရင်းမြစ်များ

Warumi 16:7

Niyaviani na kedhya zingine kwa Andironiko na Yunia. Hawa ni Wayahud̯i wenzangu hwiwofungwa gerenzani pfamodza. Wewa wamuhikiza Kirist̯o d̯ura kaḅila mimi sidzamuhikiza, na wao wamanyikana muno kahi ya hawa *ntumi.

Wakolosai 1:7

dza mwivyosumwiijwa ni mutsakwa jwehu Epafuro. Jeje nae ni muhumisi mwenzehu. Ni muhumisi muhikizika jwa Kirist̯o, na kakuhumikani kwa dzambo ḍyenu.

Wakolosai 4:10

Huku gerenzani niiko, nya pfamodza na Arisitako. Jeje na Marko ndugujwe Baranaba, wamukedhya nto. Marko akidza kwenu mupfokeeni urembo dza mwivyokwambijwa.

Wakolosai 4:12

Epafuro, muhumisi jwa Kirist̯o Yesu, kuyawa mudzini kwenu, nae kamukedhya nto. Kakumuyombeani muno kwamba Muungu amumpe kungora kiruhu, na muwe na uhakika wa hivi vya Muungu evyonatsaka muhende.

Filemoni 1:1

Mimi Paulo nifungijwee gerenzani kwa dzambo ḍya kuyasumwiiya haya *Maagu Mema dzuu ya *Kirist̯o Yesu, ndimi niyekworani hi hii ḅaruwa pfamodza na ndugu yehu Timoteo. Nyakukworeani wewe ndugu Filemoni wiye muhumisi mwenzehu hukutsakiyee muno.

Filemoni 1:9

Ela kwa dzambo ḍya hivi hutsakananiyevyo, niona kwamba heri nikuyombe kuliko kukuamuru. Ndiyo maana mimi Paulo niiye jarisa, na nifungijwee gerenzani kwa dzambo ḍya Yesu, nyakukuyombani dza ḅamujo.