Filemoni 1:17 - Pokomo

¹⁷ D̯ubva kwa kwamba mimi unakaa na kunihwaa dza muhumisi mwenziwo, ḅasi Onesimo nae mupfokeye urembo dza kwamba kwakunipfokeani mimi mwenye.

Filemoni 1:17 ပူးပေါင်းရင်းမြစ်များ

Matayo 10:40

Yuḍejwonse adzeemupfokea nywinywi, kanipfokea mimi. Na muntu anipfokeeye mimi, kamupfokea huyuḍe anihumiye.

Matayo 18:5

Na yuḍejwonse adzemupfokea mwana kachuchu dza huyu kwa dzambo ḍyangu, huyo kanipfokea mimi.

Matayo 25:40

Nae kadzawambukuya awambe, ‘Hachi nyakumwambiani, ikiwa kwamba hivi hivi muvimuhendea nangaa huyuḍe muḍoḍo jwa mwiso kahi ya hawa wandugu zangu hawa, munawa kwamba muvinihendea mimi.’ ”

Mahendo 16:15

Jeje na wantu wa nyumbaye wat̯opyegwa. Makisa kahuhana nyumbani kwakwe, kahwamba, “Ikiwa kwamba muona ya kwamba nimuhikiza Ḅwana hachi, nzoni mukae nyumbani mwangu.” Na kanjia kuhusosobvani hwende kwakwe, hat̯a mwiso hwenda.

2 Wakorint̯o 8:23

Tito le ni mwenzangu hwiyenahenda kazi pfamodza kumuhumikia nywinywi. Hawa wandugu wangine wadzeogijana nae, ni *ntumi wa haya matsanganiko, na kazi yao inamuyehea Kirist̯o shad̯u.

Waefeso 3:6

Hi ngadzi ni hi ya kwamba, kuchiiya na kwa kuyahikiza haya *Maagu Mema, wantu wa vyeet̯i nao pia wanazipfokea hizi mvoni za Muungu ezonawaḍalisa wanawe. Kuchiiya na kwa Kirist̯o Yesu, wonse wagala dza viiriiri vya mwii mumodza, na wanazipfokea hizi mvoni za Muungu aahid̯iyezo.

Wafilipi 1:7

Gula nina hachi ya kumuhwaiya dzevihivi, koro nimutsaka muno. Na hangu nipfokuwa huru kuyahehea na kuyangizia nguvu haya Maagu Mema, na hat̯a hivi hivi niivyo mufungwa, nywinywi nyonse mushirikiana pfamodza nami hizi mvoni za Muungu animpiyezo.

1 Timoteo 6:2

Na hawaḍe wahumwa weo na maḅwana Wakirist̯o, ni kutsawanyira, at̯i kwa dzambo ḍya kwamba wonse ni wandugu. Ishinu, ni wawahumikie urembo zaid̯i, kwa kwamba hawa maḅwana zao, weokufaiḍikani na hi kazi yao, ni watsakwa wenzao sarini mwa *Kirist̯o. Ni had̯i uwayongweeze na kuwafunda hawa wantu, dzuu ya haya mambo haya.

Filemoni 1:10

Nyakumuyombeani Onesimo kwako, eye mwanangu jwa kiruhu. Koro hivi hivi niivyo gerenzani nimusumwiiya nae kagala muhikiza.

Filemoni 1:12

Onesimo mwana nimutsakiye dza mojo wangu, nyakumugalichani kwako.

Filemoni 1:18

Ikiwa kwamba kakutsowea kwa njia iḍeyonse, ambu ana rando ḍiḍeḍyonse kwako, ḍinit̯aliye mimi.

Waeburania 3:1

D̯ubva nywinywi wandugu zangu watsakwa, muhanijweo ni Muungu na mwiwo wantuwe, muyoweni Yesu. Jeje ndiye huyu *ntumi na *Mukohani Mukuu jwa hi faro yehu hwiyonat̯ima.

Waeburania 3:14

Koro hukigija kumuhikiza Kirist̯o na nguvu, dza viviḍe hwivyomuhikiza d̯ura, hunapfokea hayaḍe yonse ya Muungu adzeyowapfa hawaḍe weo wantu wa Kirist̯o.

Yakobo 2:5

Wandugu zangu watsakwa, nisikiiyani! Muungu katsana hawa weonahwajwa kuwa wantu makowesa wa huju lumwengu na kawahendeza kuwa majabva ya faro. Na ndiwo wadzeouḍala uhajuwe aahid̯iiyeo hawaḍe wonse wamutsakiyeo.

1 Pet̯ero 5:1

D̯ubva nyakumuusiani nywinywi wazee wa matsanganiko, nikimufunda dza muzee mwenzenu, na ninkiwa dza shaahiḍi jwa mad̯ina ya *Kirist̯o akuntiyeyo. Na kawii nyakumuusiani ninkiwa dza mumodza jwa hawaḍe wakupfokea haya marembo ya Ḅwana yadzeyoyanganywa ngera adzeyokudza.

1 Yohana 1:3

Na haya huoneyeyo na kusikia, hwakuyamusumwiiyani nanywi. Hwakuyamusumwiiyani mupate kuwa wamodza naswi hariani mwa Baba na Mwanawe Yesu *Kirist̯o.