2 Watesalonike 3:8 - Pokomo

⁸ Na wala ntahukuḍya cha muntu ḅure pfasipfo kuchiipfia. Ishinu swiswi, hufwa kuhenda kazi siku na musikahi kudzilachia riziki, ili hutseewa muzigo kwa yuḍejwonse kahi yenu.

2 Watesalonike 3:8 ပူးပေါင်းရင်းမြစ်များ

Matayo 6:11

Uhupfe chakuḍya cha kuhukusya nsiku kwa nsiku.

Mahendo 18:3

na kakaa na kuhenda kazi nao, koro njiaye ya kupatia kantu iwa ni kuelekanya mahema. Nao pia wewa neyo hiyo kazi.

Mahendo 20:34

Nywinywi wenye mumanya ya kwamba nihenda kazi na hi mikono yangu na kudzilachia kula kintu changu na vya wenzangu hwivyohukit̯uriirwa.

1 Wakorint̯o 4:12

Hwakudzikukani kwa kudzihendea kazi na mikono yehu. Wantu wakihutsola aswi hunawavodhya; wakihukuntisa d̯ina, swiswi hunait̯isa.

1 Wakorint̯o 9:4

Munamba mimi si hachi ya kupfegwa chakuḍya na madzi ya kunwa kwa kazi yangu dza ntumi?

2 Wakorint̯o 11:27

Nihenda kazi nyumu za kutsokesa na myeedha minji sikupata sinzizi. Nifwa nzaa na nchiu, na myeedha minji nikaa ḅila kuḍya. Nibigwa ni mpepfo huku nikiwa si nguo.

2 Wakorint̯o 11:9

Na nipfokuwa pfamodza nanywi, na t̯uri wangu wonse, nidziza kumupfaza nywinywi muzigo. Hawa wandugu wadziyeo kuyawa Makedonia ndiwo waniyeheeyeo kula kintu nichokuwa na t̯uri nacho. Na, dza nivyodziza kumupfaza muzigo hapfaḍe d̯ura, sikudzamupfaza muzigo hat̯a huko usoni.

Waefeso 4:28

Ikiwa kwamba wiwa u mwivi, sasa yatsa wivi. Yavya hwekaḍyo kudzilachia kantu na upate cha kuwapfa na hawaḍe weo na t̯uri.

1 Watesalonike 2:9

Nywinywi wenye, wandugu, mumanya namuna huhendeyevyo kazi na hiḍu muno! Koro hwipfohukisumwiiya chuuwo cha Muungu kwenu, hufwa kudzihendea kazi siku na musikahi ili hutseewa muzigo kwenu.

1 Watesalonike 4:11

Pia, hwakumuyombani mujwanie kuishi maisha ya utuvu, mutsetsumpia kudzingiza-ngiza kwa mambo ya wantu. Na ni mudzihendeye kazi na mikono yenu wenye kudzilachia kantu, dza hwivyomwambia.

2 Watesalonike 3:12

Hwakuwaamuruni na kuwafunda hao hao wantu kwa sari ḍya Ḅwana jwehu Yesu Kirist̯o, ya kwamba waḍabve kudzihendea kazi na mikono yao kudzilachia riziki na waingamae.