2 Watesalonike 3:5 - Pokomo

⁵ Nae namumpe kumanya namuna yakwe jeje ait̯isiyevyo mad̯inani na namuna ya Muungu amutsakiyevyo nywinywi.

2 Watesalonike 3:5 ပူးပေါင်းရင်းမြစ်များ

Warumi 5:5

Na haya haya madzikwat̯yo hwiyonayo ntayanahungiza yutswani, koro Muungu kahuyanga matsakoye makuu kuchiiya na kwa Ruhu Mudheru jwakwe. Muungu kamuhukakanyia huyu huyu Ruhu myojoni mwehu dza t̯ola yakwe ahupfiyeyo.

Warumi 8:25

Ela hwipfonaindiiya kintu husichodzakipata, hunait̯isa muno.

Warumi 8:28

Humanya kwamba Muungu anahenda kula dzambo ḍipate kuwa dzema kwa hawaḍe wamutsakiyeo na awahaniyeo kuuḅana na mupangowe kwao.

1 Wakorint̯o 8:3

Ela muntu amutsakie Muungu, Muungu kamumanya.

Wagalatia 5:22

Ela huyu Ruhu anavyaza myojoni mwa wantu haya mambo haya: matsako, tsekea, naghea, kuit̯isa, ubalicha, wema, kuhikizika,

1 Watesalonike 1:10

Na pia, wakunenani namuna mwivyokumuindiiyani huyu Mwana jwa Muungu, yani Yesu, adze kuyawa mbinguni. Na huyu huyu Yesu ndiye jwa Muungu amufufwiiye kuyawa kwa wafu na ndiye ahupfonyeye na ngoro ya Muungu idzeyokudza.

1 Watesalonike 1:3

Hunakaa hukimuyombea kwa Muungu Baba jwehu, hukimuhadzia wema wenu mwiwohenda kwa dzambo ḍya kuhikiza kwenu. Hunakaa hukamuhadzia namuna ya matsako yenu yamumpiyevyo kuhenda kazi na hiḍu, na namuna mugijiyevyo kuwa na madzikwat̯yo ya kwamba Ḅwana jwehu Yesu Kirist̯o anauja kawii.

1 Watesalonike 3:11

Hwakumuyombani Muungu Baba na Ḅwana jwehu Yesu Kirist̯o, ahufungwiiye njia ya kudzaonana nanywi kawii.

2 Timoteo 4:8

Na sasa hiḍi t̯ubvo ḍya kushinda kwangu ḍyakuniindani. Naḍyo ni t̯ubvo ḍya kwamba niweza kuishi maisha ya udheru. Ḅwana, muhukumu jwa hachi, kadzaḍinimpa hiyo hiyo nsiku ya mwiso. Na nkakudzaḍinimpa mimi t̯u, ela na hawaḍe wonse weokuyoweeyani na hamu kuuja kwakwe.

Tito 2:13

huku hukiindiiya hiyo Nsiku ya tsekea hwiyokuieghat̯ani. Hiyo hiyo Nsiku, marembo ya Muungu jwehu mukuu na mupfonya jwehu Yesu *Kirist̯o yanaonekana.

Waeburania 9:28

Kirist̯o nae kayavigwa dza mvuugiya mweedha mumodza t̯u, ya kunuya nabvise za wenji. Kadzakudza mweedha wa pfii kuwapfonya hawaḍe weokuyoweeyani kudzakwe, nkakwakudza kawii kutsukuya nabvise za wantu.

Yakobo 2:5

Wandugu zangu watsakwa, nisikiiyani! Muungu katsana hawa weonahwajwa kuwa wantu makowesa wa huju lumwengu na kawahendeza kuwa majabva ya faro. Na ndiwo wadzeouḍala uhajuwe aahid̯iiyeo hawaḍe wonse wamutsakiyeo.

1 Pet̯ero 4:1

D̯ubva, kwa dzambo *Kirist̯o mwenye kakuntiswa d̯ina, ḅasi nanywi pia dziwekeni t̯ayari kukunta d̯ina; koro ikiwa kwamba mwaa t̯ayari kukuntiswa d̯ina kwa dzambo ḍya Kirist̯o, ḅasi muhuna kudzit̯anya na nabvise.

2 Pet̯ero 3:12

Hendani hivi huku mukiindiya hi Nsiku ya Muungu iyokudzani. Hendani kula mwichonaweza muihendeze idze haraka. Koro hiyo hiyo nsiku, hizi mbingu zinanangwa kwa kugibvilwa moho, na vyonse vivyo kuzimuye vinaḍauswa ni hiḍi pwikopwiko.

1 Yohana 4:19

Muungu ndiye ahutsakiye jeje d̯ura, na ndiyo maana naswi huna matsako.

Upfenuo wa Yohana 1:9

Mimi ndugu yenu Yohana, nyakukuntiswani d̯ina dzanywi kwa dzambo ḍya Yesu Kirist̯o. Nyakuuyoweyani Uhaju wa Muungu na kuit̯isa mad̯inani dzanywi kwa dzambo ḍya Yesu. Mimi nisamiswa nipfiikwa kilulu cha Patimo, kwa dzambo ḍya kuyongweeza chuuwo cha Muungu na kusumwiiya wantu dzuu ya Yesu.

Upfenuo wa Yohana 13:10

Huyuḍe apangijwee kuhwajwa maheka, huyo anahwajwa maheka. Na huyuḍe apangijwee kuyagwa na mundu, huyo anayagwa na mundu. Kwa hali dzehii, hawa wantu wa Muungu wanamala kuit̯isa na kuzigija faro zao na nguvu.