2 Watesalonike 3:4 - Pokomo

⁴ Ḅwana jwehu Yesu kahupfa uhakika wa kwamba, haya hwiyokuyamwambiani, nywinywi mwakuyauḅani na munagija kuyauḅa dzevyo hivyo.

2 Watesalonike 3:4 ပူးပေါင်းရင်းမြစ်များ

Matayo 28:20

Na pia muwayongweeze kuvigija hiviḍe vyonse nimuamuriyevyo nywinywi. Na hachi nyakumwambiani, mimi nya pfamodza nanywi nsiku zonse mumpaka mwiso wa lumwengu.”

Warumi 15:14

Wandugu zanguni, mimi mwenye nina uhakika kwamba nywinywi mu wantu wema muno. Hizi njia za Muungu muzimanya urembo muno chima cha kwamba munaweza hat̯a kuyongweezana nywinywi na nywinywi.

Warumi 15:18

Nami siwezi kunena kintu kingine kiḍechonse, lamud̯a hivi vya Kirist̯o ahendeevyo kwa wantu wa vyeet̯i vingine kuchiiya na kwangu. Kwa maagu niwasumwiiyeyo na hiviḍe nihendeyevyo kahi yao, Kirist̯o kaniwezesa niwahendeze hawa wantu wa vyeet̯i vingine wamut̯ii Muungu.

Warumi 2:7

Hawaḍe weonagija kuhenda mema na kulacha kwamba Muungu awakuzye na kuwahendeza wapfegwe hila na kuwa na maisha yasiyosia; wantu dzao, Muungu anawapfa maisha ya kuunga na yuungo.

1 Wakorint̯o 14:37

Muntu akwakudzihwaani kwamba ni *ntumi jwa Muungu ambu ana t̯ola ya kiruhu, ni had̯i aimuke kwamba haya niyokumworeani nywinywi ni amuri ya Ḅwana.

1 Wakorint̯o 7:19

Koro kuhinywa ambu kutsahinywa kwa muntu ntaku maana yaḍeyonse. Cha mud̯a ni kuzigija amuri za Muungu.

2 Wakorint̯o 2:3

Maana nimworeeyo hihiiḍe ḅaruwa ni kwamba, sikitsaka kudza kwenu huhuuḍe wakati. Koro t̯ambere nidziye huhuuḍe wakati, mundeningiza tsungu muhupfu, na huku ndinywi hawa wantu wa kwamba mundenitsekeza. Na nina hakika kwamba nipfonawa na tsekea, nanywi nyonse munawa na tsekea.

2 Wakorint̯o 2:9

Nimworea hihiiḍe ḅaruwa nipate kumupima nimuone kwamba munanisikia kula nichonamwambia ambu hat̯a.

2 Wakorint̯o 8:22

D̯ubva hwakuhumani na ndugu yungine pfamodza na hawa wowii. Humuyowa na mambo menji na humuona kwamba jeje meshi ana mojo wa kusaiḍia wantu. Na fat̯i hivi amuserefat̯iyevyo nywinywi, ana hamu nkuu muno ya kupfa wantu ugijo.

Wagalatia 5:10

Ela hat̯a vivyo, kwa dzambo ḍya uharia wehu kuzimuni mwa Ḅwana, nina uhakika kwamba ntamuwezi kuwa na mat̯aro garagara na haya yangu. Na huyu muntu eyekumwaaryani, hat̯a akiwa muntu ga, Muungu anamuhukumu t̯u.

Wafilipi 1:6

Ndookomu nina uhakika kwamba, huyu Muungu aḍabvisiye kazi nyema myojoni mwenu, anagija kuihenda hat̯a idzepfosia Nsiku ya Kirist̯o Yesu adzepfokudza.

Wafilipi 2:12

D̯ubva watsakwa, dza mwiivyomukinit̯ii kut̯wa nipfokuwa pfamodza nanywi, ḅasi hat̯a hivi hivi niivyo kuye nanywi gijani kunit̯ii. Gijani kuhenda mema, mukimushooga Muungu muno kuzimuni mwa maisha yenu ya mupfonyo.

1 Watesalonike 4:10

Gula muwatsaka wahikiza wenzenu wonse weo ḍyimbo ḍya Makedonia, ela hwakumuyombani nywinywi wandugu zehu, muwatsake wenzenu zaid̯i na zaid̯i.

2 Watesalonike 3:12

Hwakuwaamuruni na kuwafunda hao hao wantu kwa sari ḍya Ḅwana jwehu Yesu Kirist̯o, ya kwamba waḍabve kudzihendea kazi na mikono yao kudzilachia riziki na waingamae.

2 Watesalonike 3:6

Wandugu zangu, swiswi hwakumuamuruni kwa sari ḍya Ḅwana jwehu Yesu *Kirist̯o, kwamba, mudzit̯anye na Mukirist̯o yuḍejwonse asiyetsaka kuhenda kazi. Koro muntu dzae anawa nkakwakuyauḅani haya mayongweezo humuyongweezeyeyo.

Filemoni 1:21

Hivi hivi nivyokukuyeheani hi hii ḅaruwa, nina hakika kwamba unahenda hat̯a zaid̯i ya hivi nikuyombeyevyo.