2 Watesalonike 3:2 - Pokomo

² Na pia huyombeyeni, ili Muungu ahuchinge hutsekudzadhurigwa ni hawa wantu wazuka. Koro si kula muntu kwamba anahikiza hichi chuuwo hwichonasumwiiya.

2 Watesalonike 3:2 ပူးပေါင်းရင်းမြစ်များ

Matayo 17:17

Yesu kawambukuya kawamba, “E nywinywi mu wantu munangikiyeo na musio faro t̯i! Amevihivi nagija kukaa nanywi na kumuit̯isia hat̯a ari?” Kisa kawamba, “Haya muyeheni huyu muurani hapfa.”

Matayo 23:23

Nywinywi waalimu wa Sharia na Mafarisayo mudzawa na d̯ina iyodze na umbiimbii wenu! At̯i munakaa na kuyavya fungu ḍya kumi ḍya hat̯a ḅizari na vit̯akat̯aka vingine vya kumbikia. Ela ntamungizie maanani dzuu ya kuwa na faro kwa Muungu na kuwahendea wangine mambo yeyo ya hachi pfamodza na kuwafwiya t̯ei wangine. Na hali haya haya ndiyo mambo muhimu ya kwamba hi Sharia inamumala muyahende pfasipfo kuyaarerwa hayaḍe yangine.

Luka 18:8

Hachi nyakumwambiani, anawalachia hachi pfasipfo kuḍaḍamaa. Ela mimi *Mwana jwa Ad̯amu nidzepfokudza lumwenguni, nidzat̯onga wantu weo na faro?”

Mahendo 13:45

Kenge hawa Wayahud̯i wepfokiona hichi kit̯aro cha hawa wantu, wanjijwa ni wivu. Wamushindana na kumutsola Paulo.

Mahendo 13:50

Ela hawa Wayahud̯i wawangiza nsunziirya hawa wakuu wa hu mudzi na hawa wake majabva wasiokuwa Wayahud̯i, weowakimuvunzia nkuhi Muungu. Wawakuntisa d̯ina aḍe Paulo na Baranaba makisa wawayavya humu nsini mwao.

Mahendo 14:2

Kenge hawa Wayahud̯i wasiotsaka kuhikiza, wawangiza nsunziirya hawa wantu wa vyeet̯i vingine na wawahendeza wawarejeye hawa wahikiza.

Mahendo 17:5

Kenge Wayahud̯i wangine wanjijwa ni wivu na wahwaa wantu weonahenda mazuka, weonazinga humu majiani hat̯a wahenda kit̯aro. Wenda waungiza fuḍyo mudzi muzima. Waibiga hi nyumba ya Yasoni wakit̯ara ya kwamba wanamudhumburya Paulo na Sila na kuwayavya kwa hawa wantu.

Mahendo 25:27

Koro ntavikunikaiya dza kwamba ni sawa kupfiika mufungwa kwa Kaisari pfasipfo kuyanga tswee haya masit̯aki dzuuye.”

Mahendo 28:24

Wangine wao wahikiza hivi vyuuwovye, ela wangine ntawakuhikiza.

Warumi 10:16

Ela si kula muntu kwamba kayahikiza haya Maagu Mema. Koro nabii Isaya kamba, “Ḅwana, ae ni ga ayahikiziye aya maagu husumwiiyeyo?”

Warumi 15:31

Niyombeani kwamba Muungu anipfonye kuyawana na hawa Wayahud̯i wa ḍyimbo ḍya Yud̯aya wasiotsaka kut̯ii, ili watseweza kunihenda dzambo zuka ḍiḍeḍyonse. Na pia niyombeani kwamba hawa wantu wa Muungu weo Yerusalemi waweze kuukuḅali hu ugijo niokuwapfiikiani.

1 Wakorint̯o 15:32

Ikiwa kwamba nijwana na binensa hapfa hapfa Efeso kwa malengo ya kibenaad̯amu t̯u, nipata? Ela ikiwa kwamba wafu ntawakwakudzafufujwa, d̯ubva, dza vya wantu wevyonanena, “Nahuḍye na kunwa, koro kufwa kwehu kunaweza kuwa ni keso keso!”

1 Watesalonike 2:18

Hwiiwa na hamu muno ya kuuja huko kwenu kawii. Mimi Paulo mwenye, niḍema kudza zaid̯i ya mweedha mumodza, ela Shaat̯ani kavihendeza vyumu kwehu kudza.

2 Timoteo 4:17

Ela Ḅwana kanisumamia na kunimpa nguvu. Ndookomu haya Maagu Mema yonse niweza kuyasumwiiya yapate kusikijwa ni wantu wonse wa vyeet̯i vingine, na Muungu mwenye kanipfonya na kufwa.