2 Watesalonike 3:14 - Pokomo

¹⁴ Yuḍejwonse kahi yenu, adzeyedziza kuhenda hivi humwambiiyevyo humu ḅaruwani, muyoweni mumanye kwamba ni ga! Kisa namutsenjiiyana nae kwa kiḍechonse, ili apate kugijwa ni yutswa na aperuye mwenendowe.

2 Watesalonike 3:14 ပူးပေါင်းရင်းမြစ်များ

Matayo 18:17

Ikiwa kwamba amaale kadziza kusikia, enda ukamusit̯aki tsanganikoni. Na akidziza kuḍisikia hiḍi tsanganiko, ḅasi muntu dzae muhwaeni dza mulumwengu ambu hat̯a dza muhwaa kuwa.

Warumi 16:17

Na sasa wandugu zanguni, nyakumuyombani kwamba mudzit̯unze na hawa wantu weonayongweeza mayongweezo ya kwaarya wantu, yakayeha kutsaimukana na wantu wakaḅaikana vit̯aro vit̯aro. Haya weyokuyongweezani ni garagara na haya mayongweezo muyongweezejweyo. Wantu dzao wakaiyeni kuye.

1 Wakorint̯o 4:14

Sikwakumworeani hivi nipate kumugiza yutswa, ela nyakumworeani nipate kumufunda dza wanangu nitsakiyeo.

1 Wakorint̯o 5:11

Ela nichonikitsaka kumwambia ni kwamba, mutsenjiiyana na muntu yuḍejwonse eyenadzihana ndugu, na huku katsi ni muḅari, ambu ni muhamile, ambu anayomba masanamu, ambu ni muntu jwa nyano, ambu ni murumi, ambu ni mwivi. Muntu dzae, hat̯a kukaa chihako muḍye nae ntamu ruhusa!

1 Wakorint̯o 5:9

Kuzimuni mwa hiḍe ḅaruwa yangu niyomworea, niimwamba mutsenjiiyana na wantu waḅari.

2 Wakorint̯o 10:6

Na hudzepfoona kwamba mwakumut̯iini Kirist̯o na kula njia, hunawa hwaa t̯ayari kumuadhiḅu yuḍejwonse asiyet̯ii.

2 Wakorint̯o 2:9

Nimworea hihiiḍe ḅaruwa nipate kumupima nimuone kwamba munanisikia kula nichonamwambia ambu hat̯a.

2 Wakorint̯o 7:15

Tito kakukumbukani namuna mumupfokeeyevyo na hila na kwa umpowe, na namuna yenu nyonse mwivyokuwa t̯ayari kut̯ii chuuwoche. Ndookomu tsako ḍyakwe kwenu ḍyakugijani kukuya.

Wafilipi 2:12

D̯ubva watsakwa, dza mwiivyomukinit̯ii kut̯wa nipfokuwa pfamodza nanywi, ḅasi hat̯a hivi hivi niivyo kuye nanywi gijani kunit̯ii. Gijani kuhenda mema, mukimushooga Muungu muno kuzimuni mwa maisha yenu ya mupfonyo.

Wakolosai 4:16

Mukisa kuisoma hi hii ḅaruwa, ipfiikiyeni na wantu wa tsanganiko ḍya Laodekia wakaisome. Nanywi pia hwaani hi ḅaruwa niworeeyo wao mukaisome tsanganikoni kwenu.

1 Watesalonike 4:8

D̯ubva, muntu akiyadziza haya haya mayongweezo, nkakwakudzizani mayongweezo ya benaad̯amu, kakudzizani mayongweezo ya Muungu mwenye. Na Muungu ndiye ahupfiye huyu Ruhu Mudheru jwakwe.

2 Watesalonike 3:6

Wandugu zangu, swiswi hwakumuamuruni kwa sari ḍya Ḅwana jwehu Yesu *Kirist̯o, kwamba, mudzit̯anye na Mukirist̯o yuḍejwonse asiyetsaka kuhenda kazi. Koro muntu dzae anawa nkakwakuyauḅani haya mayongweezo humuyongweezeyeyo.

Tito 2:8

Ikaa ukiyongweeza mambo yeyo sawa kaḅisa, ya kwamba ntayawezi kukungiza kualat̯wani, ili upate kuwakanyera hawa nyabvao, watseepata kintu kizuka kiḍechonse cha kunena dzuu yehu.

Tito 3:10

Na muntu jwa kuyeha migawikano, mukanye ḍya d̯ura na ḍya pfii, na akitsasikia, yawana nae.

Filemoni 1:21

Hivi hivi nivyokukuyeheani hi hii ḅaruwa, nina hakika kwamba unahenda hat̯a zaid̯i ya hivi nikuyombeyevyo.

Waeburania 13:17

Wat̯iini wayongozi wenu na muuḅe hivi wevyonamwambia. Wao wakudzitsovyani nsoho kwa dzambo ḍya kumumuud̯amia nywinywi, maanaye ni had̯i wadzewamuyange Muungu hi kazi yao wahendeyeyo. Wat̯iini wapate kuihenda kazi yao na tsekea. Mukitsawat̯ii, kazi yao inawa nyumu na wanaihenda na tsungu, ndookomu hi kazi yao ntaimufaiḍi na kintu.

2 Yohana 1:10

D̯ubva muntu yuḍejwonse akimudzia, na akitsamudzia na haya haya mayongweezo, namutsemukaraḅisha nyumbani kwenu. Na hat̯a kumukedhya, namutsemukedhya!