2 Watesalonike 3:11 - Pokomo

¹¹ Hwakunenani hivi kwa dzambo ḍya kwamba, husikia kwamba wangine wenu wakaiya lafa t̯u! Ntawa kazi weyokuhendani, kazi yao ni kunjiiya-njiiya mambo ya wantu t̯u!

2 Watesalonike 3:11 ပူးပေါင်းရင်းမြစ်များ

Waefeso 4:28

Ikiwa kwamba wiwa u mwivi, sasa yatsa wivi. Yavya hwekaḍyo kudzilachia kantu na upate cha kuwapfa na hawaḍe weo na t̯uri.

1 Watesalonike 4:11

Pia, hwakumuyombani mujwanie kuishi maisha ya utuvu, mutsetsumpia kudzingiza-ngiza kwa mambo ya wantu. Na ni mudzihendeye kazi na mikono yenu wenye kudzilachia kantu, dza hwivyomwambia.

2 Watesalonike 3:6

Wandugu zangu, swiswi hwakumuamuruni kwa sari ḍya Ḅwana jwehu Yesu *Kirist̯o, kwamba, mudzit̯anye na Mukirist̯o yuḍejwonse asiyetsaka kuhenda kazi. Koro muntu dzae anawa nkakwakuyauḅani haya mayongweezo humuyongweezeyeyo.

1 Timoteo 5:13

Na kawii wanadziyongweeza kudzikaiya ḅasi na kutsumpa-tsumpa huku na huku, wakinjia na kuyawa madzumba ya wantu. Na si hivyo t̯u, ela wanadziyongweeza na kuwa wantu wa nyano na vitsampizi, wakinjiiya mambo yasiyowamala.

1 Pet̯ero 4:15

Mukwakukuntiswani d̯ina, ntamu ruhusa ya kukuntiswa d̯ina kwa dzambo ḍya uyaji, wivi, kuvunza sharia, ambu untuntu.