2 Watesalonike 3:1 - Pokomo

¹ Wandugu zangu, zaid̯i ya yonse, hwakumuyombani mugije kuhuyombea, ili hichi chuuwo cha Ḅwana kipate kud̯achaa haraka. Gijani kuhuyombea ili hawaḍe hudzeowasumwiiya wakihikize hichi chuuwo dza hivi vyenu mukihikiziyevyo.

2 Watesalonike 3:1 ပူးပေါင်းရင်းမြစ်များ

Matayo 9:38

D̯ubva muyombeni huyu Ḅwana jwa haya mavuno ongeze wantu wa kuyavuna.”

Luka 10:2

Wasidzanuka, Yesu kawamba, “Haya mavuno ni menji, ela hawa wa kuyavuna ni wachuchu. D̯ubva muyombeni huyu Ḅwana jwa haya mavuno ongeze wantu wa kuyavuna.

Mahendo 12:24

Ela chuuwo cha Muungu kigija kud̯achaa na tsanganiko ḍikuya.

Mahendo 19:20

Ndookomu, kwa nguvu za Ḅwana hichi chuuwoche chigija kud̯achaa na kuwa na nguvu.

Mahendo 6:7

Ndookomu chuuwo cha Muungu kigija kud̯achaa kula pfantu. Chima cha wahikiza huko Yerusalemi chongezeka muno, na wakohani wenji wayahikiza haya *Maagu Mema.

Warumi 15:30

Wandugu zanguni, nyakumuyombani muno kwa sari ḍya Ḅwana jwehu Yesu Kirist̯o, kwamba munigijiije na mayombo muno. Hendani hivi kwa dzambo ḍya haya matsako mwiyonayo kwangu, muyapfegejweyo ni huyu Ruhu Mudheru.

1 Wakorint̯o 16:9

Hapfa nina namfasi nyema muno ya kuhenda kazi ya maana, hat̯a ingawa wapinzani wangu nao ni wenji.

2 Wakorint̯o 1:11

mala mudzeyogija kuhuyombea. Wantu wenji wanahuyombea, na Muungu anasikia mayombo yao, anahuvodhya. Ndookomu wantu wenji wanamuyaviza Muungu ḍuḍa kwa kuhuvodhya.

2 Wakorint̯o 13:11

Wandugu, haya ikaani naghea! Elekanyani hizi njia zenu. Hivi vyuuwo vyangu vihwaeni. Wani wantu wa chuuwo kimodza na muishi na naghea. Na, Muungu ahutsakie na eyenahupfa naghea anawa pfamodza nanywi.

Wakolosai 4:3

Ikaani mukihuyombeya naswi, ili Muungu apate kuhufungwiiya njia ya kuisumwiiya wantu hi ngadzi dzuu ya *Kirist̯o. Koro mimi nya gerenzani kwa dzambo ḍya kusumwiiya haya haya maagu dzuu ya Kirist̯o.

1 Watesalonike 1:5

Swiswi ntahukumusumwiiya injili ya vyuuwo vihupfu, ela huhenda na mambo ya kumakisa kwa nguvu za huyu Ruhu Mudheru, hukiwa na uhakika myojoni mwehu kwamba hwakusumwiiyani injili ya hachi. Na pia mumanya namuna huishiyevyo kahi yenu hupate kumuyanga namuna ya kuishi maisha mema.

1 Watesalonike 1:8

Koro hichi chuuwo musumwiiyecho dzuu ya Ḅwana, kihandaiya Makedonia nzima pfamodza na Akaya. Na si hivyo t̯u, ela hat̯a haya maagu dzuu ya namuna mumuserefat̯iyevyo Muungu yahandaiya kula pfantu. Ndookomu ntaku haḍya iḍeyonse kwehu kunena dzuu yenu amaale.

1 Watesalonike 2:1

Wandugu zangu, hat̯a nywinywi wenye mumanya ya kwamba, hichi charo chehu hudziyecho kwenu ntahukufwa ḅasi.

1 Watesalonike 2:13

Swiswi huna saḅaḅu ya kumuyaviza ḍuḍa Muungu kut̯wa. Na saḅaḅu yehu ni kwamba, hwipfomusumwiiya chuuwo cha Muungu, nywinywi mukihikiza dza chuuwo cha Muungu. Ntamukuchihwaa dza chuuwo cha mwanaad̯amu, ela muchihwaa dza chuuwo cha Muungu ḍugha. Na hichi hichi chuuwo, chakumuhendezani nywinywi muhikiziyeo, muishi maisha mema.

1 Watesalonike 4:1

D̯ubva wandugu zangu, zaid̯i ya yonse, hwakumuyombani na kumuriria kwa sari ḍya Ḅwana jwehu Yesu, muishi maisha ya kumutsakiza Muungu dza humuyongweezeyevyo. Gula humanya ya kwamba ndivyo mwivyokuishini, ela hunatsaka mumutsakize Muungu zaid̯i na zaid̯i.

1 Watesalonike 5:17

Yombani kut̯wa!

1 Watesalonike 5:25

Wandugu, gijani kuhuyombea naswi.

2 Timoteo 2:9

Na kwa dzambo ḍya haya haya Maagu Mema niyonasumwiiya, nyakukuntiswani d̯ina, na ninjia hat̯a kufungwani minyoro dza kwamba niwa muhenda mazuka. Ela chuuwo cha Muungu ntakiwezi kufungwa minyoro.