2 Watesalonike 1:3 - Pokomo

³ Wandugu zangu, swiswi hunamala kumuyaviza ḍuḍa Muungu kut̯wa kwa dzambo ḍyenu. Ni hachi kwehu kuhenda hivi, kwa dzambo ḍya kwamba faro yenu igija kukuya zaid̯i na zaid̯i na mwakugijani kutsakana zaid̯i na zaid̯i.

2 Watesalonike 1:3 ပူးပေါင်းရင်းမြစ်များ

Luka 15:32

Ni hachi kuhenda jila na kutsekea, koro niit̯ara ya kwamba huyu ndugujo ewa kafwa, ela katsi ka mojo. Ewa kaara ela sasa kaonekana.’ ”

Luka 17:5

Makisa hawa *ntumi wamwamba Yesu, “Ḅwana, hwongeze faro yehu.”

Yohana 15:2

Kula hambi ḍya hu muzabibu ḍisiḍyovyaa matunda, anaḍikenta. Ela kula hambi ḍiḍyonavyaa matunda, anaḍipfeeya ili ḍipate kuvyaa matunda zaid̯i.

Warumi 1:8

Nguzi cha d̯ura namuyaviza ḍuḍa Muungu jwangu kwa dzambo ḍyenu nyonse, kuchiiya na kwa Yesu Kirist̯o. Koro faro yenu mwiyonayo kwa Yesu Kirist̯o yakusumwiijwani lumwengu yuzima.

1 Wakorint̯o 1:4

Nakaa nikimuyaviza Muungu ḍuḍa kut̯wa kwa dzambo ḍya hizi mvoni amumpiyezo nywinywi mukiwa hariani mwa Kirist̯o Yesu.

2 Wakorint̯o 10:15

D̯ubva, swiswi ntahudzishad̯iye kazi ya wantu wangine wahendeyeyo nze ya hi mimpaka ya Muungu ahuwekeeyo. Ela hwakudzikwat̯yani kwamba faro yenu inakuya, na kuzimuni mwa hi mimpaka yehu huwekeejweyo, kazi yehu kwenu inakuya muno.

Waefeso 5:20

Muyavizeni ḍuḍa Muungu Baba jwehu kut̯wa kwa kula ḍiḍyokuhendekani, kwa kwamba mu wantu wa Ḅwana jwehu Yesu Kirist̯o.

Wafilipi 1:7

Gula nina hachi ya kumuhwaiya dzevihivi, koro nimutsaka muno. Na hangu nipfokuwa huru kuyahehea na kuyangizia nguvu haya Maagu Mema, na hat̯a hivi hivi niivyo mufungwa, nywinywi nyonse mushirikiana pfamodza nami hizi mvoni za Muungu animpiyezo.

Wafilipi 1:9

Na nyakumuyombeani kwamba, tsako ḍyenu kwa wangine ḍikuye zaid̯i na zaid̯i na muweze kumanya na kuimuka mambo ya kiruhu,

1 Watesalonike 3:12

Hwakumuyombeani nanywi, Ḅwana jwehu amwinjipfisiye matsako, muwe na matsako makuu kwenu nywinywi na nywinywi na kwa wantu wangine, dza vya matsako yehu kwenu yevyokwinjipfani na kuwa makuu.

1 Watesalonike 3:6

Ela sasa myojo ihuingamaa, maanaye Timoteo kahuyehea maagu ya kwamba, amaale mugija kusumama faroni na mutsakana nywinywi na nywinywi. Na kahwamba kwamba, amaale mwakuhukumbukani muno, na muna kaja muno ya kuhuona kawii dza hivi vyehu hwivyo na kaja nkuu ya kumuona.

1 Watesalonike 3:9

Ntahuwezi hat̯a kumugalichiza Muungu ḍuḍa ya kut̯osa kwa dzambo ḍya tsekea muhungiziyeyo!

1 Watesalonike 4:1

D̯ubva wandugu zangu, zaid̯i ya yonse, hwakumuyombani na kumuriria kwa sari ḍya Ḅwana jwehu Yesu, muishi maisha ya kumutsakiza Muungu dza humuyongweezeyevyo. Gula humanya ya kwamba ndivyo mwivyokuishini, ela hunatsaka mumutsakize Muungu zaid̯i na zaid̯i.

2 Watesalonike 2:1

Wandugu, hunatsaka kumuimusya zaid̯i dzuu ya kuuja yupfii kwa Ḅwana jwehu Yesu *Kirist̯o na kutsanganika kwehu kuwa pfamodza nae. Hunamuyomba

2 Watesalonike 2:13

Nywinywi wandugu mwiwo watsakwa wa Ḅwana, hunatsaka kumwambia ya kwamba, swiswi hunamala kumuyaviza ḍuḍa Muungu kut̯wa kwa dzambo ḍyenu. Muungu kamutsana hangu ḍabvu ili aweze kumupfonya kuchiiya na kwa kudhereswa ni Ruhu Mudheru na kwa kuihikiza hi hachi.

1 Pet̯ero 1:22

Na sasa, kwa dzambo muit̯ii hi hachi, mudhereswa kuyawana na nabvise zenu, na muwatsaka na mojo hawa wahikiza wenzenu. D̯ubva tsakanani na mojo ḍugha,

2 Pet̯ero 1:13

Ndookomu niona vyema kwamba nikae na kumukumbusya-kumbusya dzuu ya haya haya mambo mala niiyo mojo.

2 Pet̯ero 3:18

Ela gijani kudzikwat̯ya t̯ei ya Ḅwana na mupfonya jwehu Yesu *Kirist̯o na mugije kumumanya jeje zaid̯i na zaid̯i. Ḅwana napfegwe shad̯u hangu hi hii saasambi, na hat̯a pfasipfosia. Amina.