2 Wakorint̯o 9:2 - Pokomo

² Nimanya ya kwamba nywinywi muna mojo wa kuyavya, na hat̯a nimushad̯a kwa wantu wa Makedonia. Niwamba, “Hawa wandugu wa Akaya, ut̯ayari wao wa kuyavya wanao hangu mwaka dzana.” Hu moho wenu nywinywi uwangiza mojo wangine wenji waḍabve kuyavya.

2 Wakorint̯o 9:2 ပူးပေါင်းရင်းမြစ်များ

Mahendo 18:12

Ngera za Galio epfowekwa haju jwa ḍyimbo ḍya Akaya, Wayahud̯i wangine wadziana pfamodza, wamugija Paulo na wamupfiika hukumuni usoni ya huyu haju.

Mahendo 24:17

Paulo kongeza kunena kamba, “Ḅaad̯a ya kut̯ana na Yerusalemi kwa myaka, niikwenda hukuḍe kupfiika nt̯unu ya fwedha za kuut̯ubva Wayahud̯i wangine weokuwa na t̯uri na niyavye na mvuugiya.

Warumi 15:26

Koro hawa wahikiza weo ḍyimbo ḍya Makedonia na ḍyimbo ḍya Akaya, waona vyema wao wenye kwamba, wayavye mvuugiya ya ugijo kwa hawaḍe wantu masikini wa Muungu weo hukuḍe Yerusalemi.

1 Wakorint̯o 16:15

Mumanya ya kwamba wantu wa nyumba ya Sit̯efanosi ndiwo wantu wa d̯ura wa ḍyimbo ḍya Akaya waperukiyeo wakiwa Wakirist̯o. Na wadziyavya kuwahumikia wantu wa Muungu. D̯ubva wandugu zangu, nyakumuyombani

2 Wakorint̯o 1:1

Mimi Paulo, *ntumi jwa *Kirist̯o Yesu kwa miro ya Muungu, pfamodza na ndugu yehu Timoteo, hwakworani kwenu nywinywi tsanganiko ḍya Muungu ḍiiḍyo Korint̯o na kwa wantu wonse wa Muungu weo ḍyimbo ḍya Akaya.

2 Wakorint̯o 7:14

Niimushad̯a nywinywi usoni yakwe, nanywi urembo wenu ntamukunigiza yutswa. Swiswi, hwikimwambia hi ya hachi kut̯wa, na hi shad̯umea huyaviyeo kwa Tito dzuu yenu, ionekana kuwa ya hachi.

2 Wakorint̯o 7:4

Nina uhakika nanywi muno, na nyakudzivunani nanywi muno. Hizi d̯ina zonse hukuntiyezo ntazidzaniyaga mojo; ishinu ninjijwa ni tsekea isiyo chima.

2 Wakorint̯o 8:10

Mat̯aro yangu dzuu ya hiḍe mvuugiya muḍabviyeyo kuhwaa ni haya: Ni heri muhende muyese hayaḍe mwiyoḍabva kuhenda mwaka dzana. Nywinywi ndinywi wa d̯ura mwiwokuwa na mojo wa kuyavya na mukiḍabva kuyavya.

2 Wakorint̯o 8:11

D̯ubva gijani kuihenda hi kazi muise. Wani na mojo dza uuḍe muḍabviyeo nao hi kazi, mupate kuisa. Yavyani mala mwiyonaweza.

2 Wakorint̯o 8:19

Na si hivyo t̯u, jeje katsanwa ni haya matsanganiko agijane naswi, huipfiike Yerusalemi hi mvuugiya ya matsako hwiyokuhwaani. Hiḍi dzambo ḍinamuyehea shad̯umea Ḅwana na ḍinayanga kwamba swiswi huna mojo wa kupfa wenzehu ugijo.

2 Wakorint̯o 8:24

Hawa wantu wayangeni kwamba muwatsaka, ili kwamba haya matsanganiko yawahumiyeyo, yavisikie, na yamanye kwamba, hwiiwa na hachi ya kudziona kwa dzambo ḍyenu.

2 Wakorint̯o 8:8

Si ya kwamba nyakumuwekeani amuri za kuuḅa. Ela nimuyanga namuna ya matsanganiko ya Makedonia yayaviyevyo mvuugiya na mojo, nipate kumuyowa nimuone nanywi kwamba matsako yenu nza ḍugha ambu hat̯a.

1 Watesalonike 1:7

Ndookomu mukaa dza mufaano hangu kwa wahikiza weo ḍyimbo ḍya Makedonia hat̯a kwa hawaḍe weo Akaya.

Waeburania 10:24

Nahumuud̯amiyane kungizana mojo hupate kutsakana dza ndugu na kuhendeana mema.