2 Wakorint̯o 8:7 - Pokomo

⁷ Nywinywi, mwaa usoni kwa kula kintu: Mwaa usoni kwa faro yenu, kwa kusumwiiya kwenu, umanyi wenu we hachi, mojo wa kuhumika na kwa matsako mwiyonayo kwehu. D̯ubva hunatsaka muwe usoni pia kwa hiḍi hiḍi hendo ḍya kuyavya, muyange matsako.

2 Wakorint̯o 8:7 ပူးပေါင်းရင်းမြစ်များ

Matayo 25:22

Makisa kunjia huyuḍe muhumisi apfegejwe t̯alant̯a mbii za fwedha. Nae epfokwenda kamwamba, ‘Ḅwana, kunimpa t̯alant̯a mbii za fwedha, nami nizihendea kazi hat̯a nipata faiḍa ya t̯alant̯a zingine mbii.’

Warumi 15:14

Wandugu zanguni, mimi mwenye nina uhakika kwamba nywinywi mu wantu wema muno. Hizi njia za Muungu muzimanya urembo muno chima cha kwamba munaweza hat̯a kuyongweezana nywinywi na nywinywi.

1 Wakorint̯o 1:5

Na kwa dzambo ḍya kwamba mwaa hariani mwa Kirist̯o, muhendezwa majabva wa kula kintu. Muna umanyi wa kut̯osa wa mambo ya kiruhu na wa kusumwiiya chuuwo cha Muungu.

1 Wakorint̯o 12:13

Koro hwonse hut̯opyegwa ni Ruhu mumodza na hugala mwii mumodza. Hangu Wayahud̯i na wantu wasiokuwa Wayahud̯i, hangu wahumwa na wantu wasiokuwa wahumwa, hwonse humupfegwa yuyo Ruhu mumodza myojoni mwehu.

1 Wakorint̯o 12:8

Huyu Ruhu anamumpa vyuuwo vya mvidhyo muntu huyu, na muntu yungine yuyo Ruhu mumodza anamumpa vyuuwo vya umanyi.

1 Wakorint̯o 13:2

Na naweza kuwa na t̯ola ya kusumwiiya maagu ya Muungu, naweza kumanya kula kintu na kuimuka ngadzi zonse, naweza kuwa na faro ya kut̯osa kusamya mirima, ela ninkitsaawa na matsako kwa wangine, mimi si maana yaḍeyonse.

1 Wakorint̯o 13:8

Matsako ntaya mwiso. Ela mat̯ola ya kusumwiiya Maagu ya Muungu, yadzawa na mwiso. Mat̯ola ya kunena na lugha ngeni yadzat̯uruma, na mat̯ola ya kuwa na umanyi nayo yadzasia.

1 Wakorint̯o 14:12

Nimanya ya kwamba muna hamu ya kuwa na haya mat̯ola ya huyu Ruhu. D̯ubva haswa, jwaniani kupata hayaḍe mat̯ola yeyonaḍimbaka hiḍi tsanganiko.

1 Wakorint̯o 4:7

Akuhendezeye wewe kuwa na maana kuchia wangine ni ga? Muungu siye akupfiye kula kintu wichonacho? Mani d̯ubva, aku kudziona dza kwamba nkukuvipfegwa ni Muungu, nkwa?

2 Wakorint̯o 7:7

Kihungiziyecho mojo si huku kudzakwe t̯u, ela hat̯a haya maagu ahupfiyeyo, ya namuna mumungiziyevyo mojo. Kahusumwiiya namuna mwivyokut̯amanini kuniona, namuna mwivyokudziut̯ini kwa hayaḍe munihendeeyo, na namuna mwivyo t̯ayari kunihehea. Ndookomu sasa tsekea yangu ni nkuu muno.

2 Wakorint̯o 8:6

Ndookomu naswi, humuyomba Tito, aihende aise hi kazi ya kuhwaa hi mvuugiya muyaviyeyo na matsako, koro jeje ndiye aḍabviye kuihenda hi hii kazi.

2 Wakorint̯o 9:14

Ndookomu nao wanamuyombea na myojo ya ḍuḍa, kwa dzambo ḍya haya matsako makuu ya Muungu amumpiyeyo.

2 Wakorint̯o 9:8

Muungu ana uwezo wa kumut̯oseza haḍya zenu zonse na hat̯a zaid̯i, ili kwamba akimamut̯oseza na kula njia, munawa na mojo wa ubalicha wa kuyavya kwa kula kazi iyo nyema.

Waefeso 4:29

Namutseewa wantu wa vyuuwo vizuka vizuka. Ishinu mwipfonat̯amuka kunena, nenani vyuuwo vya kuwambaka hawaḍe weonamusikiiya ili vipate kuwafaiḍi.

Wafilipi 1:11

Maisha yenu yadzadzaa mahendo mema ya ḍugha yeyonayehegwa ni Yesu Kirist̯o mwenye. Na kwa hi hii njia, Muungu anashad̯wa na kuhilwa.

Wafilipi 1:9

Na nyakumuyombeani kwamba, tsako ḍyenu kwa wangine ḍikuye zaid̯i na zaid̯i na muweze kumanya na kuimuka mambo ya kiruhu,

2 Watesalonike 1:3

Wandugu zangu, swiswi hunamala kumuyaviza ḍuḍa Muungu kut̯wa kwa dzambo ḍyenu. Ni hachi kwehu kuhenda hivi, kwa dzambo ḍya kwamba faro yenu igija kukuya zaid̯i na zaid̯i na mwakugijani kutsakana zaid̯i na zaid̯i.

2 Timoteo 2:1

D̯ubva wewe mwanangu, haya matsako ya Muungu hwiyonayo hariani mwa *Kirist̯o Yesu, nayakungize nguvu.

Waeburania 12:28

D̯ubva swiswi nahumuyavize ḍuḍa Muungu, kwa kwamba hwakupfegwani uhaju usiosukusika. Nahumuyavize ḍuḍa Muungu na humuyombe na njia ya kwamba inamutsakiza, hukimuhila na kumushooga,

1 Pet̯ero 1:22

Na sasa, kwa dzambo muit̯ii hi hachi, mudhereswa kuyawana na nabvise zenu, na muwatsaka na mojo hawa wahikiza wenzenu. D̯ubva tsakanani na mojo ḍugha,

2 Pet̯ero 3:18

Ela gijani kudzikwat̯ya t̯ei ya Ḅwana na mupfonya jwehu Yesu *Kirist̯o na mugije kumumanya jeje zaid̯i na zaid̯i. Ḅwana napfegwe shad̯u hangu hi hii saasambi, na hat̯a pfasipfosia. Amina.

Upfenuo wa Yohana 3:17

At̯i nywinywi mwakudzionani kwamba mu majabva muna kula kintu, na ntamu t̯uri wa kiḍechonse! Ela ntamudzi kwamba nywinywi mu wantu mwiwo d̯inani na mwiwo t̯ei wa mwiso. Na ntamudzi kwamba mu masikini, mu ntumbu matso na mwaa vivi!