2 Wakorint̯o 8:6 - Pokomo

⁶ Ndookomu naswi, humuyomba Tito, aihende aise hi kazi ya kuhwaa hi mvuugiya muyaviyeyo na matsako, koro jeje ndiye aḍabviye kuihenda hi hii kazi.

2 Wakorint̯o 8:6 ပူးပေါင်းရင်းမြစ်များ

Mahendo 24:17

Paulo kongeza kunena kamba, “Ḅaad̯a ya kut̯ana na Yerusalemi kwa myaka, niikwenda hukuḍe kupfiika nt̯unu ya fwedha za kuut̯ubva Wayahud̯i wangine weokuwa na t̯uri na niyavye na mvuugiya.

Warumi 15:25

Ela nguzi nyakwendani Yerusalemi kupfiika ugijo uyavijweo kwa wantu wa Muungu weo hukuhukuḍe.

2 Wakorint̯o 12:18

Mimi nimuyomba Tito adze kwenu, na nimuhuma ae na huyu ndugu yungine. Munatsaka kwamba Tito ndiye adziye akimukulakula? Dzaambia ami na Tito ntahukwaa na malengo mamodza na mwenendo mumodza?

2 Wakorint̯o 2:13

Ela mojo udziza kuniingamaa, kwa kwamba hukuhukuḍe ndugu Tito sikumuona. D̯ubva niḍamana na hawa wantu na nigonzowa nyenda Makedonia.

2 Wakorint̯o 8:10

Mat̯aro yangu dzuu ya hiḍe mvuugiya muḍabviyeyo kuhwaa ni haya: Ni heri muhende muyese hayaḍe mwiyoḍabva kuhenda mwaka dzana. Nywinywi ndinywi wa d̯ura mwiwokuwa na mojo wa kuyavya na mukiḍabva kuyavya.

2 Wakorint̯o 8:19

Na si hivyo t̯u, jeje katsanwa ni haya matsanganiko agijane naswi, huipfiike Yerusalemi hi mvuugiya ya matsako hwiyokuhwaani. Hiḍi dzambo ḍinamuyehea shad̯umea Ḅwana na ḍinayanga kwamba swiswi huna mojo wa kupfa wenzehu ugijo.

2 Wakorint̯o 8:23

Tito le ni mwenzangu hwiyenahenda kazi pfamodza kumuhumikia nywinywi. Hawa wandugu wangine wadzeogijana nae, ni *ntumi wa haya matsanganiko, na kazi yao inamuyehea Kirist̯o shad̯u.

2 Wakorint̯o 8:4

wahuyomba muno huwapfe namfasi ya kuyavya ugijo kwa wantu wa Muungu weo Yud̯aya.

2 Wakorint̯o 9:5

Ndookomu niona ni heri niwayombe hawa wandugu wayongowe wadze kwenu, wadze waiweke t̯ayari hi nt̯unu muahid̯iyeyo kuyavya. Na, chima changu cha kudza inawa yaa t̯ayari. Namutseyavya dza wantu mwiwokusharut̯iswani, ela yavyani kwa dzambo muna mojo wa kuyavya.

Wafilipi 4:18

Nisakupfokea ugijo mwema muno kuyawa kwenu, ndookomu sasa nina vinji kuchia hivi nivyonatsaka. Si t̯uri kawii kwa dzambo hizi nt̯unu mumumpiyezo Epafurodito aniyeheye nisakuzipfokea. Hachi zinatsakiza dza harufu nyema ya mvuugiya ya kutsomwa iyonayavigwa kwa Muungu, ikamutsakiza nae akaikuḅali.

1 Pet̯ero 4:10

Kula mumodza ni had̯i awahumikie wangine na haya mat̯ola ya kiruhu apfegejweyo ni Muungu. Haya haya mat̯ola garagara muyapfokeeyo kwa t̯eiye ni had̯i muyatumie urembo.