2 Wakorint̯o 8:12 - Pokomo

¹² Koro muntu eye na mojo wa kuyavya, Muungu anapfokea hichiḍe echonaweza kuyavya; si ya kwamba anamuyoweeya muntu ayavye asichokuwa nacho.

2 Wakorint̯o 8:12 ပူးပေါင်းရင်းမြစ်များ

Matayo 25:17

Na huyuḍe apfegejwe t̯alant̯a mbii za fwedha, nae nkakukawa kaḍabva kuzihendea guzi na kapata faiḍa ya t̯alant̯a zingine mbii za fwedha.

Matayo 25:22

Makisa kunjia huyuḍe muhumisi apfegejwe t̯alant̯a mbii za fwedha. Nae epfokwenda kamwamba, ‘Ḅwana, kunimpa t̯alant̯a mbii za fwedha, nami nizihendea kazi hat̯a nipata faiḍa ya t̯alant̯a zingine mbii.’

Luka 16:10

Yuḍejwonse eyenahikizika na mambo maḍoḍo maḍoḍo anahikizika hat̯a na mambo makuu makuu. Na yuḍejwonse asihikizika na mambo maḍoḍo maḍoḍo, nkanahikizika na mambo makuu makuu.

2 Wakorint̯o 8:11

D̯ubva gijani kuihenda hi kazi muise. Wani na mojo dza uuḍe muḍabviyeo nao hi kazi, mupate kuisa. Yavyani mala mwiyonaweza.

2 Wakorint̯o 8:13

Hamu yehu si kuiwavuya wangine mizigo yao huimupfaze nywinywi hat̯a. Hwichokutsakani ni kwamba kuwe na usawa.

2 Wakorint̯o 8:19

Na si hivyo t̯u, jeje katsanwa ni haya matsanganiko agijane naswi, huipfiike Yerusalemi hi mvuugiya ya matsako hwiyokuhwaani. Hiḍi dzambo ḍinamuyehea shad̯umea Ḅwana na ḍinayanga kwamba swiswi huna mojo wa kupfa wenzehu ugijo.

2 Wakorint̯o 9:7

D̯ubva kula mumodza nayavye dza ahuniyevyo mojoni mwakwe kuyavya. Nakutseewa muntu jwa kuyavya na kudzigija-gija ambu dza kwamba kakusharut̯iswani, koro Muungu katsaka muntu eyenayavya na mojo mumodza.

1 Pet̯ero 4:10

Kula mumodza ni had̯i awahumikie wangine na haya mat̯ola ya kiruhu apfegejweyo ni Muungu. Haya haya mat̯ola garagara muyapfokeeyo kwa t̯eiye ni had̯i muyatumie urembo.