2 Wakorint̯o 8:10 - Pokomo

¹⁰ Mat̯aro yangu dzuu ya hiḍe mvuugiya muḍabviyeyo kuhwaa ni haya: Ni heri muhende muyese hayaḍe mwiyoḍabva kuhenda mwaka dzana. Nywinywi ndinywi wa d̯ura mwiwokuwa na mojo wa kuyavya na mukiḍabva kuyavya.

2 Wakorint̯o 8:10 ပူးပေါင်းရင်းမြစ်များ

Matayo 10:42

Yuḍejwonse adzeehwaa nangaa chikombe cha madzi ya mpepfo t̯u, amumpe mumodza jwa hawa wanafund̯i wangu hawa, weonahwajwa kwamba ntawa maana, huyo nkatsowe t̯ubvoḍye.”

Yohana 11:50

Ntamukwakuonani hat̯a kwamba ni heri kufwe muntu mumodza kwa dzambo ḍya kyeet̯i chonse, kuliko kuyatsa kyeet̯i kizima kidzekinangwe-nangwe?”

Yohana 16:7

Ela hachi nyakumwambiani, kugonzowa kwangu ni kwa faiḍa yenu nywinywi. Koro nikitsagonzowa, huyu Mugijiija nkawezi kudza kwenu. Ela nikigonzowa, namuhuma adze kwenu.

Yohana 18:14

Jeje ndiye eyewamba wakuu wa Kiyahud̯i kwamba, ni heri kufwe muntu mumodza kwa dzambo ḍya wantu wonse.

1 Wakorint̯o 10:23

Wangine wanakwamba, “Huna uhuru wa kuhenda kiḍechonse hutsakiyecho.” Ela si kula kintu kwamba kina maana. Munakwamba, “Huna uhuru wa kuhenda kiḍechonse hutsakiyecho.” Ela si kula kintu ya kwamba kinambaka.

1 Wakorint̯o 16:2

Kula nsiku ya ḍyuma, kula mumodza jwenu ni kut̯enga chima cha fwedha mala ya haya mapatoye, muziweke, ili kutseewa na haḍya ya kuhwaa mvuugiya nidzepfokudza.

1 Wakorint̯o 6:12

Muntu anaweza kunena ambe, “Nina uhuru wa kuhenda kiḍechonse nitsakiyecho,” ela si kula kintu kwamba kina maana. Naweza kwamba nina uhuru wa kuhenda kiḍechonse, ela siwezi kudzihendeza muhumwa jwa kiḍechonse kidzechokudza.

1 Wakorint̯o 7:25

Sasa, dzuu ya hawa wasiodzahwaa ambu wasiodzahwajwa, si amuri ya kumumpa kuyawa kwa Ḅwana, ela nyakumumpani mat̯aro yangu. Serefat̯ani nivyokunenani, maanaye mimi ni muntu nifwiijwe t̯ei ni Ḅwana na akinihendeza muntu jwa kuserefat̯ika.

1 Wakorint̯o 7:40

Ela kuonani kwangu ni kwamba, anawa na tsekea zaid̯i akikaa vivyo dza muke muchiwa. Na nat̯ara nami nyakuyongojwani ni Ruhu jwa Muungu.

2 Wakorint̯o 12:1

Gula kudziona kwangu ntaku maana yaḍeyonse, ela mimi nagija kudziona t̯u. Na sasa nanenea mambo ya Ḅwana aniyangiyeyo na akiyanipfenwiiya.

2 Wakorint̯o 8:6

Ndookomu naswi, humuyomba Tito, aihende aise hi kazi ya kuhwaa hi mvuugiya muyaviyeyo na matsako, koro jeje ndiye aḍabviye kuihenda hi hii kazi.

2 Wakorint̯o 8:8

Si ya kwamba nyakumuwekeani amuri za kuuḅa. Ela nimuyanga namuna ya matsanganiko ya Makedonia yayaviyevyo mvuugiya na mojo, nipate kumuyowa nimuone nanywi kwamba matsako yenu nza ḍugha ambu hat̯a.

2 Wakorint̯o 9:2

Nimanya ya kwamba nywinywi muna mojo wa kuyavya, na hat̯a nimushad̯a kwa wantu wa Makedonia. Niwamba, “Hawa wandugu wa Akaya, ut̯ayari wao wa kuyavya wanao hangu mwaka dzana.” Hu moho wenu nywinywi uwangiza mojo wangine wenji waḍabve kuyavya.

Wafilipi 4:17

Si ya kwamba nyakutsakani munit̯oleye vyenu ḅasi, ela nichokutsakani ni kwamba Muungu amuvodhye muno, kwa dzambo ḍya kunimpa ugijo.

Waeburania 13:16

Namutseyatsa kuwahendea mema wangine. Gijiijanani na hiviḍe mwivyonavyo, maanaye mukihenda hivyo, ni dza kuyavya mvuugiya zizonamutsakiza Muungu.