2 Wakorint̯o 7:14 - Pokomo

¹⁴ Niimushad̯a nywinywi usoni yakwe, nanywi urembo wenu ntamukunigiza yutswa. Swiswi, hwikimwambia hi ya hachi kut̯wa, na hi shad̯umea huyaviyeo kwa Tito dzuu yenu, ionekana kuwa ya hachi.

2 Wakorint̯o 7:14 ပူးပေါင်းရင်းမြစ်များ

Yohana 17:19

Mimi nyakudziyavyani jwonse kwako kwa dzambo ḍyao, ili nao wapate kudziyavya wawe wako kaḅisa.

2 Wakorint̯o 10:8

Ḅwana kahupfa mamulaka dzuu yenu; si mamulaka ya kumutsaratsara, ela ni mamulaka ya kumumbaka nywinywi. Na hat̯a ingawa nimadziona kuchia chima dzuu ya haya mamulaka hwiyonayo, si yutswa na muntu.

2 Wakorint̯o 12:6

Nitsakiye kudziona nindedziona, kwa kwamba sindeewa kuhendekani dza ḍyura, nindeewa kunenani hi ya hachi. Ela si haḍya ya kudziona dzuu ya hizi nzozi, wantu watsekudzanihwaa kuwa muntu jwa maana kwa dzambo ḍya hizi nzozi zangu kuliko kunihwaa muntu jwa maana kwa haya weyonaniona nikihenda na kunena.

2 Wakorint̯o 2:13

Ela mojo udziza kuniingamaa, kwa kwamba hukuhukuḍe ndugu Tito sikumuona. D̯ubva niḍamana na hawa wantu na nigonzowa nyenda Makedonia.

2 Wakorint̯o 7:13

Ndiyo maana hunjiiyeo mojo. Na ntahukunjia mojo t̯u, ela tsekea ya Tito mwenye nayo ihuhendeza huwe na tsekea nkuu zaid̯i. Kahusumwiiya namuna mumuingamaziyevyo mojo.

2 Wakorint̯o 7:4

Nina uhakika nanywi muno, na nyakudzivunani nanywi muno. Hizi d̯ina zonse hukuntiyezo ntazidzaniyaga mojo; ishinu ninjijwa ni tsekea isiyo chima.

2 Wakorint̯o 7:6

Ela Muungu eyenangiza mojo wantu wafwiyeo mojo, kahuingamaza myojo muno kwa kumuyeha Tito.

2 Wakorint̯o 8:24

Hawa wantu wayangeni kwamba muwatsaka, ili kwamba haya matsanganiko yawahumiyeyo, yavisikie, na yamanye kwamba, hwiiwa na hachi ya kudziona kwa dzambo ḍyenu.

Wafilipi 1:26

Ḅasi nidzepfowa pfamodza nanywi kawii, munapata saḅaḅu nkuu zaid̯i ya kumushad̯a Kirist̯o Yesu kwa dzambo ḍyangu.

2 Watesalonike 1:4

Ndiyo maana naswi, hunadziona nanywi kwa wantu wa matsanganiko yangine ya Muungu. Hunakaa hukiwasumwiiya namuna mugijiyevyo kumuserefat̯a Muungu na kuit̯isa, hat̯a ingawa mwakukuntiswani d̯ina muno kwa dzambo ḍya faro yenu.