2 Wakorint̯o 7:13 - Pokomo

¹³ Ndiyo maana hunjiiyeo mojo. Na ntahukunjia mojo t̯u, ela tsekea ya Tito mwenye nayo ihuhendeza huwe na tsekea nkuu zaid̯i. Kahusumwiiya namuna mumuingamaziyevyo mojo.

2 Wakorint̯o 7:13 ပူးပေါင်းရင်းမြစ်များ

Warumi 12:15

Wantu wakiwa na tsekea, nanywi pia ikaani mukitsekea pfamodza nao. Na wakiwa na ngiru, nanywi pia sikit̯ikani pfamodza nao.

Warumi 15:32

Nami ndipfo Muungu akitsaka, naweza kudza huko kwenu ninkiwa na tsekea nyinji, na hunapata kungizana mojo.

1 Wakorint̯o 12:26

Kiiriiri kimodza cha hu mwii kikikuntiswa d̯ina, hivi vingine vyonse navyo vinaona tsungu; kiiriiri kimodza kikishad̯wa, hivi vingine vyonse navyo vinatsekea.

1 Wakorint̯o 16:13

Nywinywi wani matso. Faro yenu igijeni muno na namutseewa woga. Wani wantu mwiwo na nguvu.

1 Wakorint̯o 16:18

Wao waniingamaza mojo muno dza hiviḍe wevyomuingamaza nanywi. Wantu dza hawa wanamala kuhilwa.

2 Wakorint̯o 2:13

Ela mojo udziza kuniingamaa, kwa kwamba hukuhukuḍe ndugu Tito sikumuona. D̯ubva niḍamana na hawa wantu na nigonzowa nyenda Makedonia.

2 Wakorint̯o 2:3

Maana nimworeeyo hihiiḍe ḅaruwa ni kwamba, sikitsaka kudza kwenu huhuuḍe wakati. Koro t̯ambere nidziye huhuuḍe wakati, mundeningiza tsungu muhupfu, na huku ndinywi hawa wantu wa kwamba mundenitsekeza. Na nina hakika kwamba nipfonawa na tsekea, nanywi nyonse munawa na tsekea.

2 Wakorint̯o 7:14

Niimushad̯a nywinywi usoni yakwe, nanywi urembo wenu ntamukunigiza yutswa. Swiswi, hwikimwambia hi ya hachi kut̯wa, na hi shad̯umea huyaviyeo kwa Tito dzuu yenu, ionekana kuwa ya hachi.

2 Wakorint̯o 7:15

Tito kakukumbukani namuna mumupfokeeyevyo na hila na kwa umpowe, na namuna yenu nyonse mwivyokuwa t̯ayari kut̯ii chuuwoche. Ndookomu tsako ḍyakwe kwenu ḍyakugijani kukuya.

2 Wakorint̯o 7:6

Ela Muungu eyenangiza mojo wantu wafwiyeo mojo, kahuingamaza myojo muno kwa kumuyeha Tito.

Wafilipi 2:28

Ndookomu nyakutsakani muno kumuhuma kwenu haraka ili kwamba mudzepfomuona, munjie tsekea kawii na hi ngiru yangu iniyawe.

2 Timoteo 1:16

Ela Ḅwana naifwiye t̯ei nyumba ya Onesiforo, kwa dzambo ḍya kuningiza mojo kwakwe myeedha minji. Wala kuwa gerenzani kwangu, ntakukumugiza jeje yutswa.

Filemoni 1:20

D̯ubva ndugu yangu, nyakukuyombani kwa sari ḍya Ḅwana kwamba, unihendeye hu huu wema ili uweze kuningiza mojo dza Mukirist̯o mwenziwo.

Filemoni 1:7

Ndugu yangu mutsakwa, mimi mwenye nina tsekea nkuu muno na hat̯a hu mojo wangu uniingamaa kwa dzambo ḍya kwamba haya matsako wiyonayo kwa wantu wa Muungu yanakaa na kuwangiza mojo muno.

1 Pet̯ero 3:8

Mwiso nyakumwambiani nywinywi nyonse mwiwo Wakirist̯o, ikaiyanani urembo, mukifwiyana t̯ei na kutsakana dza ndugu. Wani wampowe kahi yenu nywinywi na nywinywi.