2 Wakorint̯o 6:7 - Pokomo

⁷ kwa kusumwiiya haya maagu ya hachi, na kwa nguvu za Muungu ezonahupfa. Maisha yehu ya kuhenda yeyo ya hachi ndicho cheera chehu cha kujwania na cha kudzichingia nacho.

2 Wakorint̯o 6:7 ပူးပေါင်းရင်းမြစ်များ

Marko 16:20

Ndookomu hawa wanafund̯iwe wazinga kula pfantu wakisumwiiya chuuwo cha Muungu. Na Ḅwana kahenda kazi pfamodza nao akiyangizia nguvu haya maagu wasumwiiyeyo, koro kawawezesa kuhenda mambo menji na menji ya mafara. Amina.

Mahendo 11:21

Ḅwana ewa nao, na kit̯aro chikuu cha wantu wahikiza na wamuperukia Ḅwana Yesu.

1 Wakorint̯o 1:24

Ela kwa hawaḍe wonse wa Muungu atsaniyeo kuwapfonya, hangu Wayahud̯i na wantu wasiokuwa Wayahud̯i, Kirist̯o ni mvidhyo na nguvu za Muungu za kupfonya wantu.

2 Wakorint̯o 13:4

Hat̯a ingawa Kirist̯o kapfatsikwa muhini mwa mpatsa kwa dzambo ḍya kutsowa nguvu, sasa kakuishini kwa nguvu za Muungu. Hat̯a naswi, ntahu nguvu, ela hunaishi kwa nguvu za Muungu kumuhumikia nywinywi.

2 Wakorint̯o 2:17

Swiswi ntahukwaa dza wangine wenji na wenji weonahwaa kusumwiiya chuuwo cha Muungu dza kwamba ni bit̯i t̯u ya kudzilachia maisha. Ishinu, swiswi hunasumwiiya na myojo midheru usoni kwa Muungu, kwa kwamba ndiye ahuhumie na hu wahumisi wa Kirist̯o.

2 Wakorint̯o 4:2

Mambo ya yutswa yeyonahendwa kisiri-siri, swiswi huyadziza. Ntahukwaa wantu wa makulekule wala wantu weonakiperuya chuuwo cha Muungu kinene nsuwe. Swiswi hi hachi ya haya *Maagu Mema, hunainena wekeani tswee na Muungu akiwa shaahiḍi. Hunahenda hivi, hukidzikwat̯ya kwamba kula muntu anaona kwamba haya hwiyokuhendani ni mambo ya sawa.

2 Wakorint̯o 7:14

Niimushad̯a nywinywi usoni yakwe, nanywi urembo wenu ntamukunigiza yutswa. Swiswi, hwikimwambia hi ya hachi kut̯wa, na hi shad̯umea huyaviyeo kwa Tito dzuu yenu, ionekana kuwa ya hachi.

Waefeso 1:13

Hat̯a nanywi nywinywi wantu wa vyeet̯i vingine, mwipfoyasikia haya *Maagu Mema muyahikiza na Muungu kamupfonya. Na kwa kwamba mumuhikiza Kirist̯o, Muungu kamungiza alama kwa kumumpa huyu Ruhu jwakwe eyemuahid̯ia wantuwe.

Waefeso 3:20

D̯ubva Muungu nashad̯we! Koro ana uwezo wa kuhenda makuu kuchiya hayaḍe hwiyonamuyomba ambu hwiyonamamat̯a. Na haya anayahenda kwa nguvuze nkuu zizokuhendani kazi kuzimuni mwehu.

Waefeso 4:21

Nina hakika kwamba musumwiijwa dzuu ya Yesu, na mwipfomuserefat̯a muyongweezwa hi ya hachi dzuuye.

Wakolosai 1:5

Nywinywi muwatsaka wantu wonse wa Muungu, kwa kwamba muna madzikwat̯yo ya kwamba, munayapata haya mambo mema muyawekeejweyo mbinguni. Haya haya madzikwat̯yo muyapata hangu mwipfosumwiijwa haya Maagu Mema ya hachi, yani hi Injili.

1 Watesalonike 5:8

Ela kwa dzambo swiswi hu wantu hwiwokuishini muyangani, nahuwe wantu wa kudzimiza. Faro yehu na matsako yehu navihuchinge na mazuka dza hiviḍe vya ngao ivyonamuchinga asikari. Na madzikwat̯yo yehu ya kudzapfonywa na adhaḅu ya Muungu aiwawekeeyo wantu wazuka wonse, nayahuchinge na mazuka dza hiviḍe vya nkofia ya chuma ivyonamuchinga kitswa asikari.

2 Timoteo 2:15

Ḍema mala wiyonaweza upate kuhikizika kwa Muungu, uwe muhumisi asiyeionea yutswa kaziye na eyenaiyongweeza urembo hi hachi ya haya Maagu Mema ya Muungu.

2 Timoteo 4:7

Dza vya muntu jwa mbio, nihenda kula niwezeyecho na hizi mbio nizid̯arama nizisa, na faro yangu sikuiyekeza.

Waeburania 2:4

Muungu nae kavihuyanga tswee kwamba ni ḍugha kwa kuhuyanga vihambwiizo, mambo ya mafara na mambo ya kumakisa menji na menji, pfamodza na kupfa wantu t̯ola ya Ruhu Mudheru dza atsakiyevyo mwenye.

Yakobo 1:18

Kwa miroye mwenye, kahupfa kuvyajwa upfya kuchiiya na kwa hichi chuuwoche cha hachi. Kahenda hivi ili kwamba, kahi ya vyonse aumbiyevyo, swiswi huwe ndiswi viumbe vya maana vya mwiso kwakwe.