2 Wakorint̯o 6:16 - Pokomo

¹⁶ *Hekalu ya Muungu inakajwadze ni masanamu? Koro swiswi hu Hekalu ya Muungu eye mojo. Dza vya Muungu aneneyevyo akyamba, “Makao yangu nayambaka kwa wantu wangu, kisa nami naishi kahi yao. Nawa Muungu jwao, nao wanawa wantu wangu.”

2 Wakorint̯o 6:16 ပူးပေါင်းရင်းမြစ်များ

Matayo 16:16

Simioni Pet̯ero kambukuya kamba, “Wewe ndiwe huyu *Kirist̯o Mwana jwa Muungu eye mojo.”

Matayo 6:24

Yesu kagija kuyongweeza kamba, “Ntaku muntu eyenaweza kuhumikia maḅwana wawii kwa mweedha mumodza. Koro anamutsaka mumodza, na anamukeva huyu yungine. Ambu anamuhumikia mumodza na mojowe wonse, ela anamunyira huyu yungine. Ndookomu nichokunenani ni kwamba, nkuwezi kumuhumikia Muungu na kuhumikia fwedha.

Luka 5:36

Makisa Yesu kawambia hiḍi inganyo, “Ntaku muntu eyenaḅaa kiraka kuyawa kwa nguo mpya na akakingiza kwa nguo ijariyeyo. Koro akihenda dzavyo, anawa kainanga hi nguo mpya, na hiki kiraka kipfya ne nguo ya kae ntavinaingana. Koro hiki kiraka che nguo mpya ni garagara ne nguo ya kae.

Yohana 14:23

Yesu kamwambukuya kamwamba, “Muntu akinitsaka mimi, anayagija haya mayongweezo yangu. Na muntu dzae, Baba anamutsaka. Na mimi na Baba hunahenda makao yehu kwakwe.

Yohana 6:56

Kula eyenaḍya mwii wangu na kunwa mwazi wangu, anawa na uharia nami, nami nawa na uharia nae.

Warumi 8:11

Na kwa kwamba huyu Ruhu jwa huyu Muungu amufufwiiye Kirist̯o Yesu kuyawa kwa wafu ka kuzimuni mwenu, ḅasi yuyuḍe amufufwiiye Kirist̯o anamumpa maisha mapfya nywinywi mwiwo na mii ya kufwa. Nevihivi anavihenda kuchiiya na kwa huyu Ruhu jwakwe eye kuzimuni mwenu.

Warumi 8:9

Ela nywinywi ntamukwakut̯awaligwani ni mambo ya kimwii. Ikiwa kwamba huyu Ruhu jwa Muungu ka kuzimuni mwenu, ḅasi ndiye eyekumuyongowani. Kumbukani kwamba muntu asiye Ruhu jwa Kirist̯o, huyo si jwa Kirist̯o.

Warumi 9:26

Na pfapfaḍe pfantu niwambiiyepfo, ‘Ntamukwaa wantu wangu,’ ḅasi ndipfo pfantu wadzepfohanigwa, ‘Wana wa Muungu eye mojo.’ ”

1 Wakorint̯o 10:21

Ntamuwezi kunwa chikombe cha Ḅwana kisa munwe na chikombe cha mashaat̯ani. Ntamuwezi kuḍya chakuḍya cha Ḅwana na muḍye na chakuḍya cha mashaat̯ani.

1 Wakorint̯o 6:19

Ntamudzi kwamba mii yenu ni *Hekalu ya Ruhu Mudheru? Huyu Ruhu mumupfegwa ni Muungu na kakuishini kuzimuni mwenu. D̯ubva mii yenu namutseihwaa dza yenu, nza Muungu.

Waefeso 2:20

Nywinywi mwaa dza mawe yambakijweyo dzuu ya hu musinji uwekejweo ni hawa *ntumi na manabii. Na Yesu Kirist̯o mwenye ndiye hiḍi iwe muhimu ḍya mwiso.

Waefeso 2:22

Ndookomu kuchiiya na kwa Kirist̯o, nywinywi musiokuwa Wayahud̯i nanywi mwakuunganywani na hawa wantu wonse wa Muungu, muwe Hekalu ya Muungu ya kukaa kuchiiya na kwa huyu Ruhu jwakwe.

Waefeso 3:17

Na nyakumuyombeani kwamba Kirist̯o aweze kuishi myojoni mwenu maishi kwa dzambo ḍya kumuserefat̯a kwenu. Nyakumuyombeani kwamba muweze kukumiiya na matsako na mutseweza kugwa.

1 Timoteo 3:15

Ela ikiwa kwamba nikawa kudza, hi ḅaruwa inakumanyisa hivi hwivyonamala kudzihwaa kuzimuni mwa tsanganiko ḍya wantu wa huyu Muungu eye mojo. Hiḍi tsanganiko ndiḍyo hi nguzo na musinji wa faro ya Kikirist̯o.

2 Timoteo 1:14

It̯unze hi nkandi ya maana ya haya Maagu Mema uipfegejweyo ni Muungu. It̯unze kwa nguvu za Ruhu Mudheru, huyu eyenaishi kuzimuni mwehu.

Waeburania 3:6

Ela *Kirist̯o ni Mwana muhikizika jwa Muungu eyekuisumamiani nyumba ya Muungu. Naswi hu nyumbaye ikiwa kwamba hugija kuwa na uhakika wa haya madzikwat̯yo hwiyonadzivunia.

Waeburania 8:10

Hiḍi ḍamano nidzeḍyowekeana na nyumba ya Isiraeli ni hiḍi: Nsiku zizokudzani, nazyora sharia zangu myojoni mwao, na naziweka akilini mwao. Mimi nawa Muungu jwao, nao wanawa wantu wangu.

Yakobo 4:5

Ambu avi vya aya matsoro yaneneyevyo yakyamba, “Huyu Ruhu jwa Muungu amuwekeye kuzimuni mwehu ni mwivu,” mwakut̯arani kwamba ni vyuuwo vya ḅasi?

1 Pet̯ero 2:5

Nanywi wani dza mawe ya maana ya kumbakia Hekalu ya kiruhu, ili muwe wakohani wa kuyavya mvuugiya za kiruhu, zizonakuḅaligwa ni Muungu kuchiiya na kwa Yesu Kirist̯o.

1 Yohana 4:12

Gula ntaku amuoneye Muungu meshi. Ela hukitsakana swiswi na swiswi, Muungu anawa na haria naswi na wangine wanaona matsakoye kuchiiya na kwehu.

1 Yohana 4:15

Yuḍejwonse ashuhuḍie ya kwamba Yesu ni Mwana jwa Muungu, Muungu kakuishini kuzimuni mwakwe, nae kakuishini Muunguni.

Upfenuo wa Yohana 2:1

Huyu eyekuwa dza *Mwana jwa Ad̯amu kagija kunena nami kanyamba, “Kwa huyu malaika jwa tsanganiko ḍya Efeso, mworeye umwambe, ‘Huyu azigijiye hizi nyoha mfungahe na mukono wakwe wa kuyume na eyenakwenenda kahi ya hi mihi mifungahe ya dhahaḅu ya kupfatsikia tsaa, kamba hivi:

Upfenuo wa Yohana 21:3

Kisa nisikia saut̯i nkuu kuyawa hapfaḍe pfe kiti cha kihaju ikyamba, “T̯ayowani! Sasa makao ya Muungu yesakuwa pfamodza na wanaad̯amu. Jeje anakaa pfamodza nao, nao wanawa wantuwe. Muungu jeje mwenye anawa pfamodza nao.

Upfenuo wa Yohana 21:7

Kula ashindiye nayamumpa haya haya yonse. Muntu dzae, mimi mwenye nawa Muungujwe, nae anawa mwanangu.