2 Wakorint̯o 5:16 - Pokomo

¹⁶ Hangu hwipfohikiza, ntahupime muntu na mat̯aro ya kilumwengu. Gula d̯ura hwikimuhwaa Kirist̯o na hiyo hiyo njia, ela sasa huviyatsa.

2 Wakorint̯o 5:16 ပူးပေါင်းရင်းမြစ်များ

Matayo 10:37

Ikiwa kwamba muntu kamutsaka babajwe na mamajwe zaid̯i, kuliko kunitsaka mimi, ḅasi muntu dzae nkafae kuwa jwangu. Na muntu akimutsaka muuraniwe ambu mwanamukewe zaid̯i, kuliko kunitsaka mimi, nae pia huyo muntu nkafae kuwa jwangu.

Yohana 15:14

Na mukihenda hivi nivyonamuamuru, ḅasi nywinywi mu waḅamu zangu.

Yohana 2:4

Nae Yesu kamwambukuya kamwamba, “Maama, hayo hayo yanimud̯a na mimi? Wakati wangu ntaudzafika.”

Yohana 6:63

Eyenapfa wantu maisha ni huyu Ruhu jwa Muungu. Mwanaad̯amu nka echonacho. Na hivi vyuuwo nineneyevyo mvya huyu Ruhu na vinawapfa wantu maisha.

Yohana 8:15

Nywinywi munayayowa mambo kiwanaad̯amu na mukadzinihukumia ḅasi. Ela mimi sikudzia kuhukumu muntu.

2 Wakorint̯o 11:18

Ela kwa dzambo kuna wenji weonadziona na mambo ya kilumwengu, nami pia nahenda dze vyao.

Wagalatia 5:6

Koro kuzimuni mwa Kirist̯o Yesu, kuhinywa ambu kutsahinywa kwa muntu ntaku maana yaḍeyonse. Cha mud̯a ni serefano yehu kwa Kirist̯o iyonaonekana kuchiiya na kwa haya matsako hwiyonayo.

Wafilipi 3:4

Nyakunenani hivi, hat̯a ingawa mimi mwenye nina saḅaḅu za kuemeeya hizi hizi adha za kibenaad̯amu. Na muntu akit̯ara kwamba ana saḅaḅu za kuemeeya hizi hizi adha, ḅasi mimi nina saḅaḅu nyinji zaid̯i.

Wakolosai 3:11

Haya haya maisha mapfya ntaya cha kwamba muntu ni Muyahud̯i ambu hat̯a, ambu muntu kahinywa ambu hat̯a. Ntaya cha kwamba muntu kasoma ambu hat̯a. Ntaya cha kwamba anahwajwa dza baud̯a ambu hat̯a, na wala ntaya cha kwamba muntu ni muhumwa ambu hat̯a. Cha mud̯a ni kwamba Kirist̯o ka dzuu ya wonse, na anaishi kuzimuni mwa wantu wonse wamuhikiziyeo.

Yakobo 3:17

Ela hi mvidhyo iyonayawa kwa Muungu, nguzi d̯ura inamumpa muntu kuishi maisha yasiyo t̯amba zuka ḍiḍeḍyonse. Kisa, inamumpa kutsaka kuishi na wantu na naghea, inamumpa kut̯aria wenziwe na inamumpa mojo wa kusikiiya na kuhwaa vyuuwo vya wangine. Mvidhyo ya Muungu inamumpa muntu kufwia t̯ei wenziwe na kuwahendea mema kut̯wa, na nkawezi kuwa na uḅaguzi wala umbiimbii.