2 Wakorint̯o 5:12 - Pokomo

¹² Namutsehuona dza kwamba hwakutsakani kudzitsakiza kwenu kawii hat̯a. Hwichokutsakani ni kumuhendeza mudzione naswi, ili mupate namuna ya kuwambukuya hawaḍe weonamuyowa muntu nanze wakadziona, ḅad̯ala ya kumuyowa aivyo na kuzimu.

2 Wakorint̯o 5:12 ပူးပေါင်းရင်းမြစ်များ

2 Wakorint̯o 10:12

Hangu d̯ura aswi, hunaweza kudzipima na kudziinganya na hawaḍe weonadzishad̯a wao wenye? Wantu dzao, weonadziwekea vipimo vyao wao wenye kisa wakadzipima navyo ni maḍyura!

2 Wakorint̯o 10:18

Koro muntu jwa Ḅwana atsakiye si huyuḍe eyenadzishad̯a jeje, ela ni huyuḍe jwakwe jeje mwenye eyenamushad̯a.

2 Wakorint̯o 10:7

Nywinywi munayahwaa mambo kidzuu-dzuu. Ikiwa kwamba muntu kadziona kwamba jeje njwa Kirist̯o, navit̯arie urembo, na anaona kwamba naswi hu wantu wa Kirist̯o dzae.

2 Wakorint̯o 10:8

Ḅwana kahupfa mamulaka dzuu yenu; si mamulaka ya kumutsaratsara, ela ni mamulaka ya kumumbaka nywinywi. Na hat̯a ingawa nimadziona kuchia chima dzuu ya haya mamulaka hwiyonayo, si yutswa na muntu.

2 Wakorint̯o 12:11

Mimi nyakuhendekani dza ḍyura, ela ndinywi munihendezeyeo nihendeke dza ḍyura. Nywinywi ndinywi wa kwamba mundenishad̯a. Koro hat̯a mukinyamba mimi si maana, si ya kwamba mimi si maana kuchia hawa ntumi wenu mwiwonahwaa kuwa na maana.

2 Wakorint̯o 3:1

Hukwakunenani hivi, si ya kwamba humakudzionani kawii hat̯a! Swiswi ntahukwaa dza hawa wantu wangine. Ntahu haḍya ya kwamba huwe na ḅaruwa za kuhumanyisa kwenu ambu muhupfe ḅaruwa za kuhumanyisa kwa wangine.

2 Wakorint̯o 6:4

Ishinu, hunayanga kwamba hu wahumisi wa Muungu kwa kula kintu hwichonahenda. Hunait̯isa muno hukwakukuntiswani d̯ina, hunait̯isa kwa maisha momu momu na kwa kula aina ya d̯ina.

Wafilipi 1:26

Ḅasi nidzepfowa pfamodza nanywi kawii, munapata saḅaḅu nkuu zaid̯i ya kumushad̯a Kirist̯o Yesu kwa dzambo ḍyangu.