2 Wakorint̯o 13:7 - Pokomo

⁷ Nami, hat̯a nikihwajwa dza muntu ashindijwe, mayombo yangu kwa Muungu ni kwamba, nywinywi mutsehenda tsowa ḍiḍeḍyonse. Muud̯ama yangu ni kwamba nywinywi muhende yeyo ya hachi, si kwamba mimi nionekane kwamba nifaulu.

2 Wakorint̯o 13:7 ပူးပေါင်းရင်းမြစ်များ

Matayo 6:13

Nkudzohuyehe pfantu pfa kuḍemwa, ela uhupfonye mazukani. [Koro Uhaju mbwako, na nguvu na marembo, hat̯a pfasipfosia. Amina.’]”

Yohana 17:15

Mimi sikwakuyombani kwamba uwanuye lumwenguni, ela nyakukuyombani uwachinge na Muzuka Shaat̯ani.

Warumi 1:28

Kwa kwamba wadziza kumuhambuya Muungu, nae Muungu kawayatsa wakidzit̯aria haya mat̯aro yao mazuka mazuka, ili kwamba wakidzihendea ḅasi haya mambo wasiyomala kuyahenda.

Warumi 12:17

Wantu wakimuhendea mazuka, nywinywi namutsewaipfa halo kwa kuwahendea mazuka. Ela meshi ikaani mukit̯aria kuhenda yeyo sawa usoni kwa wantu wonse.

Warumi 13:13

Ni had̯i hukae urembo dza wantu wa Muungu weo muyangani wevyonamala kukaa. Nahutsedzingiza kwa jila nzuka nzuka za kuruma ambu kuhenda uḅari, na wala nahutsedzingiza kuhendani mambo yangine yaḍeyonse machafu. Na pia ni had̯i huyatse mambo ya nkondo na kufwiyana ḍea.

Warumi 16:10

Niyaviani kedhya zingine kwa Apele, ayangiye kwamba kamuhikiza Kirist̯o ḍugha, na munikedhyeye na wantu wa balabalani mwa Arisitobulaso.

1 Wakorint̯o 11:19

Hangu d̯ura, ni had̯i kuwe migawikano kahi yenu, ili hawaḍe wahikiza weo na hachi wapate kuonekana.

2 Wakorint̯o 10:10

Koro wangine wanakwamba, “Ḅaruwa za Paulo ni nkali nkali na zina vyuuwo viziho viziho, ela jeje mwenye nka mwii wa maana na wala nka ud̯ubat̯a eo nao!”

2 Wakorint̯o 10:18

Koro muntu jwa Ḅwana atsakiye si huyuḍe eyenadzishad̯a jeje, ela ni huyuḍe jwakwe jeje mwenye eyenamushad̯a.

2 Wakorint̯o 13:6

Nyakudzikwat̯yani kwamba nywinywi mumanya ya kwamba swiswi ntahukwaa wantu hugwiyeo.

2 Wakorint̯o 13:8

Koro hi hachi ntahu uwezo wa kuikaiya machingama, huna uwezo wa kuisumamia t̯u.

2 Wakorint̯o 13:9

Swiswi hwipfonatsowa nguvu nanywi mukiwa nazo, swiswi hunatsekea. Ndookomu hwichonamuyombea ni kwamba muweze kuwa warongaaro kawii.

2 Wakorint̯o 6:4

Ishinu, hunayanga kwamba hu wahumisi wa Muungu kwa kula kintu hwichonahenda. Hunait̯isa muno hukwakukuntiswani d̯ina, hunait̯isa kwa maisha momu momu na kwa kula aina ya d̯ina.

2 Wakorint̯o 8:21

Hwakufwiani kuhenda yeyo sawa usoni kwa Muungu na usoni kwa wantu.

Wafilipi 4:8

Mwiso wandugu zanguni, ikaani mukit̯aria mambo mema, mambo ya hachi na mambo yasiyohwajwa kuwa mazuka. T̯ariani mambo yeyo ya ḍugha, kuwa na t̯aḅia nyema, mambo ya udheru, mambo ya kutsakiza na mambo yeyo ya hila.

1 Watesalonike 5:23

Nyakumuyombani Muungu, eyenahupfa naghea, amudherese muwe wadheru kaḅisa! Jeje namuweke maisha yenu yonse, ya mwii na ruhu, yatseewa na t̯amba zuka ḍiḍeḍyonse, hat̯a nsiku ya Ḅwana jwehu Yesu Kirist̯o adzepfouja mweedha wa pfii.

1 Timoteo 2:2

Wayombeyeni na mahaju na wonse weo na mamulaka, hupate kuishi maisha ya utuvu na ya naghea. Ni humuhile Muungu na huwe na t̯aḅia nyema kwa wangine.

2 Timoteo 2:15

Ḍema mala wiyonaweza upate kuhikizika kwa Muungu, uwe muhumisi asiyeionea yutswa kaziye na eyenaiyongweeza urembo hi hachi ya haya Maagu Mema ya Muungu.

2 Timoteo 4:18

Ḅwana ananipfonya na mazuka yonse, na ananipfiika salama kwa uhaju wakwe wa mbinguni. Ḅwana ashad̯we maishi na maishi! Amina.

Yakobo 1:12

Heri muntu eyenapatwa ni maḍemo na akait̯isa! Koro akiit̯isa hat̯a akiyashinda, Muungu anamumpa t̯ubvo ḍya maisha ya kuunga na yuungo. Hiḍi ni t̯ubvo ḍya Muungu aahid̯iyeḍyo kuḍiwapfa hawaḍe wonse wamutsakiyeo.

1 Pet̯ero 2:12

Ikaani na t̯aḅia nyema kahi ya hawa walumwengu, ili kwamba hat̯a wakimunenea mazuka, wayaone haya mahendo yenu mema na waweze kumushad̯a Muungu nsiku adzeyokudza.