2 Wakorint̯o 13:10 - Pokomo

¹⁰ Nyakumworeani hi hii ḅaruwa ninkiwa kuye nanywi, ili kwamba chima changu cha kudza, kunawa ntaku haḍya kwangu kuwa mukali kwenu. Koro haya mamulaka ya Ḅwana animpiyeyo, natsaka kuyatumia kumumbaka nywinywi, si kumuvara-vara.

2 Wakorint̯o 13:10 ပူးပေါင်းရင်းမြစ်များ

1 Wakorint̯o 4:21

Mwichonatsaka ni chi? Nimudziye na lucha, ambu nimudziye na mojo wa matsako na wa umpowe?

2 Wakorint̯o 10:2

Nyakumuyombani mutsenisharut̯isa kuwa mukali kwenu nidzepfokudza. Nimanya naweza kuwa mukali kwa hawaḍe weonat̯ara kwamba swiswi mambo yehu hwakuyahendani kilumwengu.

2 Wakorint̯o 10:4

Na hivi vyeera hwivyokujwaniani hivi viha vyehu si vyeera vya kilumwengu, ni vyeera vivyo na nguvu za Muungu, hwizonavunzia-vunzia nkambi za muzuka. Hunananga-nanga kula yuḍaat̯o jwa nsuwe

2 Wakorint̯o 10:8

Ḅwana kahupfa mamulaka dzuu yenu; si mamulaka ya kumutsaratsara, ela ni mamulaka ya kumumbaka nywinywi. Na hat̯a ingawa nimadziona kuchia chima dzuu ya haya mamulaka hwiyonayo, si yutswa na muntu.

2 Wakorint̯o 13:2

Nyakuwakanyani hawaḍe weohenda nabvise kae na hawa wangine wonse. Niivinena ḍya d̯ura huḍe mweedha wa pfii niwomut̯embeeya, ela nyakuvinenani kawii hivi nisivyokuwa pfamodza nanywi, kwamba: Hu mweedha ungine nidzeokudza sikudzaonea t̯ei muntu.

2 Wakorint̯o 13:8

Koro hi hachi ntahu uwezo wa kuikaiya machingama, huna uwezo wa kuisumamia t̯u.

2 Wakorint̯o 2:3

Maana nimworeeyo hihiiḍe ḅaruwa ni kwamba, sikitsaka kudza kwenu huhuuḍe wakati. Koro t̯ambere nidziye huhuuḍe wakati, mundeningiza tsungu muhupfu, na huku ndinywi hawa wantu wa kwamba mundenitsekeza. Na nina hakika kwamba nipfonawa na tsekea, nanywi nyonse munawa na tsekea.

2 Wakorint̯o 6:6

Swiswi hudziyanga kuwa wahumisi wa Muungu kwa udheru wehu, kwa namuna huimanyiyevyo hi hachi, kwa kuit̯isa kwehu na kwa wema wehu. Na pia hudziyanga kuwa wahumisi wa Muungu kwa kupfegwa huyu Ruhu Mudheru, kwa tsako ḍyehu ḍya ḍugha kwa wangine,

Tito 1:13

Na hivi aneneevyo ni ḍugha. D̯ubva hawa wayongweeza nsuwe wabuse vyumuni, wapate kuwa na faro nyema ya Kikirist̯o,