2 Wakorint̯o 12:9 - Pokomo

⁹ Ela kula mweedha jeje kanyamba, “T̯ei yangu kwako it̯osa. Koro wewe mwenye wipfonawa mudhaifu, ndipfo pfa nguvu zangu zipfonahenda kazi urembo zaid̯i.” D̯ubva mimi natsekea kudziona kwa dzambo ḍya udhaifu wangu, nipate kuona nguvu za Kirist̯o zikihenda kazi kuzimuni mwangu.

2 Wakorint̯o 12:9 ပူးပေါင်းရင်းမြစ်များ

Matayo 28:18

Yesu kawendea hafufi na kawamba, “Mamulaka yonse ya mbinguni na lumwenguni niyapfegwa mimi.

Matayo 28:20

Na pia muwayongweeze kuvigija hiviḍe vyonse nimuamuriyevyo nywinywi. Na hachi nyakumwambiani, mimi nya pfamodza nanywi nsiku zonse mumpaka mwiso wa lumwengu.”

Luka 21:15

Koro nidzamumpa ud̯ubat̯a na karo wa kwamba hat̯a wazuka wenu ntawakudzaweza kuvidziza ambu kuvikana hivi mudzevyonena.

1 Wakorint̯o 10:13

Haya maḍemo mwiyonapata ni haya yeyonakudzia kula muntu. Ela Muungu ni muhikizika, na nkamuyatse muḍemegwe kuchia chima. Koro mwipfonaḍemegwa, jeje anamuyanga vya kuhenda ili mutsekudzagiswa ni haya maḍemo.

1 Wakorint̯o 15:10

Ela kwa dzambo ḍya t̯ei ya Muungu anifwiiyeyo, nigala hivi niivyo, na hizi mvonize animpiyezo ntazikwenda ḅasi. Koro nihenda kazi na hiḍu kuchia hawa ntumi wangine wonse. Ela haswa haswa simi niihendeye, ni haya mat̯ola ya Muungu animpiyeyo kuihendea hi kazi.

1 Wakorint̯o 2:3

Na nipfokudza kwenu, nidza ninkiwa nguvu zinisia, na nidza huku nikikuka kuhehema na oga.

1 Wakorint̯o 2:5

Nihenda hivi ili kwamba, faro yenu itseemeeya vyuuwo vya ukaro wa mwanaad̯amu, ela iemeeye nguvu za Muungu.

2 Wakorint̯o 11:30

Ikifika kwamba ni had̯i nidzione, nadziona na haya mambo yeyonayanga namuna nisivyokuwa na nguvu.

2 Wakorint̯o 12:1

Gula kudziona kwangu ntaku maana yaḍeyonse, ela mimi nagija kudziona t̯u. Na sasa nanenea mambo ya Ḅwana aniyangiyeyo na akiyanipfenwiiya.

2 Wakorint̯o 12:10

Ndookomu natsekea kukunta d̯ina kwa dzambo ḍya Kirist̯o. Sione viwi nikiwa mudhaifu ambu nikihendejwa mazuka, ninkiwa na t̯uri ambu nikiteswa na kukuntiswa d̯ina. Koro nipfonasiijwa ni nguvu zangu ndipfo nipfonapata nguvu za Kirist̯o.

2 Wakorint̯o 12:15

Mimi natumia na mojo mumodza kula nichonacho na kudzit̯ut̯uma kwa dzambo ḍya ruhu zenu. Ami nikimamutsaka muno dzevihivi, anywi munanitsaka kachuchu ḅasi?

2 Wakorint̯o 12:5

D̯ubva mimi nadziona kwa dzambo ḍya muntu dzae. Nihuna kutsadziona na ḍingine ḍiḍeḍyonse, lamud̯a nidzione dzuu ya haya mambo yeyonayanga namuna nisivyokuwa na nguvu.

Waefeso 3:16

Nyakumuyombeani kwamba, kuyawana na winji wa memaye yasiyo chima, amumpe nguvu za kut̯osa za kumukumiiza hi myojo yenu kuchiiya na kwa Ruhu jwakwe.

Wafilipi 4:13

Naweza kuit̯isa kwa hali zonse kuchiiya na kwa Kirist̯o eyenanimpa nguvu.

Wakolosai 1:11

Na pia hwakumuyombeani kwamba Muungu amungize nguvu kuuḅana na uwezowe mukuu eo nao, ili kwamba mugije kumuserefat̯a jeje na muweze kuit̯isa mambo yonse huku mukiwa na tsekea.

1 Timoteo 1:14

Ḅwana kanifwiya t̯ei muno na kaniyanga kwamba kanitsaka. Kanihendeza nimuhikize na mojo na kanimpa kuwatsaka wahikiza wenzangu, koro hwonse hwakuishini hariani mwa Kirist̯o Yesu.

Waeburania 11:34

wazimya myoho ya bvibvibvibvi, na wapfona kutsakentwa-kentwa na myundu wayagwe. Ntaweewa wantu weokuwa na nguvu, ela wapfegwa nguvu. Wapfegwa nguvu za kujwania viha na washinda maḍyeshi mazima mazima ya nsi zingine.

Waeburania 4:16

D̯ubva nahumudzie Muungu mut̯ei pfasipfo oga. Jeje anahuyanga wemawe na t̯eiye hwipfonawa mad̯inani.