2 Wakorint̯o 12:21 - Pokomo

²¹ Nyakushoogeani kwamba, nidzepfokudza kwenu, Muungu jwangu ananihendeza nagijwa ni yutswa kawii kwa dzambo ḍyenu. Nami nidzasikit̯ika kwa dzambo ḍya hawaḍe wagijiyeo kuhenda nabvise pfasipfo kupfyehuza mama, wasiotsaka kuyatsa uḅari, ranga na ubabad̯uma wao.

2 Wakorint̯o 12:21 ပူးပေါင်းရင်းမြစ်များ

Warumi 13:13

Ni had̯i hukae urembo dza wantu wa Muungu weo muyangani wevyonamala kukaa. Nahutsedzingiza kwa jila nzuka nzuka za kuruma ambu kuhenda uḅari, na wala nahutsedzingiza kuhendani mambo yangine yaḍeyonse machafu. Na pia ni had̯i huyatse mambo ya nkondo na kufwiyana ḍea.

Warumi 9:2

Hachi mojoni mwangu nina ngiru na tsungu mwinji usiosia,

1 Wakorint̯o 5:1

Nisikia kwamba kunjia uḅari muzuka muno kahi yenu. Ni uḅari muzuka wa kwamba hat̯a kahi ya hawa walumwengu ntaupfo. Nisikia kwamba kuna muntu eyekuyaani hat̯a na mukaza babajwe!

2 Wakorint̯o 10:6

Na hudzepfoona kwamba mwakumut̯iini Kirist̯o na kula njia, hunawa hwaa t̯ayari kumuadhiḅu yuḍejwonse asiyet̯ii.

2 Wakorint̯o 12:7

Ela kwa kutsaka kunivingira nitsedziona muno kwa dzambo ḍya haya mambo menji makuu makuu aniyangiyeyo, Muungu kaningiza nd̯wari ya tsungu humu mwiini. Hi nd̯wari ikaa dza ntumi jwa Shaat̯ani jwa kunigisa chisa, kunivingira kutsadziona muno.

2 Wakorint̯o 13:2

Nyakuwakanyani hawaḍe weohenda nabvise kae na hawa wangine wonse. Niivinena ḍya d̯ura huḍe mweedha wa pfii niwomut̯embeeya, ela nyakuvinenani kawii hivi nisivyokuwa pfamodza nanywi, kwamba: Hu mweedha ungine nidzeokudza sikudzaonea t̯ei muntu.

2 Wakorint̯o 8:24

Hawa wantu wayangeni kwamba muwatsaka, ili kwamba haya matsanganiko yawahumiyeyo, yavisikie, na yamanye kwamba, hwiiwa na hachi ya kudziona kwa dzambo ḍyenu.

Wagalatia 5:19

Mahendo ya muntu eyenauḅa t̯amaa zakwe za kimwii ntayafitsike. Haya ni dza uḅari, mahendo machafu, na t̯amaa nzuka nzuka za kimwii,

Wakolosai 3:5

D̯ubva yatsani t̯amaa zenu na mahendo yenu mazuka mazuka mwiyokuwa nayo. Yatsani mambo ya uḅari, mambo machafu machafu, na t̯amaa nzuka nzuka zonse za kimwii na muyatse kumiiya mahe vya wantu. Koro kuwa muntu jwa kumiiya mahe vya wantu ni sawa na kuwa muntu jwa kuyomba miungu ya nsuwe.

Waeburania 13:4

Ndoa naihilwe ni kula muntu! Ntaku ruhusa ya muke ambu muyume kuyawa nze, maanaye Muungu anawahukumu hawaḍe wonse weo waḅari na wantu wa ranga.

2 Pet̯ero 2:18

Humu manwani mwao, vyuuwo vya kudziona na visivyo maana vinawamba bvaa! Wanakaa na kuwagisa nabviseni hawa wahikiza wanana kwa kuwayongweeza kwamba wakikaa na kudzit̯oseza hizi t̯amaa zao za kimwii.

Yud̯a 1:23

Wangine wapfoweni muwapfonye kuyawana na haya makaa ya moho weyokutsakani kunjia. Kuna na wangine weo wanabvise mwiwonamala kuwafwiya t̯ei, ela chimizani watsekudzamuhendeza mugwe nabviseni munjie t̯amba zuka.

Yud̯a 1:7

Kumbukani wantu wa midzi ya Sod̯oma na Gomora na hiḍe midzi ingine iyokuwa hafufi. Hawa hawa wantu wekihenda kula aina ya uḅari na kuyaana na njia isiyokuwa ya sawa, ndookomu Muungu kawananga-nanga na moho. Hihiiḍe midzi Muungu kaihenda dza hivihiviḍe nangere kuyanga namuna ya hawaḍe wonse weo wazuka wadzevyotsomwa na moho usiwosia.

Upfenuo wa Yohana 21:8

Ela woga, wasiohikiza, wantu weonahenda mambo machafu machafu, wayaji, waḅari, watsawi, weonayomba masanamu na wansuwe wonse, hukumu yao wadzafat̯ulwa humuḍe mwa hiḍi ziwa ḍiḍyonawaka moho wa maḅiliḅili. Na huko ndiko kufwa kwa pfii.”

Upfenuo wa Yohana 22:15

Ela weonahendeka dza machughe, watsawi, wantu weonahenda uḅari, wayaji, weonayomba masanamu na wonse watsakiyeo nsuwe, hao ntawawezi kunjia humuḍe mudzini.

Upfenuo wa Yohana 22:20

Huyuḍe avilalabviye hivi hivi kamba, “Hakika, nyakudzani si hat̯a kae!” Amina. Ad̯o nzoo Ḅwana Yesu!