2 Wakorint̯o 12:10 - Pokomo

¹⁰ Ndookomu natsekea kukunta d̯ina kwa dzambo ḍya Kirist̯o. Sione viwi nikiwa mudhaifu ambu nikihendejwa mazuka, ninkiwa na t̯uri ambu nikiteswa na kukuntiswa d̯ina. Koro nipfonasiijwa ni nguvu zangu ndipfo nipfonapata nguvu za Kirist̯o.

2 Wakorint̯o 12:10 ပူးပေါင်းရင်းမြစ်များ

Luka 6:22

Mudzawa na tsekea iyodze, nywinywi mukikevegwa ni wantu na kujibat̯wa na hat̯a kutsolwa na kwambigwa kwamba mu wazuka kwa dzambo ḍya kunihikiza mimi Mwana jwa Ad̯amu!

Yohana 15:21

Haya haya yonse, wanayamuhendea kwa kwamba mu wantu wangu. Na wanayamuhendea kwa kwamba ntawamudzi huyu anihumiye.

Mahendo 5:41

Hawa ntumi wanuka hapfaḍe gasani wakiwa na tsekea nkuu, ya kwamba Muungu kawatsana wakuntiswe d̯ina kwa dzambo ḍya sari ḍya Yesu.

Warumi 5:3

Na zaid̯i ya hayo, hat̯a hukiwa mad̯inani pia hunatsekea, koro humanya kwamba mad̯ina yanahuyongweeza kuit̯isa.

1 Wakorint̯o 4:10

Swiswi, hunahwajwa dza maḍyura kwa dzambo ḍya Kirist̯o, ela anywi mu makaro hariani mwa Kirist̯o! Swiswi ntahu nguvu, ela anywi zimudzaa t̯ipu! Nywinywi mwakuhilwani, ela aswi hwakubalifigwani!

2 Wakorint̯o 1:4

Jeje anahuingamaza d̯inani mwehu mwonse, ili kwamba, kwa huku huku kuingamazwa kwehu hupfegejweko ni Muungu, huweze kuwaingamaza na wangine weo mad̯inani.

2 Wakorint̯o 10:18

Koro muntu jwa Ḅwana atsakiye si huyuḍe eyenadzishad̯a jeje, ela ni huyuḍe jwakwe jeje mwenye eyenamushad̯a.

2 Wakorint̯o 12:9

Ela kula mweedha jeje kanyamba, “T̯ei yangu kwako it̯osa. Koro wewe mwenye wipfonawa mudhaifu, ndipfo pfa nguvu zangu zipfonahenda kazi urembo zaid̯i.” D̯ubva mimi natsekea kudziona kwa dzambo ḍya udhaifu wangu, nipate kuona nguvu za Kirist̯o zikihenda kazi kuzimuni mwangu.

2 Wakorint̯o 13:4

Hat̯a ingawa Kirist̯o kapfatsikwa muhini mwa mpatsa kwa dzambo ḍya kutsowa nguvu, sasa kakuishini kwa nguvu za Muungu. Hat̯a naswi, ntahu nguvu, ela hunaishi kwa nguvu za Muungu kumuhumikia nywinywi.

2 Wakorint̯o 13:9

Swiswi hwipfonatsowa nguvu nanywi mukiwa nazo, swiswi hunatsekea. Ndookomu hwichonamuyombea ni kwamba muweze kuwa warongaaro kawii.

2 Wakorint̯o 4:17

Hizi d̯ina hwizokukuntani si d̯ina za muḍa muyeya, na hukiziinganya na haya yadzeyokudza, si d̯ina nkuu za kwambadze. Koro zinahuyehea marembo makuu ya kuishi na Muungu maishi.

2 Wakorint̯o 4:5

Haya hwiyokusumwiiyani si dzuu yehu swiswi, ela hwakusumwiiyani dzuu ya Yesu Kirist̯o kwamba ni Ḅwana, na kwamba swiswi hu wahumisi wenu kwa dzambo ḍya Yesu.

2 Wakorint̯o 5:15

Jeje kafwa kwa dzambo ḍya wantu wonse, ili kwamba hawaḍe weokuishini watseishi maisha yao wao wenye, ela wamuishie Kirist̯o. Koro iwa ni kwa dzambo ḍyao kwamba Kirist̯o kafwa kisa kafufujwa.

2 Wakorint̯o 5:20

D̯ubva swiswi hu maḅalozi wa Kirist̯o, na Muungu mwenye kakuhutumiani swiswi kunena nanywi. Kwa sari ḍya Kirist̯o, hwakumuyombani mumuyatse Muungu amuhendeze muwe waḅamuzwe kawii.

2 Wakorint̯o 6:4

Ishinu, hunayanga kwamba hu wahumisi wa Muungu kwa kula kintu hwichonahenda. Hunait̯isa muno hukwakukuntiswani d̯ina, hunait̯isa kwa maisha momu momu na kwa kula aina ya d̯ina.

2 Wakorint̯o 7:4

Nina uhakika nanywi muno, na nyakudzivunani nanywi muno. Hizi d̯ina zonse hukuntiyezo ntazidzaniyaga mojo; ishinu ninjijwa ni tsekea isiyo chima.

Waefeso 6:10

Chuuwo changu cha mwiso ni kwamba, Ḅwana namumpe nguvu kuyawana na uwezowe mukuu.

Wafilipi 1:29

Koro hi hii namfasi maalumu mupfegejweyo, ntamukuipfegwa kwa kumuhikiza Kirist̯o t̯u, ela hat̯a na kwa kukuntiswa d̯ina kwa dzambo ḍyakwe.

Wakolosai 1:24

Hi hii saasambi nyakukuntani d̯ina gerenzani kwa dzambo ḍya hi kazi yangu nihendeyeyo kahi yenu wantu wa vyeet̯i. Ela nina tsekea kwamba nyakukuntani d̯ina dzevihivi. Haya yeyokunipatani ni sehemu ya hizi d̯ina za Kirist̯o anitsaniiyezo kukuntana nazo kwa dzambo ḍya hiḍi tsanganikoḍye, ḍiḍyo dza hu mwiiwe.

2 Watesalonike 1:4

Ndiyo maana naswi, hunadziona nanywi kwa wantu wa matsanganiko yangine ya Muungu. Hunakaa hukiwasumwiiya namuna mugijiyevyo kumuserefat̯a Muungu na kuit̯isa, hat̯a ingawa mwakukuntiswani d̯ina muno kwa dzambo ḍya faro yenu.

2 Timoteo 3:11

Kumanya namuna nionesejwevyo tsungu na kukuntiswa d̯ina nipfokuwa Antiokia, Ikonio na Lusitira. Yewa mad̯ina mazuka muno niit̯isiyeyo! Ela Ḅwana kaniyavyanya na haya haya mad̯ina yonse.

Yakobo 1:2

Wandugu zangu, mwipfonapatwa ni maḍemo ya kula namuna, nywinywi tsekeani t̯u,

Upfenuo wa Yohana 2:3

Nimanya namuna mwivyokuit̯isani mad̯inani pfasipfo kudhimwa kwa dzambo ḍyangu.