2 Wakorint̯o 12:1 - Pokomo

¹ Gula kudziona kwangu ntaku maana yaḍeyonse, ela mimi nagija kudziona t̯u. Na sasa nanenea mambo ya Ḅwana aniyangiyeyo na akiyanipfenwiiya.

2 Wakorint̯o 12:1 ပူးပေါင်းရင်းမြစ်များ

Yohana 16:7

Ela hachi nyakumwambiani, kugonzowa kwangu ni kwa faiḍa yenu nywinywi. Koro nikitsagonzowa, huyu Mugijiija nkawezi kudza kwenu. Ela nikigonzowa, namuhuma adze kwenu.

Yohana 18:14

Jeje ndiye eyewamba wakuu wa Kiyahud̯i kwamba, ni heri kufwe muntu mumodza kwa dzambo ḍya wantu wonse.

Mahendo 18:9

Nsiku modza nasiku, Ḅwana kanena na Paulo nzozini kamwamba, “Nkudzoshooge! Gija kusumwiiya pfasipfo kufwa mojo,

Mahendo 23:11

Huḍe sikuwe Ḅwana kasumama hafufi na Paulo na kamwamba, “Dzipfe mojo! Dzevi usumwiiyevyo dzuu yangu hapfa Yerusalemi, ni had̯i Rumi nako wende ukahende dzevi.”

1 Wakorint̯o 10:23

Wangine wanakwamba, “Huna uhuru wa kuhenda kiḍechonse hutsakiyecho.” Ela si kula kintu kwamba kina maana. Munakwamba, “Huna uhuru wa kuhenda kiḍechonse hutsakiyecho.” Ela si kula kintu ya kwamba kinambaka.

1 Wakorint̯o 14:6

D̯ubva wandugu, nikidza kwenu na nikikaiya kunena na lugha ngeni, nawa na maana ga kwenu? Siwe na maana yaḍeyonse, lamud̯a nidze na mambo ya Muungu aniyangiyeyo, ambu umanyi musiku, ambu Maagu ya Muungu, ambu nidze na mayongweezo masiku.

1 Wakorint̯o 6:12

Muntu anaweza kunena ambe, “Nina uhuru wa kuhenda kiḍechonse nitsakiyecho,” ela si kula kintu kwamba kina maana. Naweza kwamba nina uhuru wa kuhenda kiḍechonse, ela siwezi kudzihendeza muhumwa jwa kiḍechonse kidzechokudza.

2 Wakorint̯o 12:11

Mimi nyakuhendekani dza ḍyura, ela ndinywi munihendezeyeo nihendeke dza ḍyura. Nywinywi ndinywi wa kwamba mundenishad̯a. Koro hat̯a mukinyamba mimi si maana, si ya kwamba mimi si maana kuchia hawa ntumi wenu mwiwonahwaa kuwa na maana.

2 Wakorint̯o 12:5

D̯ubva mimi nadziona kwa dzambo ḍya muntu dzae. Nihuna kutsadziona na ḍingine ḍiḍeḍyonse, lamud̯a nidzione dzuu ya haya mambo yeyonayanga namuna nisivyokuwa na nguvu.

2 Wakorint̯o 12:7

Ela kwa kutsaka kunivingira nitsedziona muno kwa dzambo ḍya haya mambo menji makuu makuu aniyangiyeyo, Muungu kaningiza nd̯wari ya tsungu humu mwiini. Hi nd̯wari ikaa dza ntumi jwa Shaat̯ani jwa kunigisa chisa, kunivingira kutsadziona muno.

2 Wakorint̯o 12:9

Ela kula mweedha jeje kanyamba, “T̯ei yangu kwako it̯osa. Koro wewe mwenye wipfonawa mudhaifu, ndipfo pfa nguvu zangu zipfonahenda kazi urembo zaid̯i.” D̯ubva mimi natsekea kudziona kwa dzambo ḍya udhaifu wangu, nipate kuona nguvu za Kirist̯o zikihenda kazi kuzimuni mwangu.

2 Wakorint̯o 8:10

Mat̯aro yangu dzuu ya hiḍe mvuugiya muḍabviyeyo kuhwaa ni haya: Ni heri muhende muyese hayaḍe mwiyoḍabva kuhenda mwaka dzana. Nywinywi ndinywi wa d̯ura mwiwokuwa na mojo wa kuyavya na mukiḍabva kuyavya.

Wagalatia 1:12

Mimi sikuipfegwa ni mwanaad̯amu yuḍejwonse wala kuiyongweezwa ni muntu. Huyu ainipfenwiiye ni Yesu Kirist̯o mwenye.

Wagalatia 2:2

Nyenda kwa dzambo ḍya kwamba Muungu ewa kayanga kwamba nyende. Na nipfokwenda, niwaimusya hawa wayongozi wamanyikaniyeo t̯u hi Injili niyonasumwiiya kwa wantu wa vyeet̯i. Nihenda hivi ili kwamba haya niyokuhendani na hayaḍe niyohenda, yatsekudzatsovyegwa maana.

Waefeso 3:3

Muungu kainipfenwiiya hi ngadziye iyofitsika kwa wantu. Nami nisakumworea kwa uchuchu dzuu ya hi hii ngadzi.

1 Watesalonike 4:15

Hichi hwakumwambiani chuuwo cha kuyawa kwa Ḅwana, ya kwamba, swiswi hudzeokaa mojo hat̯a nsiku ya Ḅwana adzeyouja kawii, ntahuwezi kuwayongowa hawaḍe wafwiyeo humut̯angere Ḅwana d̯ura.

1 Yohana 5:20

Na pia humanya ya kwamba huyu Mwana jwa Muungu kadza, na kahupfa kuimuka hupate kumumanya huyu Muungu jwa ḍugha. Naswi hwakuishini kuzimuni mwa huyu Muungu jwa ḍugha, koro hwaa kuzimuni mwa huyu Mwanawe, Yesu Kirist̯o. Na huyu ndiye huyu Muungu jwa ḍugha na ndiye eye na haya maisha ya kuunga na yuungo.